Sunday, 21st October 2018  

Vijayavani

ಚಡಚಣ ಸೋದರರ ಹತ್ಯೆ ಪ್ರಕರಣ-ಸಿಪಿಐ ಅಸೋದೆ 10 ದಿನ ಕಸ್ಟಡಿಗೆ-ಸಂಬಂಧಿಕರ ಮೇಲೂ ದೂರು ದಾಖಲು        ಸಿಸಿಬಿಯಿಂದ ಮುತ್ತಪ್ಪ ರೈಗೆ 8 ಗಂಟೆ ಡ್ರಿಲ್​-ಸೂಕ್ತ ದಾಖಲೆಗಳಿಂದ ಮಾಜಿ ಡಾನ್​​ ಬಚಾವ್​-ಇಂದು ಪೊಲೀಸರಿಂದ ಗನ್​​ಮ್ಯಾನ್​​ಗಳ ವಿಚಾರಣೆ        ಆ್ಯಕ್ಷನ್​​​ಕಿಂಗ್​​​ ವಿರುದ್ಧ ಶೃತಿ ಹರಿಹರನ್​ ಮೀಟು ಏಟು-ನಟಿ ವಿರುದ್ಧ ಸರ್ಜಾ ಫ್ಯಾಮಿಲಿ ಟಾಕ್​​ಫೈಟ್​​-ಆರೋಪಕ್ಕೆ ಸ್ಪಷ್ಟನೆ ನೀಡಲು ಇಂದು ಪ್ರೆಸ್​​ಮೀಟ್​​​        ಸಂಸದರ ನಿಧಿ ಹೊಡೆಯಲು ಮೆಗಾ ಪ್ಲಾನ್​-ನಕಲಿ ಲೆಟರ್​​​​​ಹೆಡ್​​​ ಮೂಲಕ ಲಕ್ಷ ಲಕ್ಷ ಗುಳುಂ-26 ಲಕ್ಷ ನುಂಗಿದ ಭೂಪ ಪೊಲೀಸರ ವಶಕ್ಕೆ        ರಂಗೇರಿತು ಉಪಚುನಾವಣೆ ಅಖಾಡ-ಇಂದು ಪಂಚ ಕ್ಷೇತ್ರಗಳಲ್ಲೂ ನಾಯಕರ ಪ್ರಚಾರ-ದೋಸ್ತಿಗೆ ಹುರುಪು ತಂದ ಗುರು-ಶಿಷ್ಯರ ಮಿಲನ        ಮಡಿಕೇರಿ ಸಂತ್ರಸ್ತರಿಗೆ ಮಾದರಿ ಮನೆಗಳ ನಿರ್ಮಾಣ-5 ರಿಂದ 10 ಲಕ್ಷದೊಳಗೆ ಮೂರು ರೀತಿಯ ಮನೆ-ಜನರು ಕೇಳಿದ ಮನೆ ಎರಡು ತಿಂಗಳೊಳಗೆ ರೆಡಿ       
Breaking News

ಜಿಎಸ್​ಟಿ ತೆರಿಗೆ ಬಗೆ

Thursday, 22.06.2017, 3:00 AM       No Comments

| ಸಿಎ ನಾರಾಯಣ ಭಟ್ ಲೆಕ್ಕಪರಿಶೋಧಕರು

ಲವಾರು ರಾಜ್ಯ ಹಾಗೂ ಕೇಂದ್ರ ತೆರಿಗೆಗಳನ್ನು ರದ್ದುಗೊಳಿಸಿ ‘ರಾಷ್ಟ್ರಕ್ಕೊಂದು ತೆರಿಗೆ’ ಎಂಬ ಹೆಗ್ಗಳಿಕೆಯೊಂದಿಗೆ ಜಿಎಸ್​ಟಿ(ಸರಕು ಮತ್ತು ಸೇವಾ ತೆರಿಗೆ) ಎಂಟ್ರಿ ಕೊಡುತ್ತಿದೆ. ಒಂದೇ ತೆರಿಗೆ ಎಂದಾದರೆ 29 ರಾಜ್ಯಗಳು ಹಾಗೂ 7 ಕೇಂದ್ರಾಡಳಿತ ಪ್ರದೇಶಗಳು ತೆರಿಗೆ ಹಂಚಿಕೊಳ್ಳುವುದು ಹೇಗೆ ಎನ್ನುವ ಪ್ರಶ್ನೆ ಹಲವರದ್ದು. ಪ್ರತಿ ಮಾರಾಟ ಬಿಲ್​ನಲ್ಲಿ ಸಿಜಿಎಸ್​ಟಿ (ಕೇಂದ್ರ) ಎಸ್​ಜಿಎಸ್​ಟಿ (ರಾಜ್ಯ) ಎಂಬ ಎರಡು ವಿಧದ ತೆರಿಗೆ ಹಾಕುತ್ತಾರೆ. ಇದರಲ್ಲಿ ಸಿಜಿಎಸ್​ಟಿ ಕೇಂದ್ರ ಸರ್ಕಾರದ ಖಜಾನೆಗೂ, ಎಸ್​ಜಿಎಸ್​ಟಿ ರಾಜ್ಯ ಸರ್ಕಾರದ ಬೊಕ್ಕಸಕ್ಕೂ ಸೇರುತ್ತದೆ.

ಉದಾ: ಮಳೆಛತ್ರಿಗೆ- 12% ಜಿಎಸ್​ಟಿ ಎಂದು ನಿಗದಿಯಾಗಿದೆ. ಕರ್ನಾಟಕಕ್ಕೆ 6% +ಕೇಂದ್ರಕ್ಕೆ 6% ಒಟ್ಟು 12%, ಹಿಂದಿನ ವಾರ ಹೇಳಿದ ಕಾಂಪೊಸಿಷನ್ ತೆರಿಗೆ- ಹೋಟೆಲ್- ಕರ್ನಾಟಕಕ್ಕೆ 2.5%, + ಕೇಂದ್ರಕ್ಕೆ 2.5% ಒಟ್ಟು 5%, ಕಾಂಪೊಸಿಷನ್ ತೆರಿಗೆ ಕಿರಾಣಿ ಅಂಗಡಿಯವರಿಗೆ- 0.5% ಕರ್ನಾಟಕಕ್ಕೆ + 0.5% ಕೇಂದ್ರದ ಖಜಾನೆಗೆ ಒಟ್ಟು 1%. ಇದು ಕರ್ನಾಟಕ ರಾಜ್ಯದ ಒಳಗಡೆ ಮಾರಾಟ ಮಾಡಿದಾಗ ಕರಭಾರ ಮಾಡುವ ಕ್ರಮ.

ಇನ್ನು ಬೆಂಗಳೂರಿನ ವ್ಯಾಪಾರಿಯೊಬ್ಬ, ಮುಂಬೈಗೆ ಮಾರಾಟ ಮಾಡಿದರೆ ಆತ, ಈ ಮೇಲಿನ ಎರಡನ್ನು ಬಿಟ್ಟು ಐಜಿಎಸ್​ಟಿ ಎಂದು ತೆರಿಗೆ ವಸೂಲಿ ಮಾಡಬೇಕಾಗುತ್ತದೆ. ಐಜಿಎಸ್​ಟಿ ಎಂದರೆ ಏಕೀಕೃತ ತೆರಿಗೆ. ಇದು ಕೇಂದ್ರ ಸರ್ಕಾರದ ಖಜಾನೆಗೆ ತಾತ್ಪೂರ್ತಿಕವಾಗಿ ಹೋಗುತ್ತದೆ. ಆದರೆ, ಖರೀದಿಸಿದ ವ್ಯಕ್ತಿ, ಮುಂದೆ ಮಾರಾಟಮಾಡುವಾಗ ತಾನು ವಸೂಲಿ ಮಾಡಿದ ಸಿಜಿಎಸ್​ಟಿ (ಕೇಂದ್ರ) ಎಸ್​ಜಿಎಸ್​ಟಿ (ರಾಜ್ಯ) ತೆರಿಗೆಗೆ ಈ ಐಜಿಎಸ್​ಟಿ ವಜಾ ಮಾಡಿಕೊಂಡಾಗ ಈ ಐಜಿಎಸ್​ಟಿ ಖಾಲಿ ಆಗಿರುತ್ತದೆ. ಅಂದರೆ ಐಜಿಎಸ್​ಟಿ ರಾಜ್ಯದಿಂದ ರಾಜ್ಯಕ್ಕೆ ಕೇವಲ ಸಂವಹನ ಮಾಧ್ಯಮವಾಗಿರುತ್ತದೆ. ಕೊನೆಯಲ್ಲಿ, ಕೇಂದ್ರ ಸರ್ಕಾರದ ಈ ಖಾತೆಯಲ್ಲಿ ವಜಾ ಆಗದೆ ಉಳಿದ ಪಕ್ಷದಲ್ಲಿ ಅದನ್ನು ಕೇಂದ್ರ ಸರ್ಕಾರ ತನಗೂ ರಾಜ್ಯ ಸರ್ಕಾರಗಳಿಗೂ ಸಮನಾಗಿ ಹಂಚುತ್ತದೆ. ಇನ್ನು, ಆಮದು ಮಾಡಿಕೊಳ್ಳುವಾಗ, ಆಮದು ಶುಲ್ಕದ ಹೊರತಾಗಿ, ಐಜಿಎಸ್​ಟಿ ತೆರಬೇಕಿರುತ್ತದೆ. ಅದು ಮುಂದೆ, ಆ ಸರಕು ಮಾರಾಟವಾದಾಗ, ರಾಜ್ಯ ಮತ್ತು ಕೇಂದ್ರ ಜಿಎಸ್​ಟಿಗೆ ವಜಾ ಆಗುತ್ತದೆ.

ಅಂದರೆ, ಪ್ರತಿ ಮಾರಾಟದಲ್ಲಿಯೂ ನಾವು ಕೊಡಬೇಕಿರುವ ಜಿಎಸ್​ಟಿ ತೆರಿಗೆ ಸಮನಾಗಿ ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳಿಗೆ ಹಂಚಿ ಹೋಗುತ್ತದೆ. ಕೇಂದ್ರ ಸರ್ಕಾರ ಸಿಜಿಎಸ್​ಟಿ ಮಸೂದೆಯನ್ನು ಸಂಸತ್ತಿನ ಉಭಯ ಸದನಗಳಲ್ಲಿ ಮಂಡಿಸಿ ಅಂಗೀಕಾರ ಪಡೆದಂತೆ, ಎಲ್ಲ ರಾಜ್ಯಗಳು ತಂತಮ್ಮ ವಿಧಾನಸಭೆಗಳಲ್ಲಿ ಎಸ್​ಜಿಎಸ್​ಟಿ ಮಸೂದೆಗೆ ಅಂಗೀಕಾರ ಪಡೆದುಕೊಳ್ಳಬೇಕಿರುತ್ತದೆ. ಕರ್ನಾಟಕದಲ್ಲೂ ಕಳೆದವಾರ ಈ ಮಸೂದೆ ಅಂಗೀಕೃತವಾಗಿದೆ. ಹೀಗೆ ಎರಡೂ ಕಾನೂನುಗಳು ಜಾರಿಯಾಗಲು ಸಜ್ಜಾಗಿವೆ.

Leave a Reply

Your email address will not be published. Required fields are marked *

Back To Top