Monday, 11th December 2017  

Vijayavani

1. ಜೈಲಿನ ಆಸ್ಪತ್ರೆಯಲ್ಲಿ ಬೆಳಗೆರೆಗೆ ಚಿಕಿತ್ಸೆ – ಚೇತರಿಸಿಕೊಂಡ್ರೆ ಬ್ಯಾರಕ್‌ಗೆ ರವಾನೆ – ನೆಲದ ಮೇಲೆ ಕೂರಲು ರವಿ ಪರದಾಟ 2. ಕೊತ ಕೊತ ಕುದಿಯುತ್ತಿದೆ ಕುಮಟಾ – ಉಗ್ರ ಸ್ವರೂಪ ಪಡೆದ ಹಿಂದೂ ಸಂಘಟನೆಗಳ ಪ್ರತಿಭಟನೆ – ಆಕ್ರೋಶಕ್ಕೆ ಹೊತ್ತಿ ಉರಿದ ಐಜಿಪಿ ಕಾರು 3. ರಾಹುಲ್ ಗಾಂಧಿಗೆ ಕಾಂಗ್ರೆಸ್ ಅಧ್ಯಕ್ಷ ಸ್ಥಾನ – ಪ್ರತಿಸ್ಪರ್ಧಿ ಇಲ್ಲದ್ದಕ್ಕೆ ಯುವರಾಜನಿಗೆ ಸಾರಥ್ಯ – ದೆಹಲಿಯಲ್ಲಿ ಕಾರ್ಯಕರ್ತರ ಸಂಭ್ರಾಮಾಚರಣೆ 4. ಮಂಡ್ಯದ ಸಂತೆಬಾಚಹಳ್ಳಿ ಕ್ರಾಸ್‌ ಬಳಿ ಭೀಕರ ಅಪಘಾತ – ಟ್ಯಾಂಕರ್ ಹರಿದು ಬೈಕ್ ಸವಾರರು ಸಾವು – ಕೆ.ಆರ್.ಪೇಟೆ ಗ್ರಾಮಾಂತರ ಠಾಣೆ ಪ್ರಕರಣ 5. ಸ್ಟೀಲ್‌ ಬ್ರಿಡ್ಜ್ ಹೋಯ್ತು ಮೆಟ್ರೋ ಬಂತು – ಏರ್‌ಪೋರ್ಟ್‌ಗೆ ರೈಲು ಬಿಡಲು ಸರ್ಕಾರದ ಒಪ್ಪಿಗೆ – ಮಹತ್ವದ ಯೋಜನೆಗೆ ಕ್ಯಾಬಿನೆಟ್‌ನಲ್ಲಿ ಅಸ್ತು
Breaking News :

ಜಿಎಸ್​ಟಿ ಅನುಷ್ಠಾನದ ಸವಾಲು

Tuesday, 08.08.2017, 3:00 AM       No Comments

ರಕು ಮತ್ತು ಸೇವಾ ತೆರಿಗೆ (ಜಿಎಸ್​ಟಿ) ಪದ್ಧತಿಯಲ್ಲಿ ಕ್ರೀಡಾ ಬಳಕೆಯ ವಾಹನಗಳು (ಎಸ್​ಯುುವಿ) ಮತ್ತು ಹೆಚ್ಚಿನ ಸೌಕರ್ಯವಿರುವ ಐಷಾರಾಮಿ ಕಾರುಗಳ ಮೇಲಿನ ಕರ ನಿರ್ಧಾರಣೆಯ ವೇಳೆ ಉಂಟಾಗಿದ್ದ ಗೊಂದಲವನ್ನು ಸರಿಪಡಿಸಲು, ಇಂಥ ಕಾರುಗಳ ಮೇಲೆ ಶೇ. 15ರಿಂದ 25ರಷ್ಟು ಹೆಚ್ಚುವರಿ ಸುಂಕ ವಿಧಿಸುವ ಚಿಂತನೆ ನಡೆದಿದೆ ಎನ್ನಲಾಗಿದೆ. ಒಂದೊಮ್ಮೆ ಇದು ಕಾರ್ಯರೂಪಕ್ಕೆ ಬಂದಲ್ಲಿ ಒಟ್ಟಾರೆ ತೆರಿಗೆ ಪ್ರಮಾಣ ಶೇ. 43ರಿಂದ 53ರವರೆಗೆ ಏರಲಿದ್ದು, ಎಸ್​ಯುುವಿ ಮತ್ತು ಐಷಾರಾಮಿ ಕಾರುಗಳು ಮತ್ತಷ್ಟು ತುಟ್ಟಿಯಾಗಲಿರುವುದಂತೂ ಹೌದು. ಸುಂಕ ಹೆಚ್ಚಳದಿಂದಾಗಿ ಕ್ರೋಡೀಕರಣಗೊಳ್ಳುವ ಹೆಚ್ಚುವರಿ ಆದಾಯವನ್ನು, ಜಿಎಸ್​ಟಿ ಅನುಷ್ಠಾನದಿಂದಾಗಿ ಕೆಲ ರಾಜ್ಯಗಳಿಗಾಗುತ್ತಿರುವ ನಷ್ಟವನ್ನು ಭರಿಸಲು ಸಾಧ್ಯವಾಗುತ್ತದೆ ಎಂಬ ಆಶಯವೂ ಇಂಥದೊಂದು ತಜ್ಞಚಿಂತನೆಯ ಹಿಂದಿರಲಿಕ್ಕೂ ಸಾಕು.

ಜವಳಿ ಉದ್ಯಮ ಹಾಗೂ ಟ್ರಾ್ಯಕ್ಟರ್ ಬಿಡಿಭಾಗಗಳ ಮೇಲಿನ ಜಿಎಸ್​ಟಿ ಕಡಿತಗೊಳಿಸುವ ತೀರ್ವನವನ್ನು ಕೇಂದ್ರ ವಿತ್ತ ಸಚಿವ ಅರುಣ್ ಜೇಟ್ಲಿ ನೇತೃತ್ವದ ಜಿಎಸ್​ಟಿ ಮಂಡಳಿ ಸಭೆಯಲ್ಲಿ ಶನಿವಾರ (ಆ. 5) ಕೈಗೊಳ್ಳಲಾಗಿತ್ತು. ಈ ಉಪಕ್ರಮದಿಂದಾಗಿ ಟ್ರಾ್ಯಕ್ಟರ್ ಬಿಡಿಭಾಗಗಳ ಮೇಲಿನ ತೆರಿಗೆ ಶೇ. 28ರಿಂದ 18ಕ್ಕೂ, ಎಂಬ್ರಾಯ್ಡರಿ, ಸ್ಟಿಚಿಂಗ್​ನಂಥ ಜವಳಿ ಉದ್ಯಮದ ಉಪಕಸುಬುಗಳಿಗೆ ನಿಗದಿಪಡಿಸಲಾಗಿದ್ದ ಶೇ. 18ರ ತೆರಿಗೆಯು ಶೇ. 5ಕ್ಕೂ ಇಳಿಯುವಂತಾಯಿತು ಎಂಬುದಿಲ್ಲಿ ಸ್ಮರಣಾರ್ಹ.

ಹೀಗೆ, ಕಳೆದ ತಿಂಗಳಷ್ಟೇ ಜಾರಿಯಾಗಿರುವ ಜಿಎಸ್​ಟಿಯ ಸಾಧಕ-ಬಾಧಕಗಳು ದಿನಗಳೆದಂತೆ ತೆರಿಗೆದಾರರ/ಫಲಾನುಭವಿಗಳ ಅನುಭವಕ್ಕೆ ಬರಲಿದೆ. ಹಲವು ಸ್ತರದ ತೆರಿಗೆ ಮತ್ತು ಸುಂಕಗಳನ್ನು ಒಳಗೊಂಡು ಬಿಡಿಸಲಾಗದ ಬಲೆಯೇ ಆಗಿದ್ದ ದೇಶದ ಸಂಕೀರ್ಣ ತೆರಿಗೆ ವ್ಯವಸ್ಥೆಗೆ ಇತಿಶ್ರೀ ಹಾಡುವ ಏಕರೂಪದ ಸರಳೀಕೃತ ತೆರಿಗೆ ಪದ್ಧತಿ ಇದಾಗಿದೆ ಎಂಬುದರಲ್ಲಿ ಎರಡು ಮಾತಿಲ್ಲ. ಆದರೆ, ರೂಢಿಗತ ವ್ಯವಸ್ಥೆಯ ಜಾಗವನ್ನು ಹೊಸದು ಆಕ್ರಮಿಸಿಕೊಂಡಾಗ, ಅದಕ್ಕೆ ಒಗ್ಗಿಕೊಳ್ಳುವುದದಕ್ಕೆ ಮತ್ತು ಪಳಗಿಸಿಕೊಳ್ಳುವುದಕ್ಕೆ ಕೆಲ ಕಾಲ ಹಿಡಿಯುವುದರ ಜತೆಗೆ ಅನುಷ್ಠಾನದ ವಿಷಯದಲ್ಲಿ ತಲೆದೋರಬಹುದಾದ ಗೊಂದಲಗಳೂ ಜತೆಯಲ್ಲೇ ಸಾಗುವುದು ಸಾಮಾನ್ಯ. ವಲಯವಾರು ಜಿಎಸ್​ಟಿ ನಿಗದಿ ಮತ್ತು ಅನುಷ್ಠಾನಕ್ಕೆ ಸಂಬಂಧಿಸಿದಂತೆ ಜಿಎಸ್​ಟಿ ಮಂಡಳಿಯ ತೀರ್ವನವೇ ನಿರ್ಣಾಯಕವಾದರೂ, ಭಾಷೆ-ಬಣ್ಣ-ಜನ ಸಮುದಾಯದ ವಿಷಯದಲ್ಲಿ ವೈವಿಧ್ಯವನ್ನು ಮೈಗೂಡಿಸಿಕೊಂಡಿರುವ ಭಾರತದಂಥ ಒಕ್ಕೂಟ ವ್ಯವಸ್ಥೆಯಲ್ಲಿ ಪ್ರಾದೇಶಿಕ ಬೇಡಿಕೆ ಅಥವಾ ದನಿಗಳನ್ನೂ ಪರಿಗಣನೆಗೆ ತೆಗೆದುಕೊಳ್ಳಬೇಕಾಗುತ್ತದೆ ಎಂಬುದರಲ್ಲಿ ಎರಡು ಮಾತಿಲ್ಲ. ಇದು ವಲಯವಾರು ಉತ್ಪನ್ನಗಳಿಗೂ ಅನ್ವಯವಾಗುವ ಮಾತು. ಹೀಗಾಗಿ ಜಿಎಸ್​ಟಿ ಅನುಷ್ಠಾನ ಸಂಬಂಧಿತ ಗೊಂದಲಗಳು ಹಾಗೂ ಪ್ರದೇಶವಾರು ಸಮಸ್ಯೆಗಳ ಪರಿಹಾರಕ್ಕೆ ಸೂಕ್ತ ಮಾರ್ಪಾಡು ಅಥವಾ ತಿದ್ದುಪಡಿಯ ಅಗತ್ಯವೂ ತಲೆದೋರಬಹುದು. ಇಂಥ ಸಂದರ್ಭಗಳಲ್ಲಿ ಜಿಗುಟುತನ ಬಿಟ್ಟು, ಹೀಗೆ ಬದಲಾವಣೆಗೆ ಸಮ್ಮತಿಸುವುದು ಭಾರತದಂಥ ಒಕ್ಕೂಟ ವ್ಯವಸ್ಥೆಯ ಸಾಮಾಜಿಕ ಹಾಗೂ ಆರ್ಥಿಕ ಸಾಮರಸ್ಯಕ್ಕೆ ಪೂರಕವಾಗಬಲ್ಲದು ಎಂಬುದರಲ್ಲಿ ಎರಡು ಮಾತಿಲ್ಲ. ಹೀಗೆ ತತ್ತ್ವಶಃ ಅನುಷ್ಠಾನನದೆಡೆಗೆ ಮಾತ್ರವಲ್ಲದೆ, ಅನುಭವದ ಆಧಾರದ ಮೇಲೆ ತಲೆದೋರುವ ಸವಾಲು-ಸಮಸ್ಯೆಗಳ ಕಡೆಗೂ ಗಮನಹರಿಸಿ, ಕಂಡುಬರಬಹುದಾದ ನ್ಯೂನತೆಗಳನ್ನು ಸರಿಪಡಿಸಿಕೊಂಡು ಮುನ್ನಡೆದರೆ ತೆರಿಗೆ ವಿಧಿಸುವ ಪ್ರಾಧಿಕಾರಗಳೂ, ತೆರಿಗೆದಾರರೂ ಮತ್ತು ಅಂತಿಮ ಫಲಾನುಭವಿಗಳೂ ಇಂಥ ಉಪಕ್ರಮಕ್ಕೆ ಮತ್ತಷ್ಟು ಹುರುಪಿನಿಂದ ಸ್ಪಂದಿಸುವುದರಲ್ಲಿ ಅನುಮಾನವಿಲ್ಲ.

Leave a Reply

Your email address will not be published. Required fields are marked *

Back To Top