Thursday, 18th January 2018  

Vijayavani

ಒಂಟಿ ಮಹಿಳೆಗೆ ಜಡೆ ಹಿಡಿದು ಥಳಿತ- ಕೊಪ್ಪಳ ಬಸ್​ಸ್ಟಾಪ್​ನಲ್ಲಿ ಪುರುಷರ ಅಟ್ಟಹಾಸ- ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ವೈರಲ್        ಯುಪಿ ಪೊಲೀಸರಿಂದ ನಡೀತು ಅಚಾತುರ್ಯ- 8 ವರ್ಷದ ಹುಡುಗನ ಎನ್​ಕೌಂಟರ್​- ಮಿಸ್​ ಫೈರ್​ ಆಯ್ತೆಂದು ಜಾರಿಕೆಯ ಉತ್ತರ        ಜಯಲಲಿತಾ ಸತ್ತಿದ್ದು ಡಿ.5ಕ್ಕಲ್ಲ ನಾಲ್ಕಕ್ಕೆ- ಶಶಿಕಲಾ ಸಹೋದರನಿಂದ ಹೊಸ ಬಾಂಬ್​- ಅಮ್ಮ ಸತ್ತು ವರ್ಷ ಕಳೆದ್ರೂ ನಿಂತಿಲ್ಲ ಊಹಾಪೋಹ        ನೈಂಟಿ ಕೊಡ್ತೇವೆ ಅಂತ ಹರಕೆ ಹೊರ್ತಾರೆ ಭಕ್ತರು- ದೇವರ ಹೆಸರಲ್ಲಿ ಸಾಮೂಹಿಕ ಮದ್ಯಾರಾಧನೆ- ಕುಣಿಗಲ್‍ನ ಒಡೇಭೈರವನಿಗೆ ಬ್ರಾಂದಿ ವಿಸ್ಕಿಯೇ ನೈವೇದ್ಯ        ಕೃಷ್ಣನಗರಿಯಲ್ಲಿ ಪರ್ಯಾಯ ಸಂಭ್ರಮ- ಕೃಷ್ಣಪೂಜೆ ನೆರವೇರಿಸಿದ ಪಲಿಮಾರು ಶ್ರೀಗಳು- ಅದ್ಧೂರಿಯಿಂದ ಸರ್ವಜ್ಞ ಪೀಠಾರೋಹಣ       
Breaking News :

ಚಿಂತನೆಗಳ ಚಿವುಟದಿರಲಿ ಸಾಹಿತ್ಯ

Monday, 02.10.2017, 3:12 AM       No Comments

ಚಿಕ್ಕಬಳ್ಳಾಪುರ: ಸಾಹಿತ್ಯ ಜನರ ಒಳ್ಳೆಯ ಚಿಂತನೆಗಳನ್ನು ಚಿವುಟಿ ಹಾಕ ಬಾರದು. ಹಾಗೆಯೇ ಭಾವನೆಗಳನ್ನೂ ಕೆರಳಿಸಬಾರದು ಎಂದು ವಿಜಯವಾಣಿ ಪತ್ರಿಕೆ ಮತ್ತು ದಿಗ್ವಿಜಯ 24×7 ನ್ಯೂಸ್ ಪ್ರಧಾನ ಸಂಪಾದಕ ಹರಿಪ್ರಕಾಶ್ ಕೋಣೆಮನೆ ಹೇಳಿದ್ದಾರೆ.

ನಗರದಲ್ಲಿ ಅಖಿಲ ಭಾರತೀಯ ಸಾಹಿತ್ಯ ಪರಿಷತ್ ಭಾನುವಾರ ಏರ್ಪಡಿಸಿದ್ದ ಬಹುಭಾಷಾ ಕವಿಗೋಷ್ಠಿ ಉದ್ಘಾಟಿಸಿ ಮಾತನಾಡಿದರು. ಸೂರ್ಯ, ಚಂದ್ರ ಇಬ್ಬರೇ ಜಗತ್ತಿಗೆ ಬೆಳಕು ನೀಡುತ್ತಾರೆ. ಹಾಗೆಯೇ ಕಡಿಮೆ ಸಂಖ್ಯೆಯಲ್ಲಿ ದ್ದರೂ ಚಿಂತಕರು, ಸಾಹಿತಿ, ಕವಿ ಗಳು ಸಮಾಜದ ಮೇಲೆ ಹೆಚ್ಚು ಪ್ರಭಾವ ಬೀರುತ್ತಾರೆ. ಅಂಕು- ಡೊಂಕು ತಿದ್ದಿ ಸನ್ಮಾರ್ಗದಲ್ಲಿ ನಡೆಸುತ್ತಾರೆ. ಇಂತಹ ಪ್ರಜ್ಞಾವಂತರು ಜವಾಬ್ದಾರಿಯುತವಾಗಿ ನಡೆದುಕೊಂಡು ಸಮಾಜದ ಒಗ್ಗಟ್ಟು ಕಾಪಾಡಬೇಕು ಎಂದರು.

ಅನೇಕ ಮೇಧಾವಿಗಳು ಬರಹದ ಮೂಲಕ ಸಮಾಜದ ಹಿತ ಕಾಪಾಡಿದ್ದಾರೆ. ಮನುಷ್ಯರನ್ನು ದೈವತ್ವದ ಕಡೆಗೆ ಕರೆದುಕೊಂಡು ಹೋಗಲು ಶ್ರಮಿಸಿದ್ದಾರೆ. ಇತ್ತೀಚೆಗೆ ಹೆಸರು, ಸ್ವಪ್ರತಿಷ್ಠೆ, ಪ್ರಚಾರ, ವೈಯಕ್ತಿಕ ಲಾಭಕ್ಕಾಗಿ ಹಾತೊರೆಯುತ್ತಿರುವ ಕೆಲವರಿಂದ ಸಾಹಿತ್ಯ ಚಿಂತನೆ ವಕ್ರ ಸ್ವರೂಪ ಪಡೆದುಕೊಳ್ಳುತ್ತಿದೆ. ತಿರುಚುವ ಮೂಲಕ ಜನರ ಭಾವನೆ ಕೆರಳಿಸಲಾಗುತ್ತಿದೆ.

ಇದರಿಂದ ಭಾಷೆ, ಸಂಸ್ಕೃತಿ, ಆಚಾರ ವಿಚಾರಗಳಲ್ಲಿ ಒಡಕು ಉಂಟಾಗಿ ಅನಪೇಕ್ಷಿತ ಘಟನೆಗಳು ನಡೆಯುತ್ತಿವೆ, ಇದು ಒಳ್ಳೆಯ ಬೆಳವಣಿಗೆಯಲ್ಲ ಎಂದು ಅಭಿಪ್ರಾಯಪಟ್ಟರು.

ಸಾಹಿತ್ಯವನ್ನು ಬರೆದವರು ಯಾರು ಎನ್ನುವುದಕ್ಕಿಂತ ಏನನ್ನು ಬರೆಯಲಾಗಿದೆ ಎಂಬುದು ಮುಖ್ಯ. ವಾಲ್ಮೀಕಿ, ವ್ಯಾಸ ಮಹರ್ಷಿ, ಪಂಪ, ಕುವೆಂಪು ಸೇರಿ ಅನೇಕ ಮಹನೀಯರು ಆಧ್ಯಾತ್ಮಿಕ ಲೇಪನದ ಮೂಲಕ ಆದರ್ಶ ತತ್ವಗಳು, ಒಳ್ಳೆಯ ವಿಚಾರ ತಿಳಿಸಿದ್ದಾರೆ. ಇದರಿಂದ ಜನರ ಆಲೋಚನೆಗಳು ವಿಕಸನಗೊಂಡಿವೆ ಎಂದರು.

ಕನ್ನಡ ವಚನ ಸಾಹಿತ್ಯ ಪರಿಷತ್ ಜಿಲ್ಲಾಧ್ಯಕ್ಷ ಸಿ.ಬಿ. ಹನುಮಂತಪ್ಪ, ಅಖಿಲ ಭಾರತ ಸಾಹಿತ್ಯ ಪರಿಷತ್ ರಾಜ್ಯ ಸಂಘಟನಾ ಕಾರ್ಯದರ್ಶಿ ನಾರಾಯಣ ಶೇವಿರೆ, ತಾಲೂಕು ಅಧ್ಯಕ್ಷ ರಾಜಗೋಪಾಲ್, ಚುಟುಕು ಸಾಹಿತ್ಯ ಪರಿಷತ್ ಅಧ್ಯಕ್ಷ ಚಲಪತಿ ಗೌಡ, ಹಿರಿಯ ಸಾಹಿತಿಗಳಾದ ಕಾಗತಿ ವೆಂಕಟರತ್ನಂ, ನಾಗಸುಬ್ರಮಣ್ಯಂ, ಸೀತಮ್ಮ, ರಾಜೇಶ್ವರಿ, ಭಾಗೀರಥಿ, ಲಕ್ಷ್ಮೀನರಸಿಂಹಪ್ಪ ಮತ್ತಿತರರು ಇದ್ದರು.

ವಸುದೈವ ಕುಟುಂಬಕಂ ಎಂಬ ತತ್ವ ಸಾರಿದ ಪೂರ್ವಜರ ಆಶಯದಲ್ಲಿ ಭಾರತ ಬೆಳೆಯುತ್ತದೆ. ಸೈನಿಕ ಶಕ್ತಿಯ ಬದಲಿಗೆ ತಂತ್ರಜ್ಞಾನ, ಮಹಾನ್ ಮೇಧಾವಿಗಳು, ಸಾಧಕರಿಂದ ಶಕ್ತಿಯುತ ರಾಷ್ಟ್ರವಾಗಿ ಗಮನ ಸೆಳೆಯುತ್ತಿದೆ. ಇಂತಹ ಸಂದರ್ಭದಲ್ಲಿ ನಮ್ಮತನ ಬಿಟ್ಟು ಕೊಟ್ಟು ನಕಾರಾತ್ಮಕ ವಾತಾವರಣ ನಿರ್ಮಾಣ ಮಾಡುವುದು ಸರಿಯಲ್ಲ.

| ಹರಿಪ್ರಕಾಶ ಕೋಣೆಮನೆ, ವಿಜಯವಾಣಿ ಪತ್ರಿಕೆ ಮತ್ತು ದಿಗ್ವಿಜಯ 24×7 ನ್ಯೂಸ್ ಪ್ರಧಾನ ಸಂಪಾದಕ

Leave a Reply

Your email address will not be published. Required fields are marked *

Back To Top