Sunday, 19th August 2018  

Vijayavani

ರಣಚಂಡಿ ಮಳೆಗೆ ಕುಸಿಯುತ್ತಿದೆ ಕೊಡಗು - ಮತ್ತೆ ಜೋರಾಯ್ತು ಮಳೆ ಅಬ್ಬರ - ಮುಕ್ಕೋಡ್ಲು ಗ್ರಾಮದಲ್ಲಿ 80 ಜನರ ರಕ್ಷಣೆ        ಕ್ಷಣ ಕ್ಷಣಕ್ಕೂ ಆತಂಕ, ಬಿರುಕು ಬಿಟ್ಟ ಧರೆ - ಪ್ರವಾಹದಲ್ಲಿ ಕೊಚ್ಚಿ ಹೋಗ್ತಿದೆ ಬೆಟ್ಟ,ಗುಡ್ಡ - ಕಣ್ಮುಂದೆಯೇ ನೆಲಸಮ ವಾಗ್ತಿದೆ ಬದುಕು        ಕೊಡಗಲ್ಲಿ ಇಂದು ಸಿಎಂ ಎಚ್​ಡಿಕೆ ಪ್ರವಾಸ - ಸಂತ್ರಸ್ಥರ ನೋವು ಆಲಿಸಲಿರುವ ಬಿಎಸ್​ವೈ - ನಿರಾಶ್ರಿತರಿಗೆ ನೆರವು ಅಂದ್ರು ರೇವಣ್ಣ        ಸಂತ್ರಸ್ಥರಿಗೆ ಸ್ಯಾಂಡಲ್​ವುಡ್​​​​​​​​​ ನೆರವಿನ ಹಸ್ತ - ಅಗತ್ಯವಸ್ತುಗಳ ಪೂರೈಸಿದ ಸ್ಟಾರ್ಸ್​​​​​​​​​​​ - ಕೈಲಾದ ಸಹಾಯ ಮಾಡ್ತಿದ್ದಾರೆ ಕರುನಾಡ ಜನರು        ಕೇರಳದಲ್ಲಿ ಕಡಿಮೆಯಾಗ್ತಿಲ್ಲ ನೆರೆ ಅಬ್ಬರ - ಸಾವಿನ ಸಂಖ್ಯೆ 357ಕ್ಕೇ ಏರಿಕೆ - ದೇವರನಾಡಿಗೆ ಹರಿದು ಬರ್ತಿದೆ ನೆರವಿನ ಮಹಾಪೂರ        ಭಾರತ - ಇಂಗ್ಲೆಂಡ್​ ನಡುವಿನ 3ನೇ ಟೆಸ್ಟ್​​​​ ಪಂದ್ಯ - ಬೃಹತ್ ಮೊತ್ತದತ್ತ ಟೀಂ ಇಂಡಿಯಾ - ಶತಕದ ಗಡಿಯಲ್ಲಿ ಎಡವಿದ ಕೊಹ್ಲಿ       
Breaking News

ಗಾಂಧಿನಗರದಲ್ಲಿ ದಿನೇಶ್ ಸಿನಿಮಾ ರನ್ನಿಂಗ್?

Friday, 20.04.2018, 3:03 AM       No Comments

|ರಮೇಶ ದೊಡ್ಡಪುರ

ಬೆಂಗಳೂರು: ರಾಜಧಾನಿಯ ಗಾಂಧಿನಗರ ಎಂದೊಡನೆಯೇ ನೆನಪಿಗೆ ಬರುವುದು ಸ್ಯಾಂಡಲ್​ವುಡ್. ರಾಜಕೀಯ ಚಿಂತನೆಯುಳ್ಳವರಿಗೆ ಗಾಂಧಿನಗರ ಎಂದೊಡನೆ ಥಟ್ಟನೆ ನೆನಪಾಗುವುದು ನಾಲ್ಕು ಬಾರಿ ಶಾಸಕರಾಗಿರುವ ದಿನೇಶ್ ಗುಂಡೂರಾವ್.

ಜನರ ಜತೆಗೆ ಸತತ ಸಂಪರ್ಕ, ಸುಸಜ್ಜಿತ ಶಾಸಕರ ಕಚೇರಿ ಮೂಲಕ ಕಾರ್ಯಾಚರಣೆಯೇ ದಿನೇಶ್ ಗುಂಡೂರಾವ್ ಕೈಹಿಡಿಯುತ್ತಿದೆ ಎಂಬುದು ಸತ್ಯ. ಪೂರ್ಣ ಪ್ರಮಾಣದಲ್ಲಿ ಜತೆಗಿರುವ ಅಭ್ಯರ್ಥಿಯನ್ನು ಬಿಜೆಪಿ ಕಣಕ್ಕಿಳಿಸದಿರುವುದೂ ದಿನೇಶ್ ನಾಗಾಲೋಟವನ್ನು ಅಬಾಧಿತವಾಗಿಸಿದೆ ಎಂಬ ಮಾತೂ ಕ್ಷೇತ್ರದಲ್ಲಿದೆ.

ಬೆಂಗಳೂರಿನ ಅತ್ಯಂತ ಹಳೆಯ ಪ್ರದೇಶಗಳಲ್ಲೊಂದಾದ ಗಾಂಧಿನಗರ ಸರ್ವಜನಾಂಗದ ಶಾಂತಿಯ ತೋಟ. ಇಲ್ಲಿ ಅಚ್ಚ ಕನ್ನಡಿಗರ ಜತೆಗೆ ತಮಿಳು, ತೆಲುಗು ಭಾಷಿಕರ ಪ್ರಾಬಲ್ಯವಿದೆ. ಉದ್ಯಮ ಕೇಂದ್ರಿತ ಚಿಕ್ಕಪೇಟೆ, ಬಳೆಪೇಟೆಯಂತಹ ಪೇಟೆಗಳ ಸರಣಿಯೂ ಇರುವುದರಿಂದ ಮಾರ್ವಾಡಿ, ರಜಪೂತ ಸಮುದಾಯಗಳೂ ಪ್ರಮುಖ ಪಾತ್ರ ವಹಿಸುತ್ತವೆ. ಮುಸ್ಲಿಂ

ಬಾಹುಳ್ಯದ ಅನೇಕ ಪ್ರದೇಶಗಳನ್ನೂ ಹೊಂದಿದ್ದು, ವಿವಿ ಗಿರಿ ಕಾಲನಿ, ಪೌರ ಕಾರ್ವಿುಕರು, ಕೂಲಿ ಕಾರ್ವಿುಕರಿಗೇನೂ ಕಡಿಮೆಯಿಲ್ಲ. ದಿನೇಶ್ ವಿರುದ್ಧ ಜೆಡಿಎಸ್​ನಿಂದ ನಾರಾಯಣಸ್ವಾಮಿ ಈಗಾಗಲೇ ಪ್ರಚಾರ ಕಾರ್ಯ ಆರಂಭಿಸಿದ್ದಾರೆ. ಆದರೆ, ಬಿಜೆಪಿ ಟಿಕೆಟ್ ನೀಡಿಕೆ ಗೊಂದಲ ಮುಂದುವರಿದಿದ್ದು, ಪರಿಷತ್ ಸದಸ್ಯ ರಾಮಚಂದ್ರ ಗೌಡ ಪುತ್ರ

ಮತ್ತು ಬೆಂಗಳೂರು ಯುವ ಮೋರ್ಚಾ ಅಧ್ಯಕ್ಷ ಸಪ್ತಗಿರಿ ಗೌಡ, ಚಿಕ್ಕಪೇಟೆ ಮಾಜಿ ಕಾರ್ಪೆರೇಟರ್ ಹಾಗೂ ಹಿರಿಯ ಕಾರ್ಯಕರ್ತ ಎ.ಎಲ್. ಶಿವಕುಮಾರ್, ಎಂ.ಬಿ. ಶಿವಪ್ಪ, ಎಸ್. ನರೇಶ್ ಕುಮಾರ್ ಟಿಕೆಟ್ ಆಕಾಂಕ್ಷಿಗಳು.

ತಮಿಳರ ಮತ ನಿರ್ಣಾಯಕ

ಕ್ಷೇತ್ರದಲ್ಲಿ ಬೃಹತ್ ಪ್ರಮಾಣದ ತಮಿಳು ಸಮುದಾಯದ ಮತಗಳಿವೆ. ತಮಿಳು ಹಾಗೂ ತೆಲುಗು ಭಾಷಿಕ ದಲಿತ ಸಮುದಾಯ, ಒಕ್ಕಲಿಗ ಮತಗಳು ಕಾಂಗ್ರೆಸ್ ಕೈ ಹಿಡಿಯುತ್ತಿವೆ. ಈ ಬಾರಿ ಜೆಡಿಎಸ್ ದಲಿತ ಸಮುದಾಯದ ನಾರಾಯಣಸ್ವಾಮಿ ಅವರನ್ನು ಕಣಕ್ಕಿಳಿಸಿರುವುದು ಆ ಸಮುದಾಯದ ಮತ ಪಡೆಯುವ ಸಾಧ್ಯತೆ ಹೆಚ್ಚಿದೆ. ದಿನೇಶ್ ಗುಂಡೂರಾವ್​ಗೆ ಅತಿ ಹೆಚ್ಚು ಮತ ತಂದುಕೊಡುವ ಬನ್ನಿಪೇಟೆ, ಕಾಟನ್​ಪೇಟೆ ವಾರ್ಡ್​ಗಳಲ್ಲಿ ಈ ಬಾರಿ ರಸ್ತೆಗಳ ಸ್ಥಿತಿ ಹದಗೆಟ್ಟಿದೆ. ರಿಪೇರಿಗೆ ಅಗೆದಿದ್ದ ರಸ್ತೆಗಳು ಹಾಗೆಯೇ ಇದ್ದು, ಈ ವಿಚಾರವನ್ನು ಪ್ರಮುಖ ಚುನಾವಣೆ ಅಸ್ತ್ರ ಮಾಡಿಕೊಳ್ಳಲಾಗುವುದು ಎಂದು ಬಿಜೆಪಿ ಮುಖಂಡರು ಮುನ್ಸೂಚನೆ ನೀಡಿದ್ದಾರೆ.

ಮೋದಿ ಅಲೆ

ಇತ್ತೀಚಿನ ವರ್ಷಗಳಲ್ಲಿ ಉತ್ತರ ಭಾರತೀಯರ ಸಂಖ್ಯೆ ಕ್ಷೇತ್ರದಲ್ಲಿ ಹೆಚ್ಚಾಗುತ್ತಿದೆ. ಉತ್ತರದ ಚುನಾವಣೆ ಪರಿಣಾಮ ಇಲ್ಲೂ ಮೋದಿ ಅಲೆ ಅಲ್ಲಗಳೆಯುವಂತಿಲ್ಲ. ಹೀಗಾಗಿ ಕಾಂಗ್ರೆಸ್ ಎಚ್ಚರಿಕೆಯಿಂದ ಪ್ರಚಾರದಲ್ಲಿ ತೊಡಗಿದೆ. ಕಳೆದ ಬಾರಿ ಕೆಜೆಪಿ-ಬಿಜೆಪಿ ಒಡಕಿನಿಂದ ಗೆಲುವಿನ ಅಂತರ ಹೆಚ್ಚಾಗಿತ್ತು, ಈ ಬಾರಿ ಅಂತರ ಸ್ವಲ್ಪ ಕಡಿಮೆಯಾಗಬಹುದು. ಆದರೆ ದಿನೇಶ್ ಗೆಲುವಿಗಂತೂ ತೊಂದರೆಯಿಲ್ಲ ಎಂದು ಹಿರಿಯ ಕಾಂಗ್ರೆಸಿಗರೊಬ್ಬರ ಅಭಿಪ್ರಾಯ.

Leave a Reply

Your email address will not be published. Required fields are marked *

Back To Top