Sunday, 21st January 2018  

Vijayavani

ಬಳ್ಳಾರಿಯಲ್ಲಿ ಮನೆಗೆ ಬಂದ ಜಾಂಬವಂತ- ಚಿರತೆ ಭಯದಿಂದ ತುಮಕೂರಲ್ಲಿ ಮನೆ ಬಿಟ್ಟ ಕುಟುಂಬ- ರಾಜ್ಯದಲ್ಲಿ ಹೆಚ್ಚಿದ ಕಾಡುಪ್ರಾಣಿಗಳ ಉಪಟಳ        ಕೊಳ್ಳೇಗಾಲದಲ್ಲಿ ಬಿಜೆಪಿ ಪರಿವರ್ತನಾ ರ್ಯಾಲಿ- ಮಾದಪ್ಪನ ಬೆಟ್ಟದಲ್ಲಿ ಬಿಎಸ್​ವೈ ವಿಶೇಷ ಪೂಜೆ - ಫ್ಲೆಕ್ಸ್​​ ವಿಚಾರವಾಗಿ ಕಾರ್ಯಕರ್ತರ ಗಲಾಟೆ        ಹೆಲ್ಮೆಟ್​ ಧರಿಸಿ ಬಂದ ಕದೀಮ- ನರ್ಸ್​ ಇರುವಾಗಲೇ ಕ್ಯಾಶ್ ಎಗರಿಸಿದ- ಕುಂದಾಪುರ ಖಾಸಗಿ ಆಸ್ಪತ್ರೆಯಲ್ಲಿ ಹಗಲು ದರೋಡೆ        ದೆಹಲಿ ಅಗ್ನಿ ಅವಘಡದಲ್ಲಿ 17 ಮಂದಿ ಸಜೀವದಹನ- ಪಟಾಕಿ ಕಾರ್ಖಾನೆ ಮಾಲೀಕನ ಬಂಧನ- ಮೃತರಿಗೆ 5 ಲಕ್ಷ ಪರಿಹಾರ (ಕಾರ್ಖಾನೆ ಮಾಲೀಕನ ಬಂಧನ)        ಲಾಲ್​​ಬಾಗ್​ನಲ್ಲಿ ಪುಷ್ಪ ಪ್ರದರ್ಶನ- ಸಸ್ಯಕಾಶಿಗೆ ಹರಿದು ಬಂದ ಜನ- ಲಾಲ್​ಬಾಗ್​ ಸುತ್ತಮುತ್ತ ಭಾರಿ ಟ್ರಾಫಿಕ್​       
Breaking News :

ಕ್ಯಾಪಿಟಲ್ ಗೇನ್ಸ್​ಗೆ ಹೊಸ ಸೂಚ್ಯಂಕ

Tuesday, 26.09.2017, 3:00 AM       No Comments

| ಸಿಎ ನಾರಾಯಣ ಭಟ್

ಕ್ಯಾಪಿಟಲ್ ಸ್ಥಿರಾಸ್ತಿ ಮಾರಾಟ ಮಾಡಿದಾಗ ಬರುವ ಲಾಭವನ್ನು ಕಂಡುಹಿಡಿಯುವುದಕ್ಕಾಗಿರುವ ಲೆಕ್ಕವಿಧಾನ ಈಗ ಬದಲಾಗಿದೆ. ಈ ಬಗ್ಗೆ ಕಳೆದ ಮುಂಗಡಪತ್ರದಲ್ಲಿ ಕೇಂದ್ರ ಸರ್ಕಾರ ಪ್ರಸ್ತಾಪ ಮಾಡಿತ್ತು. ಅಲ್ಪಾವಧಿ ಮತ್ತು ದೀರ್ಘಾವಧಿ ಆಸ್ತಿಗಳು ಎಂದರೇನು ಎಂಬುದನ್ನು ಕಳೆದ ಕಂತಿನಲ್ಲಿ ತಿಳಿದುಕೊಂಡೆವು. ಈ ಕಂತಿನಲ್ಲಿ ಕ್ಯಾಪಿಟಲ್ ಗೇನ್ಸ್ ಸೂಚ್ಯಂಕದ ಬಗ್ಗೆ ತಿಳಿದುಕೊಳ್ಳೋಣ.

ಬದಲಾದ ಕ್ಯಾಪಿಟಲ್ ಗೇನ್ಸ್ ಸೂಚ್ಯಂಕ (ಇಂಡೆಕ್ಸ್): 1981ನೇ ಇಸವಿಗಿಂತ ಮೊದಲು ಗಳಿಸಿದ ಆಸ್ತಿಯಾಗಿದ್ದರೆ, ಅದರ ಖರ್ಚು ಏನೇ ಇರಲಿ, 1981ರ ಏ.1ರಲ್ಲಿದ್ದ ಮಾರುಕಟ್ಟೆ ದರವನ್ನು ಅಳವಡಿಸಿ, ಲಾಭವನ್ನು ಲೆಕ್ಕ ಹಾಕುವ ಅವಕಾಶವಿತ್ತು. ಅಂದರೆ, 1981-82ರ ವರ್ಷವನ್ನು ತಳಹದಿಯಾಗಿಟ್ಟು ಪ್ರತಿವರ್ಷ ಸೂಚ್ಯಂಕವನ್ನು ಸರ್ಕಾರ ಬಿಡುಗಡೆ ಮಾಡುತ್ತಿತ್ತು. ಇದೀಗ, ತಳಹದಿಯ ವರ್ಷವನ್ನು 2000-01 ಎಂದು ಬದಲಾಯಿಸಿ ಹೊಸ ಸೂಚ್ಯಂಕ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಅಂದರೆ, 2001ರ ಏ.1ಕ್ಕಿಂತ ಮೊದಲು ಗಳಿಸಿದ ಸ್ಥಿರಾಸ್ತಿಯನ್ನು ಮಾರಾಟ ಮಾಡಿದಾಗ ನಮಗೆ 2001 ಏ.1ರಂದು ಇದ್ದ ಮಾರುಕಟ್ಟೆ ಬೆಲೆಯನ್ನೇ ನಮ್ಮ ಆಸ್ತಿಯ ಖರೀದಿ ಬೆಲೆಯೆಂದು ಪರಿಗಣಿಸುವ ಅವಕಾಶವಿದೆ. ಇದು ಮನೆ, ನಿವೇಶನ ಮಾರುವವರಿಗೆ ವರದಾನವಾಗುವುದೆಂದು ನಿರೀಕ್ಷಿಸಲಾಗಿದೆ. ಏಕೆಂದರೆ, 1981ರಿಂದ 2001ರ ನಡುವಿನ ಅವಧಿಯಲ್ಲಿ ರಿಯಲ್ ಎಸ್ಟೇಟ್ ದರಗಳು 5ರಿಂದ 10 ಪಟ್ಟು ಹೆಚ್ಚಾಗಿರುವುದರಿಂದ ಹಳೆಯ ಸ್ಥಿರಾಸ್ತಿಗಳ 2001ರ ದರಕ್ಕೆ ಅಳವಡಿಕೆ ದರಗಳು ತುಂಬಾ ಅನುಕೂಲಕರವಾಗಲಿದೆ. 2001-02ಕ್ಕೆ 100 ಇದ್ದ ಸೂಚ್ಯಂಕ ಈ ವರ್ಷ 272 ಎಂದು ಹೇಳಿದೆ. ಉದಾ: 10 ಲಕ್ಷ ರೂಪಾಯಿಗೆ 1995ರಲ್ಲಿ ಖರೀದಿಸಿದ್ದ ನಿವೇಶನ 150 ಲಕ್ಷ ರೂಪಾಯಿಗೆ ಮಾರಾಟವಾಗಲಿದೆ ಎಂದುಕೊಳ್ಳಿ. 2001ರ ಏ.1 ರಂದು ಇದರ ಮಾರುಕಟ್ಟೆ ಬೆಲೆ 50 ಲಕ್ಷ ರೂಪಾಯಿ ಇದ್ದಲ್ಲಿ ತಾವು ಈಗ ಇದನ್ನು ಗಳಿಸಿದ ವೆಚ್ಚವನ್ನು (50/100*272) 136 ಲಕ್ಷ ರೂಪಾಯಿ ಆಗಿದೆ ಎಂದುಕೊಳ್ಳಬಹುದು. ಆಗ ತಮ್ಮ ತೆರಿಗೆ ಬಾಧ್ಯತೆ ಆದಾಯವು ಕೇವಲ 14 ಲಕ್ಷ ರೂಪಾಯಿ ಆಗಿರುತ್ತದೆ. ಕೆಲವೊಂದು ಸ್ಥಿರಾಸ್ತಿಯು ಪಿತ್ರಾರ್ಜಿತವಾಗಿದ್ದಾಗ, ಅದರ ಮೂಲಬೆಲೆ ತುಂಬ ಕಡಿಮೆಯಿದ್ದು, 1981ರ ದರ ತೆಗೆದುಕೊಂಡು, ಸೂಚ್ಯಂಕ ಅಳವಡಿಸಿದರೂ ಬಹಳ ತೆರಿಗೆ ಕಟ್ಟಬೇಕಿತ್ತು. ಇದೀಗ ರಿಯಲ್ ಎಸ್ಟೇಟ್​ನಲ್ಲಾಗಿದ್ದ ದಿಢೀರ್ ಜಿಗಿತಕ್ಕೆ ಬರುತ್ತಿದ್ದ ತೆರಿಗೆಯ ಉಪದ್ರವ ಸ್ವಲ್ಪ ಮಟ್ಟಿಗೆ ಶಮನವಾದಂತಾಗಿದೆ. ಹಳೆಯ ಆಸ್ತಿ ಹಾಗೂ ಪಿತ್ರಾರ್ಜಿತ ಆಸ್ತಿಗಳನ್ನು ಮಾರಹೊರಟಾಗ ಆದಾಯ ತೆರಿಗೆಯಲ್ಲಿ ಸಾಕಷ್ಟು ಉಳಿತಾಯ ಆಗಲಿದೆ.

ನೀವೂ ಪ್ರಶ್ನೆ ಕೇಳಬಹುದು

ಮನಿ ಮಾತು ಅಂಕಣದಲ್ಲಿ ಆರ್ಥಿಕ ವಿಚಾರಗಳ ಬಗ್ಗೆ ಮಾಹಿತಿ-ವಿಶ್ಲೇಷಣೆಗಳನ್ನು ನೀಡುವುದು ಮಾತ್ರವಲ್ಲ, ಓದುಗರ ಪ್ರಶ್ನೆಗಳಿಗೆ ಉತ್ತರವನ್ನೂ ನೀಡಲಾಗುತ್ತದೆ. ಹೂಡಿಕೆ, ಉಳಿತಾಯ, ತೆರಿಗೆ, ವಿಮೆ, ಷೇರು ಮಾರುಕಟ್ಟೆ-ಹೀಗೆ ವಿತ್ತರಂಗಕ್ಕೆ ಸಂಬಂಧಪಟ್ಟ ಪ್ರಶ್ನೆಗಳನ್ನು ಕಳುಹಿಸಬಹುದು. ನಮ್ಮ ತಜ್ಞರ ತಂಡದವರು ಉತ್ತರ ನೀಡುತ್ತಾರೆ. ಪ್ರಶ್ನೆ ಕಳಿಸಬೇಕಾದ ಇಮೇಲ್: [email protected]

Leave a Reply

Your email address will not be published. Required fields are marked *

Back To Top