Wednesday, 18th July 2018  

Vijayavani

ಸಾಲದ ಸುಳಿಯಲ್ಲಿದ್ರೂ ಐ ಫೋನ್​ ಗಿಫ್ಟ್​ - ಹತ್ತಾರು ಸಮಸ್ಯೆ ಮಧ್ಯೆ ಬೇಕಿತ್ತಾ ದುಬಾರಿ ಉಡುಗೊರೆ​ - ಇಟ್ಕೊಂಡೋರಾರು..? ವಾಪಸ್ ಕೊಟ್ಟವರಾರು.?        ದೆಹಲಿಯಲ್ಲಿದ್ರೂ ರೇವಣ್ಣಗೆ ತವರಿನ ಜಪ - ಹಾಸನದ ಅಭಿವೃದ್ಧಿ ಬಗ್ಗೆ ಕೇಂದ್ರ ಸಚಿವರ ಜತೆ ಚರ್ಚೆ - ಸಿಎಂ ಎಚ್​ಡಿಕೆಯನ್ನೇ ಓವರ್​​ಟೇಕ್​ ಮಾಡಿದ PWD ಮಿನಿಸ್ಟರ್​​​        ಜಾರಕಿಹೊಳಿ ಬ್ರದರ್ಸ್​​​​ ನಡುವೆ ಸಮರ - ದೆಹಲಿಗೆ ಶಾಸಕರನ್ನ ಕರೆದೊಯ್ದ ರಮೇಶ್​​​​​​​ ಜಾರಕಿಹೊಳಿ - ಸತೀಶ್​​ಗೆ ಮಂತ್ರಿಗಿರಿ ತಪ್ಪಿಸಲು ಶಕ್ತಿ ಪ್ರದರ್ಶನ        ಇಂದಿನಿಂದ ಸಂಸತ್ ಅಧಿವೇಶನ - ಮಹಿಳಾ ಮೀಸಲಾತಿ, ತ್ರಿಪಲ್ ತಲಾಖ್​​​​​ ಮಸೂದೆ ಅಂಗೀಕಾರ ಸಾಧ್ಯತೆ - ಸಂಜೆ ರಾಜ್ಯ ಸಂಸದರ ಜತೆ ಸಿಎಂ ಮೀಟಿಂಗ್​​        ವಸತಿ ಯೋಜನೆಯ ಹಣವನ್ನೇ ನುಂಗಿದ್ರು - 140 ಅನರ್ಹರಿಂದ 8 ಕೋಟಿ ಗುಳುಂ ಸ್ವಾಹ - ಗದಗ ನಗರಸಭೆಯಲ್ಲಿ ಬಯಲಾಯ್ತು ಗೋಲ್​ಮಾಲ್​​​​        ದೀಪಾಲಂಕಾರದಿಂದ ಕಂಗೊಳಿಸಿದ ಕೆಆರ್​ಎಸ್​ - ಗಗನ ಚುಕ್ಕಿ ಜಲಪಾತ ನಯನ ಮನೋಹರ - ಡ್ರೋಣ್​​ ಕಣ್ಣಲ್ಲಿ ಸೆರೆಯಾಯ್ತು ಜಲಧಾರೆಯ ದೃಶ್ಯ ವೈಭವ       
Breaking News

ಕೃತಿ ಮದುವೆಗೆ 2 ಕೋಟಿ ಖರ್ಚು

Friday, 05.05.2017, 3:00 AM       No Comments

ಸೆಲೆಬ್ರಿಟಿ ಮದುವೆ ಎಂದರೆ ಅದ್ಧೂರಿತನಕ್ಕೆ ಕೊರತೆ ಇರೋದಿಲ್ಲ. ಕನ್ನಡದಲ್ಲಿ ಮಿಂಚಿದ ಬಳಿಕ ಬಾಲಿವುಡ್​ನಲ್ಲಿ ನೆಲೆಕಂಡುಕೊಳ್ಳಲು ಪ್ರಯತ್ನಿಸುತ್ತಿರುವ ನಟಿ ಕೃತಿ ಕರಬಂಧ ಮದುವೆ ಕೂಡ ರಾಜವೈಭವದಂತೆ ಜರುಗುತ್ತಿದೆ. ಅದಕ್ಕಾಗಿ ಬರೋಬ್ಬರಿ ಎರಡು ಕೋಟಿ ರೂ. ವ್ಯಯಿಸಲಾಗುತ್ತಿದೆ. ಅರೆರೆ, ಕೃತಿಗೆ ಮದುವೆ ಯಾವಾಗ ನಿಶ್ಚಯ ಆಯಿತು? ಅವರ ಮನಗೆದ್ದ ಕುವರ ಯಾರು? ಇತ್ಯಾದಿ ಪ್ರಶ್ನೆಗಳು ನಿಮ್ಮ ತಲೆಯಲ್ಲಿ ಮೂಡಿದ್ದರೆ ಅದಕ್ಕೆ ಉತ್ತರ; ‘ಶಾದಿ ಮೆ ಝುರೂರ್ ಆನಾ’!

ಅಂದಹಾಗೆ, ಇದು ರಿಯಲ್ ಮದುವೆ ಅಲ್ಲ. ಅಪ್ಪಟ ರೀಲ್. ಇಮ್ರಾನ್ ಹಷ್ಮಿ ಜತೆ ಕೃತಿ ನಟಿಸಿದ್ದ ‘ರಾಝå್ ರಿಬೂಟ್’ ಚಿತ್ರ ಹೇಳಿಕೊಳ್ಳುವಂಥ ಯಶಸ್ಸು ಕಾಣಲಿಲ್ಲ. ಆ ಬಳಿಕ ಅವರಿಗೆ ಮತ್ತೊಂದು ಬಾಲಿವುಡ್ ಅವಕಾಶ ಸಿಕ್ಕಿದೆ. ಖ್ಯಾತ ನಟ ರಾಜ್​ಕುಮಾರ್ ರಾವ್ ನಾಯಕತ್ವದ ‘ಶಾದಿ ಮೆ ಝುರೂರ್ ಆನಾ’ ಚಿತ್ರಕ್ಕೆ ಕೃತಿ ನಾಯಕಿ. ಈ ಚಿತ್ರದಲ್ಲಿರುವ ಒಂದು ಮದುವೆ ಸನ್ನಿವೇಶಕ್ಕಾಗಿ ನಿರ್ವಪಕರು ಬರೋಬ್ಬರಿ ಎರಡು ಕೋಟಿ ರೂ. ಖರ್ಚು ಮಾಡಿದ್ದಾರಂತೆ! ‘ಚಿತ್ರದಲ್ಲಿ ಒಂದು ಹೈಪ್ರೊಫೈಲ್ ವಿವಾಹ ಸನ್ನಿವೇಶವಿದೆ. ಅದಕ್ಕಾಗಿ ಅದ್ಧೂರಿಯಾಗಿ ಸೆಟ್ ನಿರ್ವಿುಸಲಾಗಿದೆ. ನಿರ್ವಪಕರಿಗೆ ದುಡ್ಡು ಮುಖ್ಯವಾಗಿರಲಿಲ್ಲ. ಬಾಲಿವುಡ್ ಚಿತ್ರಗಳಲ್ಲಿ ಹಿಂದೆಂದೂ ಕಂಡಿರದಂತಹ ಹೊಸ ರೀತಿಯ ವೈಭವವನ್ನು ತೋರಿಸುವುದಷ್ಟೇ ಅವರ ಉದ್ದೇಶ. ಅದಕ್ಕಾಗಿ 2 ಕೋಟಿ ಖರ್ಚು ಮಾಡಿದ್ದಾರೆ’ ಎನ್ನುತ್ತಿವೆ ಮೂಲಗಳು.

ವಿಶೇಷವೆಂದರೆ ಈ ವೈಭವದ ಸೆಟ್​ಅನ್ನು ಕೇವಲ ಮೂರೇ ದಿನಗಳಲ್ಲಿ ನಿರ್ವಿುಸಲಾಯಿತಂತೆ. ಅನೂಪ್ ಅಧಿಕಾರಿ ಅವರ ಕಲಾ ನಿರ್ದೇಶನದಲ್ಲಿ ಸೆಟ್ ಹಾಕಲಾಗಿದೆ. ಖ್ಯಾತ ನಿರ್ದೇಶಕ ಅನುಭವ್ ಸಿನ್ಹಾ ಅವರ ಪತ್ನಿ

ರತ್ನಾ ಅವರು ‘ಶಾದಿ ಮೆ ಝುರೂರ್ ಆನಾ’ ಚಿತ್ರದ ಮೂಲಕ ನಿರ್ದೇಶಕಿಯಾಗಿ ಗುರುತಿಸಿಕೊಳ್ಳುತ್ತಿದ್ದಾರೆ. ಲಖನೌ, ಅಲಹಾಬಾದ್

ಮತ್ತು ಕಾನ್ಪುರ ಮುಂತಾದೆಡೆ ಶೂಟಿಂಗ್ ನಡೆಯಲಿದೆ. ಈ ಚಿತ್ರಕ್ಕೆ ವಿನೋದ್ ಬಚ್ಚನ್ ಬಂಡವಾಳ ಹೂಡುತ್ತಿದ್ದಾರೆ. ‘ಶಾದಿ…’ ಮಾತ್ರವಲ್ಲದೆ ‘ಅತಿಥಿ ಇನ್ ಲಂಡನ್’ ಶೀರ್ಷಿಕೆಯ ಹಿಂದಿ ಚಿತ್ರದಲ್ಲೂ ಕೃತಿ ನಟಿಸುತ್ತಿದ್ದಾರೆ. ಅವರು ಅಭಿನಯಿಸಿರುವ ಕನ್ನಡದ ‘ಮಾಸ್ತಿಗುಡಿ’ ಚಿತ್ರ ಸದ್ಯದಲ್ಲೇ ಬಿಡುಗಡೆ ಆಗಲಿದೆ.

Leave a Reply

Your email address will not be published. Required fields are marked *

Back To Top