Friday, 19th October 2018  

Vijayavani

ಮೈಸೂರು ರಾಜವಂಶದಲ್ಲಿ ಒಂದೇ ದಿನ ಎರಡು ಸಾವು-ಪ್ರಮೋದಾದೇವಿ ನಾದಿನಿ ವಿಧಿವಶ        ವಿಲನ್ ಚಿತ್ರದಲ್ಲಿ ಶಿವಣ್ಣರನ್ನ ಕಡೆಗಣನೆ ಎಂದು ಆಕ್ರೋಶ - ಥಿಯೆಟರ್‌ ಮುಂದೆ ಅಭಿಮಾನಿಗಳ ಪ್ರತಿಭಟನೆ        ಒಕ್ಕಲಿಗರ ಸಂಘದಲ್ಲಿ ಮೂಗು ತೂರಿಸಲ್ಲ - ಜಾತಿ, ಧರ್ಮದಲ್ಲಿ ಹಸ್ತಕ್ಷೇಪ ಮಾಡಲ್ಲ - ಎಕ್ಸ್‌ಕ್ಲೂಸಿವ್‌ ಸಂದರ್ಶನದಲ್ಲಿ ಡಿಕೆಶಿ ಮಾತು        ಅದ್ದೂರಿ ಜಂಬೂ ಸವಾರಿ - ಅಂಬಾರಿ ಹೊತ್ತು ಅರ್ಜುನ ಗಾಂಭೀರ್ಯ ನಡಿಗೆ - ಬನ್ನಿಮಂಟಪದತ್ತ ವಿಜಯದಶಮಿ ಮೆರವಣೆಗೆ        ದಸರಾ ಮೆರವಣಿಗೆಯಲ್ಲಿ ನಾಡಿನ ಶ್ರೀಮಂತ ಕಲೆ ಅನಾವರಣ - ಗಮನ ಸೆಳೆದ ವಿವಿಧ ಜಿಲ್ಲೆಗಳ ಸ್ತಬ್ಧಚಿತ್ರಗಳ ಚಿತ್ರಣ        ದೆಹಲಿಯಲ್ಲಿ ವಿಜಯದಶಮಿ ಸಂಭ್ರಮ-ರಾಮಲೀಲ ಮೈದಾನದಲ್ಲಿ ರಾವಣನ ಸಂಹಾರ - ಕಾರ್ಯಕ್ರಮದಲ್ಲಿ ರಾಷ್ಟ್ರಪತಿ, ಪ್ರಧಾನಿ ಭಾಗಿ       
Breaking News

ಕಳ್ಳತನ ತಡೆದ ಶಾಸ್ತ್ರಜ್ಞಾನ

Wednesday, 18.10.2017, 3:00 AM       No Comments

| ಗಂಗಾವತಿ ಪ್ರಾಣೇಶ್​

ಭೋಜರಾಜನ ಪಟ್ಟಣದಲ್ಲಿ ಒಬ್ಬ ಶಾಸ್ತ್ರ ಪಂಡಿತ ಇದ್ದ. ಬಹಳ ಬಡತನ ಕಾಡುತಿತ್ತು. ಅರಮನೆಯಲ್ಲೇ ಕಳ್ಳತನ ಮಾಡಬೇಕೆಂದು ತೀರ್ವನಿಸಿದ. ರಾತ್ರಿ ಯಾರಿಗೂ ತಿಳಿಯದಂತೆ ಒಳ ಪ್ರವೇಶಿಸಿದ. ಸ್ವರ್ಣ, ರತ್ನ ಮೊದಲಾದ ಅಮೂಲ್ಯ ವಸ್ತುಗಳು ಕೈಗೆ ಸಿಕ್ಕವು. ಕದಿಯಲು ಮುಂದಾದ. ಆತನೊಳಗಿದ್ದ ಶಾಸ್ತ್ರ ಜ್ಞಾನ ಜಾಗೃತವಾಯಿತು. ಬಂಗಾರ ಕದ್ದವ ನರಕಕ್ಕೆ ಹೋಗುತ್ತಾನೆ. ಇದು ಪಂಚ ಮಹಾಪಾತಕ ಎಂದು ಜ್ಞಾನ ಎಚ್ಚರಿಕೆ ಕೊಟ್ಟಿತು. ರಾತ್ರಿ ಕಳೆಯುವವರೆಗೆ ಸುಮ್ಮನೆ ಕುಳಿತ. ಸೇವಕರೆಲ್ಲ ಎಚ್ಚರಗೊಂಡರು. ಪಂಡಿತ ಭಯದಿಂದ ಭೋಜ ರಾಜನ ಮಂಚದ ಕೆಳಗೆ ಸೇರಿಬಿಟ್ಟ. ಮಹಾರಾಜ ಎಚ್ಚರಗೊಂಡ. ರಾಣಿಯರು ಮತ್ತು ಸೇವಕಿಯರು ರಾಜನ ಮಂಚದ ಸುತ್ತ ಸೇವೆಗಾಗಿ ನಿಂತರು. ಕೆಳಗಿದ್ದ ಪಂಡಿತನಿಂದ ಒಂದು ಶ್ಲೋಕ ಹೊಮ್ಮಿತು. ‘ಚೇತೋಹಾರಿ ಯುವತಯಃ ಸುಹೃದೋನು …. ಎಂದರೆ ‘ಕಣ್ಮುಚ್ಜಿದ ಬಳಿಕ ಈ ವೈಭವಗಳು ಯಾವುದೂ ಇರುವುದಿಲ್ಲ‘ ಮಹಾರಾಜ ಬೆರಗಾದ. ಮಂಚದ ಕೆಳಗಿನಿಂದ ಪಂಡಿತ ಈಗ ಹೊರ ಬರಲೇಬೇಕಾಯಿತು. ಇದೇನು ಪಂಡಿತರೇ ಇಲ್ಲಿ ಅಡಗಿದ್ದೀರಿ.. ರಾಜ ಬೆರಗಿನಿಂದ ವಿಚಾರಿಸಿದ. ಪಂಡಿತ ನಿಜ ಹೇಳಿದ. ಕಳ್ಳತನ ಮಾಡಲು ಶಾಸ್ತ್ರಜ್ಞಾನ ನನ್ನನ್ನು ತಡೆಯಿತು ಎಂದ. ಭಯದಿಂದ ಅಡಗಿ ಕುಳಿತಾಗಲೂ ಉತ್ತಮ ಶ್ಲೋಕದಿಂದ ನನ್ನ ಕಣ್ಣು ತೆರೆಸಿದ್ದೀರಿ ಎಂದು ರಾಜ ಮೆಚ್ಚುಗೆ ಸೂಚಿಸಿದ. ಪಂಡಿತನ ಪ್ರಾಮಾಣಿಕತೆ ಮೆಚ್ಚಿದ ರಾಜ ಅವನ ಬಡತನ ನಿವಾರಿಸಲು ಧನಕನಕ ನೀಡಿ ಸತ್ಕರಿಸಿದ.

Leave a Reply

Your email address will not be published. Required fields are marked *

Back To Top