Tuesday, 16th October 2018  

Vijayavani

ಜಮಖಂಡಿಯಲ್ಲಿ ಕಾಂಗ್ರೆಸ್-ಬಿಜೆಪಿ ಜಂಗೀಕುಸ್ತಿ- ಕೈ-ಕಮಲ ಅಭ್ಯರ್ಥಿಗಳಿಂದ ನಾಮಿನೇಷನ್​​ - ಬಿಎಸ್​ವೈ, ಸಿದ್ದು ಶಕ್ತಿಪ್ರದರ್ಶನ        ಗಣಿಧಣಿಗಳ ನಾಡಲ್ಲಿ ಬಿಗ್ ಫೈಟ್-ಉಗ್ರಪ್ಪ-ಶಾಂತಾರಿಂದ ಉಮೇದುವಾರಿಕೆ-ರಾಮುಲು, ಡಿಕೆಶಿ ನಡುವೆ ಅಸಲಿ ಕದನ        ಶಿವಮೊಗ್ಗ ಅಖಾಡದಲ್ಲಿ ಮಾಜಿ ಸಿಎಂ ಪುತ್ರರ ಸಮರ-ಇಂದು ಮಧು ಬಂಗಾರಪ್ಪ ನಾಮಪತ್ರ-ಜೆಡಿಎಸ್‌ ಅಭ್ಯರ್ಥಿಗೆ ಕಾಂಗ್ರೆಸ್ ಸಾಥ್        ಮಂಡ್ಯ ಲೋಕಸಭಾ ಚುನಾವಣೆ ಕದನ-ಇಂದು ಬಿಎಸ್​​ವೈ, ಎಚ್​ಡಿಕೆಯಿಂದ ಪ್ರಚಾರ-ದೋಸ್ತಿಗೆ ಸೆಡ್ಡು ಹೊಡೆಯಲು ಕಮಲ ಪ್ಲಾನ್​​        ರಾಮನಗರದಲ್ಲಿ ಕೋಟ್ಯಧಿಪತಿಗಳ ಕಾರುಬಾರು-ಸಿಎಂ ಪತ್ನಿ 127 ಕೋಟಿ ರೂ. ಒಡತಿ-ನಾನೇನು ಕಮ್ಮಿನಾ ಅಂತಿದ್ದಾರೆ ಚಂದ್ರಶೇಖರ್        ಬೈ ಎಲೆಕ್ಷನ್​ ಟೆನ್ಷನ್​ ಮಧ್ಯೆಯೇ ಡಿಸಿಎಂ ವರ್ಕಿಂಗ್​​-ಹುಬ್ಬಳ್ಳಿ ಠಾಣೆಗೆ ದಿಢೀರ್ ವಿಸಿಟ್​​​​​​​​​​-ಬೀಟ್ ಸಿಸ್ಟ್ಂ ಬಗ್ಗೆ ಪೊಲೀಸ್ ಸಿಬ್ಬಂದಿಗೆ ಪಾಠ       
Breaking News

ಕಬಡ್ಡಿಯಲ್ಲಿ ಭಾರತಕ್ಕೆ ಆಘಾತ

Friday, 24.08.2018, 3:04 AM       No Comments

ಜಕಾರ್ತ: ಸತತ 7 ಬಾರಿ ಸ್ವರ್ಣ ಜಯಿಸಿದ್ದ ಭಾರತ ಪುರುಷರ ಕಬಡ್ಡಿ ತಂಡ ಏಷ್ಯಾಡ್​ನ ಸೆಮಿಫೈನಲ್​ನಲ್ಲೇ ಮುಗ್ಗರಿಸಿತು. ಗುರುವಾರ ನಡೆದ ಉಪಾಂತ್ಯದಲ್ಲಿ ಅಜಯ್ ಠಾಕೂರ್ ಸಾರಥ್ಯದ ವಿಶ್ವ ಚಾಂಪಿಯನ್ ಭಾರತ 18-27 ರಿಂದ ಇರಾನ್​ಗೆ ಶರಣಾಯಿತು. 1990ರಿಂದ ಸತತವಾಗಿ ಸ್ವರ್ಣ ಜಯಿಸಿದ್ದ ಭಾರತ ಕೂಟದ ಇತಿಹಾಸದಲ್ಲಿ ಮೊದಲ ಬಾರಿಗೆ ಫೈನಲ್ ಪ್ರವೇಶಿಸಲು ವಿಫಲವಾಯಿತು. ಸ್ವರ್ಣಕ್ಕಾಗಿ ಇರಾನ್ ಹಾಗೂ ದಕ್ಷಿಣ ಕೊರಿಯಾ ತಂಡಗಳು ಎದುರಾಗಲಿವೆ.

ಟ್ಯಾಕಲಿಂಗ್ ಹಾಗೂ ರೈಡಿಂಗ್ ಎರಡರಲ್ಲೂ ವೈಫಲ್ಯ ಅನುಭವಿಸಿದ ಭಾರತ, ಇರಾನ್​ನ ಸಂಘಟಿತ ಆಟಕ್ಕೆ ಶರಣಾಯಿತು. ಭಾರತದ ರೈಡರ್​ಗಳನ್ನು 6 ಬಾರಿ ಸೂಪರ್ ಟ್ಯಾಕಲ್ ಖೆಡ್ಡಾಗೆ ಬೀಳಿಸಿದ ಬಲಿಷ್ಠ ರಕ್ಷಣಾತ್ಮಕ ಪಡೆ ಹೊಂದಿರುವ ಇರಾನ್ ತಂಡ ದ್ವಿತೀಯಾರ್ಧದಲ್ಲಿ ಬಿಗಿ ಹಿಡಿತ ಸಾಧಿಸಿತು. ಭಾರತದ ವೈಫಲ್ಯದ ಲಾಭ ಪಡೆದ ಇರಾನ್ ಪಡೆ ಸತತ ಮೂರನೇ ಬಾರಿಗೆ ಫೈನಲ್ ಪ್ರವೇಶಿಸಿತು. ಜತೆಗೆ ಹಿಂದಿನ ಎರಡು ಸ್ವರ್ಣ ಸಮರದಲ್ಲಿ ಅನುಭವಿಸಿದ ಸೋಲಿಗೆ ಸೇಡು ತೀರಿಸಿಕೊಂಡಿತು. ಮೊದಲಾರ್ಧದಲ್ಲಿ ಉಭಯ ತಂಡಗಳು ತಲಾ 9 ಅಂಕಗಳಿಂದ ಸಮಬಲ ಸಾಧಿಸಿದವು. ಪಂದ್ಯದ ಮುಕ್ತಾಯಕ್ಕೆ 4 ನಿಮಿಷ ಬಾಕಿ ಇರುವ ವೇಳೆ ಆಲೌಟ್ ಆದ ಭಾರತ, 10 ಅಂಕ ಹಿನ್ನಡೆ ಹೊಂದಿದ್ದ ಹಿನ್ನೆಲೆಯಲ್ಲಿ ಸೋಲು ಖಚಿತಗೊಂಡಿತು. ಲೀಗ್ ಹಂತದಲ್ಲಿ ದಕ್ಷಿಣ ಕೊರಿಯಾ ವಿರುದ್ಧ ಸೋತಿದ್ದ ಭಾರತ, ಎ ಗುಂಪಿನಲ್ಲಿ 2ನೇ ಸ್ಥಾನಿಯಾಗಿ ಸೆಮೀಸ್​ಗೇರಿತ್ತು. 2014ರ ಇಂಚೋನ್ ಕೂಟದ ಫೈನಲ್​ನಲ್ಲಿ ಭಾರತ 27-25 ರಿಂದ ಇರಾನ್ ವಿರುದ್ಧವೇ ರೋಚಕ ಜಯ ದಾಖಲಿಸಿತ್ತು. 2010ರ ಗುವಾಂಗ್​ಜೌ ಕೂಟದಲ್ಲೂ 37-20 ರಿಂದ ಜಯ ಕಂಡಿತ್ತು.

ಫೈನಲ್​ಗೇರಿದ ಮಹಿಳಾ ತಂಡ

ಭಾರತ ಮಹಿಳಾ ಕಬಡ್ಡಿ ತಂಡ ಸತತ 3ನೇ ಬಾರಿಗೆ ಫೈನಲ್ ಪ್ರವೇಶಿಸಿತು. ಪ್ರಶಸ್ತಿ ಫೇವರಿಟ್ ಎನಿಸಿಕೊಂಡಿರುವ ಭಾರತ ತಂಡ ಉಪಾಂತ್ಯದ ಪಂದ್ಯದಲ್ಲಿ 27-14 ರಿಂದ ಚೀನಾ ತೈಪೆ ತಂಡವನ್ನು ಸೋಲಿಸಿತು. ಹಿಂದಿನ ಎರಡೂ ಬಾರಿಯೂ ಸ್ವರ್ಣ ಜಯಸಿರುವ ಭಾರತ, ಶುಕ್ರವಾರ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಇರಾನ್ ತಂಡವನ್ನು ಎದುರಿಸಲಿದೆ. ಭಾರತ ತಂಡ 2012, 2013 ಹಾಗೂ 2014ರ ವಿಶ್ವಕಪ್​ಗಳಲ್ಲೂ ಚಾಂಪಿಯನ್ ಆಗಿತ್ತು.

Leave a Reply

Your email address will not be published. Required fields are marked *

Back To Top