Friday, 22nd September 2017  

Vijayavani

1. ಸಮಾವೇಶಕ್ಕೆ ಲಕ್ಷ ಮಂದಿ ಸೇರಿಸೋ ಟಾರ್ಗೆಟ್​- ಬರದಿದ್ರೆ ಅಕ್ಕಿ ಕಟ್​​, ಬ್ಯಾಂಕ್​ ಸಬ್ಸಿಡಿಗೆ ಬ್ರೇಕ್​- ಫಲಾನುಭವಿಗಳಿಗೆ ಕೈ ಕಾರ್ಯಕರ್ತರ ಬೆದರಿಕೆ 2. ಕೊಟ್ಟ ಮಾತು ಮರೆತ ಸಿಎಂ ಸಿದ್ದರಾಮಯ್ಯ- 8 ತಿಂಗಳಾದ್ರೂ ಕುಟುಂಬಸ್ಥರಿಗೆ ಸಿಗದ ಪರಿಹಾರ- ಇದೇನಾ ನುಡಿದಂತೆ ನಡೆಯುವ ಸರ್ಕಾರ..? 3. ಎಸ್​​.ಎಂ.ಕೃಷ್ಣ ಅಳಿಯನ ಮನೆ ಕಚೇರಿ ತಲಾಷ್​​- ಎರಡನೇ ದಿನವೂ ಮುಂದುವರಿದ ಪರಿಶೀಲನೆ- ಹುಡುಕಿದಷ್ಟು ಪತ್ತೆಯಾಗ್ತಿದೆ ದಾಖಲೆ ಪತ್ರ 4. ಗದಗದಲ್ಲಿ ಹನಿ ನೀರಿಗಾಗಿ ಹೋರಾಟ- 6 ಸಾವಿರ ಜನಕ್ಕೆ ಟ್ಯಾಂಕರ್​ ನೀರೇ ಆಧಾರ- ಜನರ ಸಮಸ್ಯೆಗೆ ಸ್ಪಂದಿಸಬೇಕಿದೆ ಸರ್ಕಾರ 5. ಮೈಸೂರು ದಸರಾಗೆ ಜನವೋ ಜನ- ಅತ್ತೆ, ಸೊಸೆ ಜೊತೆ ಜೊತೆ ಮಾಡಿದ್ರು ನಳಪಾಕ- ಕೆಲವೇ ಕ್ಷಣಗಳಲ್ಲಿ ಯುವ ದಸರಾಗೆ ಚಾಲನೆ
Breaking News :

ಕನ್ನಡೇತರ ಚಿತ್ರಮಂದಿರಗಳಿಗೆ ಭರ್ಜರಿ ಲಗ್ಗೆ!

Wednesday, 13.09.2017, 3:03 AM       No Comments

ಬೆಂಗಳೂರು: ಧ್ರುವ ಸರ್ಜಾ, ರಚಿತಾ ರಾಮ್ ಹರಿಪ್ರಿಯಾ, ವೈಶಾಲಿ ದೀಪಕ್ ನಟನೆಯ ‘ಭರ್ಜರಿ’ ಚಿತ್ರ ಈಗಾಗಲೇ ಹಾಡು, ಟ್ರೇಲರ್ ಮೂಲಕ ಭಾರಿ ಸೌಂಡು ಮಾಡುತ್ತಿದೆ. ಇದೀಗ ಅದು ಮತ್ತೊಂದು ಹೆಜ್ಜೆ ಮುಂದಿಟ್ಟಿದ್ದು, ಬಿಡುಗಡೆಗೂ ಮುನ್ನವೇ ಗಡಿಭಾಗ ಹಾಗೂ ಕನ್ನಡೇತರ ಚಿತ್ರಮಂದಿರಗಳಲ್ಲಿಯೂ ಸದ್ದು ಮಾಡಲಾರಂಭಿಸಿದೆ. ಸುದೀರ್ಘ ಸಮಯದಿಂದ ಕನ್ನಡ ಚಿತ್ರಗಳ ಪ್ರದರ್ಶನ ಕಾಣದ ಚಿತ್ರಮಂದಿರಗಳಲ್ಲಿಯೂ ‘ಭರ್ಜರಿ’ ಬಿಡುಗಡೆ ಆಗಲಿದೆ. ಬೆಂಗಳೂರಿನ ರೆಕ್ಸ್, ಕಾವೇರಿ ಹಾಗೂ ಊರ್ವಶಿ ಥಿಯೇಟರ್​ಗಳಲ್ಲಿ ‘ಭರ್ಜರಿ’ ಬಿಡುಗಡೆಯಾಗಲಿರುವುದು ಕನ್ನಡ ಚಿತ್ರಪ್ರೇಮಿಗಳಲ್ಲಿ ಸಂತಸವನ್ನು ಉಂಟುಮಾಡಿದೆ. ಅದರಲ್ಲೂ ರೆಕ್ಸ್​ನಲ್ಲಿ ಬಿಡುಗಡೆ ಆಗಲಿರುವ ಮೂಲಕ, ‘ಭರ್ಜರಿ’ ಇಡೀ ಕನ್ನಡ ಚಿತ್ರರಂಗವನ್ನೇ ತನ್ನತ್ತ ತಿರುಗಿ ನೋಡುವಂತೆ ಮಾಡಿದೆ. ಏಕೆಂದರೆ ಬ್ರಿಗೇಡ್ ರಸ್ತೆಯಲ್ಲಿರುವ ಈ ಚಿತ್ರಮಂದಿರದಲ್ಲಿ ಹೆಚ್ಚು ಪ್ರದರ್ಶನವಾಗುವುದು ಇಂಗ್ಲಿಷ್ ಸಿನಿಮಾಗಳು. ಅದನ್ನು ಹೊರತುಪಡಿಸಿದರೆ ತೆಲುಗು, ತಮಿಳು ಮುಂತಾದ ಕನ್ನಡೇತರ ಚಿತ್ರಗಳು. ಆದರೆ ಇದೀಗ 18 ವರ್ಷಗಳ ಬಳಿಕ ಅಲ್ಲಿ ಮತ್ತೊಮ್ಮೆ ಕನ್ನಡ ಚಿತ್ರ ಪ್ರದರ್ಶನ ಕಾಣಲಿದೆ.

‘ರೆಕ್ಸ್​ನಲ್ಲಿ ಸಾಮಾನ್ಯವಾಗಿ ಇಂಗ್ಲಿಷ್ ಹಾಗೂ ಕನ್ನಡೇತರ ಚಿತ್ರಗಳೇ ಪ್ರದರ್ಶನ ಕಾಣುತ್ತವೆ. ಅದರಲ್ಲೂ 1999ರಲ್ಲಿ ತೆರೆಕಂಡ ‘ಎಕೆ-47’ ಚಿತ್ರದ ಬಳಿಕ ಅಲ್ಲಿ ಕನ್ನಡದ ಯಾವುದೇ ಸಿನಿಮಾ ಬಿಡುಗಡೆ ಆಗಿರಲಿಲ್ಲ. ಆದರೆ ಈಗ ‘ಭರ್ಜರಿ’ ರೆಕ್ಸ್​ಗೂ ಲಗ್ಗೆ ಇಟ್ಟಿದ್ದು, ಅಲ್ಲಿ ಕನ್ನಡದ ಸದ್ದು ಕೇಳುವಂತೆ ಮಾಡಿದೆ’ ಎನ್ನುತ್ತಾರೆ ನಿರ್ದೇಶಕ ಚೇತನ್​ಕುಮಾರ್.

ಅಲ್ಲದೆ, ಬೆಂಗಳೂರಿನಲ್ಲಿ ಕನ್ನಡೇತರ ಚಿತ್ರಗಳೇ ಹೆಚ್ಚಾಗಿ ಪ್ರದರ್ಶನ ಕಾಣುವ ಕಾವೇರಿ ಹಾಗೂ ಊರ್ವಶಿ ಚಿತ್ರಮಂದಿರಗಳಲ್ಲೂ ‘ಭರ್ಜರಿ’ ಪ್ರದರ್ಶನ ಕಾಣಲಿದೆ. ‘ಭರ್ಜರಿ’ಯ ಈ ಲಗ್ಗೆ ಗಡಿಪ್ರದೇಶಗಳಿಗೂ ವಿಸ್ತರಿಸಿದೆ. ಕೋಲಾರ, ಹೊಸಪೇಟೆ, ಮಂಗಳೂರು ಮುಂತಾದ ಗಡಿಪ್ರದೇಶಗಳಲ್ಲೂ ಕನ್ನಡೇತರ ಚಿತ್ರಗಳು ಪ್ರದರ್ಶನ ಕಾಣುವ ಚಿತ್ರಮಂದಿರಗಳಲ್ಲಿ ‘ಭರ್ಜರಿ’ ಬಿಡುಗಡೆ ಆಗಲಿದೆ ಎನ್ನುತ್ತಾರೆ ಚೇತನ್​ಕುಮಾರ್. ಇದರಿಂದಾಗಿ 30ಕ್ಕೂ ಅಧಿಕ ಹೆಚ್ಚುವರಿ ಚಿತ್ರಮಂದಿರಗಳು ಸಿಕ್ಕಂತಾಗಿದ್ದು, ಒಟ್ಟಾರೆ 300ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ‘ಭರ್ಜರಿ’ ಬಿಡುಗಡೆ ಆಗಲಿದೆಯಂತೆ. ಇನ್ನು, ಉತ್ತಮ ಬೆಲೆಗೆ ಚಿತ್ರದ ಟಿವಿ ಪ್ರಸಾರದ ಹಕ್ಕು ಹಾಗೂ ಹಿಂದಿ ಡಬ್ಬಿಂಗ್ ಹಕ್ಕುಗಳು ಮಾರಾಟವಾಗಿವೆಯಂತೆ.

ನಾವು ‘ಬಹದ್ದೂರ್’ ಸಿನಿಮಾ ಸಂದರ್ಭದಲ್ಲೂ ರೆಕ್ಸ್​ನಲ್ಲಿ ಬಿಡುಗಡೆಗೆ ಅವಕಾಶ ಕೋರಿದ್ದೆವು. ಆದರೆ ಆಗ ಅದು ಸಾಧ್ಯವಾಗಿರಲಿಲ್ಲ. ಅಂದಿನಂತೆ ಈ ಬಾರಿಯೂ ನಾವು ಕೇಳಿದ್ದಷ್ಟೇ ಅಲ್ಲ, ಅವರಿಂದಲೂ ಆ ಬಗ್ಗೆ ಒಲವು ವ್ಯಕ್ತವಾಗಿತ್ತು. ಇತ್ತೀಚೆಗೆ ಕನ್ನಡ ಚಿತ್ರಗಳ ಗುಣಮಟ್ಟ ಅತ್ಯುತ್ತ್ತು ಆಗಿರುವುದರಿಂದ ಹಾಗೂ ಟ್ಯಾಕ್ಸ್ ಫ್ರೀ ವ್ಯವಸ್ಥೆ ಬಂದಿರುವುದರಿಂದ ಕನ್ನಡೇತರ ಚಿತ್ರಮಂದಿರಗಳಲ್ಲೂ ಕನ್ನಡ ಸಿನಿಮಾಗೆ ಬೇಡಿಕೆ ಬರುತ್ತಿದೆ.

| ಚೇತನ್​ಕುಮಾರ್ ನಿರ್ದೇಶಕ

 

Leave a Reply

Your email address will not be published. Required fields are marked *

Back To Top