Saturday, 20th October 2018  

Vijayavani

ಚೀಪ್ ಮೆಂಟಾಲಿಟಿ ನನಗಿಲ್ಲ - ಇದರ ಹಿಂದೆ ಕೈವಾಡ ಇರಬಹುದು - ನಟಿ ಶ್ರುತಿ ಹರಿಹರನ್ ಆರೋಪ ತಳ್ಳಿಹಾಕಿದ ಅರ್ಜುನ್ ಸರ್ಜಾ        ಸ್ಯಾಂಡಲ್​ವುಡ್​​ನಲ್ಲಿ ಮೀ ಟೂ - ನಾಳೆ ಸುದ್ದಿಗೋಷ್ಠಿಯಲ್ಲಿ ಶ್ರುತಿ ಹಾಕ್ತಾರಾ ಬಾಂಬ್ - ನಟಿ ವಿರುದ್ಧ ಗುಡುಗಿದ ಅರ್ಜುನ್ ಸರ್ಜಾ ಅತ್ತೆ        ಧರ್ಮ ವಿಚಾರದಲ್ಲಿ ಡಿಕೆಶಿ ಕ್ಷಮೆಯಾಚನೆಗೆ ಸಿದ್ದು ಸಿಟ್ಟು - ಒಂದೇ ವೇದಿಯಲ್ಲಿದ್ರೂ ಮುಖ ಮುಖ ನೋಡಲಿಲ್ಲ - ಜಂಟಿ ಸುದ್ದಿಗೋಷ್ಠಿಯಲ್ಲಿ ನಾಯಕರ ಮಹಾ ಮುನಿಸು        ಜೆಡಿಎಸ್‌, ಕಾಂಗ್ರೆಸ್‌ನ ಸುದ್ದಿಗೋಷ್ಠಿ - ಕಾಂಗ್ರೆಸ್‌, ಜೆಡಿಎಸ್‌ ಜಂಟಿ ಸಮರಕ್ಕೆ ಬಿಜೆಪಿ ವ್ಯಂಗ್ಯ- ಟ್ವೀಟ್‌ ಮೂಲಕ ಟಾಂಗ್‌        ಒಂದೇ ಮನಸ್ಸು ಎರಡು ದೇಹ ಅಂದ್ರು ಸಿಎಂ - ಈ ಜನ್ಮದಲ್ಲಿ ಗೌಡ್ರು-ಸಿದ್ದು ಒಂದಾಗಲ್ಲ ಅಂದ್ರು ಕಾರಜೋಳ - ದೋಸ್ತಿಗಳಿಗೆ ಬಿಜೆಪಿ ನಾಯಕರ ಟಕ್ಕರ್        ಗದಗಿನ ತೋಂಟದಾರ್ಯ ಶ್ರೀಗಳು ಲಿಂಗೈಕ್ಯ - ಹೃದಯಾಘಾತದಿಂದ ಗದಗ್‌ನ ಖಾಸಗಿ ಆಸ್ಪತ್ರೆಯಲ್ಲಿ ವಿಧಿವಶ - ನಾಳೆ ಗದಗದಲ್ಲಿ ಅಂತ್ಯಕ್ರಿಯೆ       
Breaking News

ಒಳಾಂಗಣಕ್ಕೆ ಸಸ್ಯ ಸಂಕುಲ

Saturday, 11.08.2018, 3:03 AM       No Comments

ನಗರ ಬೆಳೆಯುತ್ತಿದ್ದಂತೆ ಅರಣ್ಯ, ಸಸ್ಯಸಂಕುಲ ನಾಶವಾಗುತ್ತಿದೆ. ಜತೆಗೆ, ವಾಹನದಟ್ಟಣೆಯಿಂದ ವಾಯುಮಾಲಿನ್ಯ ಹೆಚ್ಚಾಗಿದೆ. ಮನೆ ಹೊರಭಾಗದಲ್ಲಿ ಗಿಡಗಳನ್ನು ಬೆಳೆಸುವುದು ಈ ಅಪಾರ್ಟ್​ವೆುಂಟ್ ನಗರಿಯಲ್ಲಿ ಕಷ್ಟಸಾಧ್ಯ. ಅದಕ್ಕೆ ಪರಿಹಾರವಾಗಿ ಗೋಚರಿಸುತ್ತಿರುವುದು ಒಳಾಂಗಣ ಕೈತೋಟ. ವಿಶೇಷವೆಂದರೆ ರಿಯಾಲ್ಟಿ ಕ್ಷೇತ್ರದಲ್ಲೂ ಇದು ಟ್ರೆಂಡ್ ಆಗುತ್ತಿದೆ.

| ಹೊಸಹಟ್ಟಿ ಕುಮಾರ

ಬೆಂಗಳೂರು: ಮನೆಯ ಒಳಾಂಗಣಕ್ಕೆ ಹೊಂದಿಕೊಳ್ಳುವ ಗಿಡಗಳನ್ನು ಬೆಳೆಸುವುದು ಹೊಸತೇನಲ್ಲ. ಆದರೆ, ಇದೀಗ ರಿಯಾಲ್ಟಿ ಕ್ಷೇತ್ರದಲ್ಲೂ ಈ ವಿಧಾನಕ್ಕೆ ಆದ್ಯತೆ ದೊರೆಯುತ್ತಿದೆ. ಶುದ್ಧ ಗಾಳಿಗಾಗಿ ಮನೆ ಒಳಗಡೆಯೇ ಗಿಡ ಬೆಳೆಸುವ ಪರಿಪಾಠ ಹೆಚ್ಚಾಗತೊಡಗಿದೆ.

ಇದು ಪರಿಸರ ಸಂರಕ್ಷಣೆ ಕ್ರಮ ಮಾತ್ರವಲ್ಲದೆ, ಇಂಥ ಗಿಡಗಳಿಂದ ಮನೆಯ ಸೌಂದರ್ಯವೂ ಇಮ್ಮಡಿಸುವುದು ಈ ಟ್ರೆಂಡ್ ಹೆಚ್ಚಳಕ್ಕೆ ಕಾರಣವಾಗಿದೆ.

ಮನೆ ಒಳಾಂಗಣದಲ್ಲಿ ವಿವಿಧ ಕಲಾಕೃತಿಗಳು, ಪೀಠೋಪಕರಣಗಳು, ವರ್ಣಚಿತ್ರಗಳು ಜಾಗ ಪಡೆಯುತ್ತಿದ್ದವು. ಇವುಗಳಷ್ಟೇ ಮನೆಯ ಅಂದ ಹೆಚ್ಚಿಸುತ್ತವೆ ಎಂಬ ಕಲ್ಪನೆ ಇತ್ತು. ಇದೀಗ ಈ ಪೀಠೋಪಕರಣಗಳ ಮೇಲೆ ವೈವಿಧ್ಯಮಯ ಗಿಡ-ಬಳ್ಳಿಗಳು ಜಾಗ ಪಡೆದುಕೊಳ್ಳುವ ಜತೆಗೆ ಮನೆಯ ಸೌಂದರ್ಯವನ್ನು ಇಮ್ಮಡಿಗೊಳಿಸುತ್ತಿವೆ.

ಸಂಶೋಧನೆಯಿಂದ ಸಾಬೀತು: ಮನುಷ್ಯರ ಉಸಿರಾಟದಿಂದ ಇಂಗಾಲ ಉತ್ಪತ್ತಿಯಾಗುತ್ತದೆ. ಇದರಿಂದ ಮನೆ ಗಾಳಿ ಕೂಡ ಮಲಿನವಾಗುತ್ತದೆ. ಮನೆಯಲ್ಲಿಯೇ ಗಿಡಗಳಿದ್ದರೆ ರಾತ್ರಿ ವೇಳೆ ಇಂಗಾಲವನ್ನು ಹೀರಿಕೊಂಡು ಆಮ್ಲಜನಕ ಬಿಡುವುದರಿಂದ ಶುದ್ಧಗಾಳಿ ದೊರೆಯುತ್ತದೆ ಎಂಬುದು ಸಂಶೋಧನೆಯಿಂದ ಗೊತ್ತಾಗಿದೆ. ಆರ್ಕಿಡ್, ನೀರಿನಲ್ಲಿ ಬೆಳೆಯುವ ವಿವಿಧ ಗಿಡಗಳು ಹಾಗೂ ಬ್ರೊಮೀಲಿಡಾ ಬೆಳೆದರೆ ಹೆಚ್ಚು ಪ್ರಯೋಜನಕಾರಿ ಎನ್ನುತ್ತದೆ ಸಂಶೋಧನೆ.

ಒತ್ತಡ ನಿವಾರಣೆ

ಮನೆಯ ಒಳಾಂಗಣದಲ್ಲಿ ಬೆಳೆಯುವ ಗಿಡಗಳು ಸೌಂದರ್ಯ ಹೆಚ್ಚಿಸಿ ಗಾಳಿಯನ್ನು ಶುದ್ಧೀಕರಿಸುವ ಜತೆಗೆ ನಿತ್ಯ ಜಂಜಾಟದ ಒತ್ತಡ ನಿವಾರಣೆಗೂ ಸಹಾಯ ಮಾಡುತ್ತವೆ. ಮನೆಯಲ್ಲಿರುವ ಗಿಡಗಳ ಬಳಿ ಕುಳಿತುಕೊಂಡರೆ ಒತ್ತಡ ನಿವಾರಣೆಯಾಗಿ ಉತ್ತಮ ಗಾಳಿ ದೊರೆಯುತ್ತದೆ. ಕಡಿಮೆ ರಕ್ತದೊತ್ತಡ, ಸ್ನಾಯು ಸೆಳೆತ, ಮಾಂಸಖಂಡಗಳ ನೋವು, ಪಾರ್ಶ್ವ ತಲೆನೋವು, ನೆಗಡಿ, ಕೆಮ್ಮು ಸೇರಿ ವಿವಿಧ ಸಾಮಾನ್ಯ ಆರೋಗ್ಯ ತೊಂದರೆ ನಿವಾರಣೆಗೂ ಗಿಡಗಳು ಸಹಕಾರಿ. ಗಿಡಗಳು ಹೊರಸೂಸುವ ತೇವಾಂಶದ ಗಾಳಿಯಿಂದ ಮನೆಯಲ್ಲಿರುವ ಹಾರುವ ಧೂಳು ನಿವಾರಣೆಯಾಗುತ್ತದೆ. ಮನೆ, ಕಚೇರಿ, ಕೆಲಸ ಮಾಡುವ ಸ್ಥಳಗಳಲ್ಲಿ ಗಿಡ ನೆಟ್ಟರೆ ಕೆಲಸದ ಕಾರ್ಯದಕ್ಷತೆ ಹೆಚ್ಚುತ್ತದೆ ಎಂಬುದು ಕೂಡ ಸಂಶೋಧನೆಯಿಂದ ಪತ್ತೆಯಾಗಿದೆ. ಮನೆ ಒಳಾಂಗಣದಲ್ಲಿ ಗಿಡ ಬೆಳೆಸಿದರೆ ಮನೆಯ ಸೌಂದರ್ಯ ಹೆಚ್ಚುವುದರ ಜತೆಗೆ ಆರೋಗ್ಯ ಕೂಡ ಸುಧಾರಿಸುತ್ತದೆ ಎಂಬುದು ಸಂಶೋಧನೆಯಿಂದ ಪತ್ತೆಯಾಗಿದೆ. ಈ ಎಲ್ಲ ಕಾರಣಗಳಿಂದ ಹೊಸದಾಗಿ ನಿರ್ವಣವಾಗುತ್ತಿರುವ ಮನೆಗಳಲ್ಲಿ ಈಗ ಗಿಡಗಳಿಗೂ ಜಾಗ ಬಿಡುವುದು ಹೊಸ ಟ್ರೆಂಡ್ ಆಗಿದೆ.

ವಿಷಾನಿಲ ನಿವಾರಣೆ

ಮನೆಯಲ್ಲಿ ಬೆಳೆಸುವ ಗಿಡಗಳಿಂದ ಮನೆ ಸ್ವಚ್ಛವಾಗಿರುವುದರ ಜೊತೆಗೆ ಮಲಿನ ಗಾಳಿಯನ್ನು ಶುದ್ಧೀಕರಿಸಲು ಸಹಾಯ ಮಾಡುತ್ತವೆ. ಮನೆ ವಾತಾವರಣದ ಗಾಳಿಯಲ್ಲಿರುವ ಶೇ.80 ವಿಷಾನಿಲವನ್ನು ಈ ಗಿಡಗಳು ನಿವಾರಿಸುತ್ತವೆ. ಅಲ್ಲದೆ ಸಿಗರೇಟು, ಬೀಡಿ ಹೊಗೆ ಹಾಗೂ ಸೊಳ್ಳೆ ನಿವಾರಣೆಗಾಗಿ ಬಳಸುವ ಕಾಯಿಲ್ ಮೊದಲಾದವುಗಳಿಂದ ಹೊರಬರುವ ವಿಷ ಕಡಿಮೆ ಮಾಡುತ್ತವೆ.

Leave a Reply

Your email address will not be published. Required fields are marked *

Back To Top