Sunday, 15th July 2018  

Vijayavani

ಬಾಲಕನ ವಿಡಿಯೋ ಹಿಂದೆ ಬಿಜೆಪಿ ಕೈವಾಡ ಆರೋಪ - ವಿಡಿಯೋ ತನಿಖೆಗೆ ಸದಾನಂದಗೌಡ ಆಗ್ರಹ - ರಾಜಕಾರಣಿಗಳ ಆಟಕ್ಕೆ ಕೊಡವರ ಆಕ್ರೋಶ        26 ವರ್ಷ ಲಿಂಗಾಯತರೇ ರಾಜ್ಯ ಆಳಿದ್ದಾರೆ - ಕುಮಾರಸ್ವಾಮಿ ಸಿಎಂ ಆಗಿ 2 ತಿಂಗಳಾಗಿದೆ - ಉತ್ತರ ಕರ್ನಾಟಕ ನಿರ್ಲಕ್ಷ್ಯ ಆರೋಪಕ್ಕೆ ದೇವೇಗೌಡ ತಿರುಗೇಟು        ಕೊನೆಗೂ ಶಿರಾಡಿ ಘಾಟ್‌ ಲೋಕಾರ್ಪಣೆ - ವಾಸ್ತು ಪ್ರಕಾರ ರೇವಣ್ಣ ಉದ್ಘಾಟನೆ - ರಾಷ್ಟ್ರೀಯ ಹೆದ್ದಾರಿ ಸಂಚಾರಕ್ಕೆ ಮುಕ್ತ        ಮಟನ್ ಬಿರಿಯಾನಿ, ಚಿಕನ್ ಚಾಪ್ಸ್, ಬೋಟಿ ಗೊಜ್ಜು, ಮೊಟ್ಟೆ - 25 ಸಾವಿರ ಮಂದಿಗೆ ಭರ್ಜರಿ ಬಾಡೂಟ - ಚಾಮುಂಡೇಶ್ವರಿ ಕ್ಷೇತ್ರದ ಜನರಿಗೆ ಜಿಟಿಡಿ ಕೃತಜ್ಞತೆ        ಒಂದು ದೇಶ ಒಂದೇ ಚುನಾವಣೆ - ಮೋದಿ ಪರಿಕಲ್ಪನೆಗೆ ಸೂಪರ್‌ಸ್ಟಾರ್‌ ಬೆಂಬಲ - ಹಣ, ಸಮಯ ಉಳಿತಾಯ ಎಂದ ರಜನಿ        ಉಕ್ಕಿಹರಿಯುತ್ತಿರೋ ಕೃಷ್ಣೆ - ಬೆಳಗಾವಿ, ಚಿಕ್ಕೋಡಿ ಭಾಗದಲ್ಲಿ ಪ್ರವಾಹ ಪರಿಸ್ಥಿತಿ - ಇತ್ತ ತಮಿಳುನಾಡಿನಲ್ಲಿ ಕಾವೇರಿ ಭೋರ್ಗರೆತ       
Breaking News

ಏಕ್ ದೋ ತೀನ್​ಬೆಡಗಿಗೆ ಈಗ 50

Monday, 15.05.2017, 3:02 AM       No Comments

ಬಾಲಿವುಡ್ ಮಟ್ಟಿಗೆ ‘ಏಕ್ ದೋ ತೀನ್..’ ಎಂದಕೂಡಲೇ ನೆನಪಾಗುವುದು ನಟಿ ಮಾಧುರಿ ದೀಕ್ಷಿತ್. ‘ತೇಜಾಬ್’ ಚಿತ್ರದ ಈ ಹಾಡಿಗೆ ಹೆಜ್ಜೆ ಹಾಕುವುದರ ಮೂಲಕ ಬಾಲಿವುಡ್​ನ ಗಮನ ಸೆಳೆದು, ಆನಂತರ ಸಿನಿಪ್ರಿಯರ ದಿಲ್ ‘ಧಕ್ ಧಕ್ ಕರನೇ ಲಗಾ..’ ಎಂಬಷ್ಟರಮಟ್ಟಿಗೆ ಚಿತ್ರರಂಗದಲ್ಲಿ ಸದ್ದು ಮಾಡಿದವರು ಮಾಧುರಿ. ಹೀಗೆ ರೀಲ್ ಲೈಫ್​ನಲ್ಲಿ ‘ಏಕ್ ದೋ ತೀನ್’ ಎಂದು ಖ್ಯಾತರಾದ ಮಾಧುರಿ, ಈಗ ರಿಯಲ್ ಲೈಫ್​ನಲ್ಲಿ ‘ಪಚಾಸ್’ ವರೆಗೂ ಬಂದಿದ್ದಾರೆ. ಅರ್ಥಾತ್, ಮಾಧುರಿ ದೀಕ್ಷಿತ್ ಇಂದು (ಮೇ 15) 50 ವಸಂತಗಳನ್ನು ಪೂರೈಸಿ 51ನೇ ವರ್ಷಕ್ಕೆ ಪದಾರ್ಪಣೆ ಮಾಡುತ್ತಿದ್ದಾರೆ.

1967ರಲ್ಲಿ ಜನಿಸಿದ ಮಾಧುರಿ ದೀಕ್ಷಿತ್, 1984ರಲ್ಲಿ ‘ಅಬೋಧ್’ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪ್ರವೇಶಿಸಿದ್ದರು. ಆ ಬಳಿಕ ಕೆಲವು ಸಣ್ಣಪುಟ್ಟ ಪುತ್ರಗಳಲ್ಲಿ ಕಾಣಿಸಿಕೊಂಡಿದ್ದ ಅವರಿಗೆ ಹೆಸರು ತಂದುಕೊಟ್ಟಿದ್ದು 1988ರಲ್ಲಿ ಬಿಡುಗಡೆ ಆಗಿರುವ ‘ತೇಜಾಬ್’. ಅದರಲ್ಲಿ ‘ಏಕ್ ದೋ ತೀನ್’ ಹಾಡಿಗೆ ಹೆಜ್ಜೆ ಹಾಕುವ ಮೂಲಕ ಬಾಲಿವುಡ್​ನಲ್ಲಿ ದಾಪುಗಾಲು ಹಾಕಲಾರಂಭಿಸಿದ ಮಾಧುರಿ ಹಿಂತಿರುಗಿ ನೋಡಲೇ ಇಲ್ಲ. ‘ರಾಮ್ ಲಖನ್’, ‘ಪರಿಂದಾ’, ‘ದಿಲ್’, ‘ಸಾಜನ್’, ‘ಬೇಟಾ’, ‘ಖಳನಾಯಕ್’, ‘ಹಮ್ ಆಪ್ ಕೆ ಹೈ ಕೌನ್’, ‘ರಾಜಾ’, ‘ದಿಲ್ ತೊ ಪಾಗಲ್ ಹೈ’ ಮುಂತಾದ ಚಿತ್ರಗಳಲ್ಲಿ ಅವರ ಅಭಿನಯ ಸಿನಿಪ್ರಿಯರ ಮನಸೆಳೆದಿದ್ದಲ್ಲದೆ, ಆ ಚಿತ್ರಗಳು ಅವರಿಗೆ ಅಪಾರ ಯಶಸ್ಸು ತಂದುಕೊಟ್ಟವು. ಹಲವಾರು ಪ್ರಶಸ್ತಿಗಳಿಗೆ ಪಾತ್ರರಾಗಿರುವ ಅವರು ಪ್ರತಿಷ್ಠಿತ ಪದ್ಮಶ್ರೀ ಪ್ರಶಸ್ತಿಗೂ ಭಾಜನರಾಗಿದ್ದಾರೆ. ‘ಸಾಜನ್’, ‘ಖಳ್​ನಾಯಕ್’ ಚಿತ್ರದಲ್ಲಿ ಜೋಡಿಯಾಗಿ ನಟಿಸಿದ್ದ ಮಾಧುರಿ ಹಾಗೂ ಸಂಜಯ್ ದತ್ ಮಧ್ಯೆ ಪ್ರೇಮಾಂಕುರವಾಗಿದೆ ಎಂಬ ಗಾಸಿಪ್ ಹಬ್ಬಿತ್ತು. ಈಗ ಸಂಜಯ್ ದತ್ ಜೀವನಾಧಾರಿತ ಸಿನಿಮಾ ಕೂಡ ನಿರ್ವಣವಾಗುತ್ತಿದ್ದು, ಅದರಲ್ಲಿ ಆ ಬಗ್ಗೆ ಯಾವುದೇ ಪ್ರಸ್ತಾಪ ಇರಬಾರದು ಎಂದು ಮಾಧುರಿ ಈ ಹಿಂದೆ ಕೋರಿದ್ದರು. ಆದರೆ ಇತ್ತೀಚೆಗೆ ಭೇಟಿಯಾದ ನಿರ್ದೇಶಕ ರಾಜ್​ಕುಮಾರ್ ಹಿರಾನಿ ಜತೆ ಮಾತಾಡಿದಮಾಧುರಿ, ‘ಅದೆಲ್ಲ ಈಗ ಮುಗಿದ ಅಧ್ಯಾಯ’ ಎಂದಿದ್ದಾರೆ. ಹಾಗಾಗಿ ಸಂಜಯ್ ಬಯೋಪಿಕ್​ನಲ್ಲಿ ದತ್-ಮಾಧುರಿ ಪ್ರೇಮಪ್ರಸಂಗ ಇರಲಿದೆಯೋ ಇಲ್ಲವೋ ಎಂಬುದು ಸದ್ಯಕ್ಕೆ ನಿಗೂಢ. -ಏಜೆನ್ಸೀಸ್

 

Leave a Reply

Your email address will not be published. Required fields are marked *

Back To Top