Thursday, 24th August 2017  

Vijayavani

1. ಹಾವೇರಿಯಲ್ಲಿ ಇಂಜೆಕ್ಷನ್‌ ಬಳಿಕ ರೋಗಿ ಸಾವು- ಆಸ್ಪತ್ರೆ ಮುಂದೆ ಪೋಷಕರ ಪ್ರತಿಭಟನೆ- ಸಾವಿನ ಇಂಜೆಕ್ಷನ್‌ ಅಂತಾ ಆರೋಪ 2. ಡಿವೈಎಸ್‌ಪಿ ಗಣಪತಿ ಸಾವು ಪ್ರಕರಣ- ಗಣಪತಿ ಆತ್ಮಹತ್ಯೆ ವೇಳೆ ನನಗೆ ಯಾವುದೇ ಕರೆ ಬಂದಿಲ್ಲ- ಕಾಲ್‌ಡಿಟೆಲ್ಸ್‌ ಡಿಲೀಟ್‌ ಬಗ್ಗೆ ಶಾಸಕ ವಿನಯ್ ಕುಮಾರ್ ಸೊರಕೆ ಪ್ರತಿಕ್ರಿಯೆ 3. ಕೋಲಾರದಲ್ಲಿ ಮಕ್ಕಳ ಸಾವು ಪ್ರಕರಣ- ಆಸ್ಪತ್ರೆಗೆ ಬಿಜೆಪಿ ಸತ್ಯ ಶೋಧನ ಸಮಿತಿ ಭೇಟಿ- ಜಿಲ್ಲೆಗೆ ಇದು ಶೋಭೆಯಲ್ಲ ಎಂದ ಮಾಜಿ ಸಚಿವ ಸುರೇಶ್​ ಕುಮಾರ್​​​ 4. ಮತ್ತೆ ಒಂದಾದ ಸುದೀಪ್​​​​ ದಂಪತಿ- ಪ್ರಿಯಾ-ಸುದೀಪ್​​​​​​​​​​​​​​​​​​​​​ಗೆ ಕಲಾವಿದರ ಶುಭಾಶಯ- ನೂರ್ಕಾಲ ಬಾಳಲಿ ಎಂದ ಜಗ್ಗೇಶ್​​​​​​​ 5. ಬಿಡುಗಡೆಯಾಯ್ತು 200ರ ಹೊಸ ನೋಟು- ನಾಳೆಯಿಂದಲೇ ಬ್ಯಾಂಕ್​​​​​​​​​​​​​​​​​​​​​​​​​​​​​​​​​​ಗಳಿಗೆ ಪೂರೈಕೆ- ಆರ್​​​​​​​ಬಿಐನಿಂದ ಪ್ರಕಟಣೆ
Breaking News :

ಉಗ್ರರ ಸಾಧುವೇಷ!

Sunday, 23.04.2017, 3:00 AM       No Comments

ನವದೆಹಲಿ: ಐದು ರಾಜ್ಯಗಳ ಜಂಟಿ ಪೊಲೀಸ್ ಪಡೆ ದೇಶದ ವಿವಿಧೆಡೆ ದಾಳಿ ನಡೆಸಿ 10 ಶಂಕಿತ ಐಸಿಸ್ ಉಗ್ರರನ್ನು ಸೆರೆ ಹಿಡಿದು ಸಂಭಾವ್ಯ ದಾಳಿ ತಪ್ಪಿಸಿದ ಬೆನ್ನಲ್ಲೇ ಭಯೋತ್ಪಾದಕರ ಇನ್ನೊಂದು ತಂತ್ರವನ್ನು ಮಧ್ಯಪ್ರದೇಶದ ಗುಪ್ತಚರ ದಳ ಬಯಲಿಗೆಳೆದಿದೆ. ಸಾಧು-ಸಂತರ ವೇಷದಲ್ಲಿ ಉಗ್ರರು ಧಾರ್ವಿುಕ ಕ್ಷೇತ್ರಗಳನ್ನು ಗುರಿಯಾಗಿ ಟ್ಟುಕೊಂಡು ಭಯೋತ್ಪಾದನಾ ದಾಳಿ ನಡೆಸಲು ಸಂಚು ರೂಪಿಸಿದ್ದು, ಉತ್ತರ ಪ್ರದೇಶದ ವಾರಾಣಸಿ ಮತ್ತಿತರ ಧಾರ್ವಿುಕ ಕ್ಷೇತ್ರಗಳು, ಶೈಕ್ಷಣಿಕ ಕೇಂದ್ರಗಳು ಉಗ್ರರ ಟಾರ್ಗೆಟ್ ಆಗಿವೆ ಎಂದು ಗುಪ್ತಚರ ದಳ ಎಚ್ಚರಿಕೆ ನೀಡಿದೆ. ಸಂಭಾವ್ಯ ದಾಳಿಯ ಹಿನ್ನೆಲೆಯಲ್ಲಿ ಉತ್ತರ ಪ್ರದೇಶದಲ್ಲಿ ಭದ್ರತೆ ಬಿಗಿಗೊಳಿಸಲಾಗಿದೆ.

ದಾಳಿ ಭೀತಿ ಎಲ್ಲೆಲ್ಲಿ?: ಅಯೋಧ್ಯೆ, ಕಾಶಿ, ಮಥುರಾ, ಆಗ್ರಾದ ತಾಜ್ ಮಹಲ್, ಅಲಹಾಬಾದ್ ಹಾಗೂ ಲಖನೌ ಹೈಕೋರ್ಟ್, ರೈಲ್ವೆ ನಿಲ್ದಾಣ, ಜನನಿಬಿಡ ಮಾರುಕಟ್ಟೆ ಪ್ರದೇಶ, ವಿಧಾನಸಭೆ ಕಟ್ಟಡ, ಪ್ರತಿಷ್ಠಿತ ಶೈಕ್ಷಣಿಕ ಸಂಸ್ಥೆಗಳು.

2 ಸಾವಿರ ಮದ್ರಸಾಗಳ ಮೇಲೆ ನಿಗಾ: ಉಗ್ರರ ಜತೆ ಸಂಬಂಧ ಹೊಂದಿರುವ ಶಂಕೆಯ ಮೇಲೆ ಉತ್ತರ ಪ್ರದೇಶದ ಪೊಲೀಸರು ಅಲ್ಲಿನ 2 ಸಾವಿರ ಮದ್ರಸಾಗಳ ಮೇಲೆ ಹದ್ದಿನ ಕಣ್ಣಿಟ್ಟಿದ್ದಾರೆ. ದೆಹಲಿ ಹಾಗೂ ಉತ್ತರ ಪ್ರದೇಶದಲ್ಲಿ ಸ್ಫೋಟ ನಡೆಸಲು ಸಂಚು ರೂಪಿಸಿದ್ದ ಆರೋಪದಲ್ಲಿ ಮದ್ರಸಾದ ಐವರು ವಿದ್ಯಾರ್ಥಿಗಳನ್ನು ಪೊಲೀಸರು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ. ಓರ್ವ ಇಮಾಮ್ನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಲಾಗುತ್ತಿದೆ.

ಆಪರೇಷನ್ ಕೃಷ್ಣ ಇಂಡಿಯಾ: ಉಗ್ರರು ಸಾಧು, ಸಂತರ ವೇಷ ಧರಿಸಿ ಧಾರ್ವಿುಕ ಕ್ಷೇತ್ರಗಳಿಗೆ ತೆರಳಿದರೆ ಭದ್ರತಾ ಸಿಬ್ಬಂದಿಗೆ ಅನುಮಾನ ಬರುವುದಿಲ್ಲ. ಜತೆಗೆ ತಪಾಸಣೆಯಿಂದಲೂ ತುಸು ವಿನಾಯಿತಿ ಪಡೆಯಬಹುದು ಎಂಬುದು ಉಗ್ರರ ಲೆಕ್ಕಾಚಾರವಾಗಿದೆ. ನೇಪಾಳ ಗಡಿ ಮೂಲಕ ಸುಮಾರು 20 ಉಗ್ರರಿದ್ದ ತಂಡವೊಂದು ಉತ್ತರ ಪ್ರದೇಶಕ್ಕೆ ಈಗಾಗಲೇ ನುಸುಳಿದೆ. ಈ ಉಗ್ರರಿಗೆ ಹಿಂದು ಪದ್ಧತಿ, ಆಚರಣೆಗಳ ಕುರಿತೂ ತರಬೇತಿ ನೀಡಲಾಗಿದೆ. ಪಾಕಿಸ್ತಾನದಲ್ಲಿ ಭಯೋತ್ಪಾದನಾ ತರಬೇತಿ ನೀಡಿದ ಬಳಿಕ ಭಾರತಕ್ಕೆ ಕಳಿಸಲಾಗಿದೆ. ಈ ಯೋಜನೆಗೆ ಪಾಕಿಸ್ತಾನ ಗುಪ್ತಚರ ಸಂಸ್ಥೆ ಆಪರೇಷನ್ ಕೃಷ್ಣ ಇಂಡಿಯಾ ಎಂದು ನಾಮಕರಣ ಮಾಡಿದೆ ಎನ್ನಲಾಗುತ್ತಿದೆ.

Leave a Reply

Your email address will not be published. Required fields are marked *

Back To Top