Monday, 23rd July 2018  

Vijayavani

ಬಿಜೆಪಿ ಸಂಪರ್ಕ್ ಸಮರ್ಥನ್ ಅಭಿಯಾನ - ಕಿಚ್ಚ ಸುದೀಪ್ ಭೇಟಿಯಾದ ಶ್ರೀರಾಮುಲು- ಮೋದಿ ಸಾಧನೆ ಪುಸ್ತಕ  ವಿತರಣೆ        ದೆಹಲಿಯಲ್ಲಿ ರಾಹುಲ್-ಸಿದ್ದು ಭೇಟಿ - ದೋಸ್ತಿ ನಡೆಗೆ ಅಸಮಾಧಾನ ಹೊರಹಾಕಿದ್ರಾ ಸಿದ್ದು - ಕುತೂಹಲ ಕೆರಳಿಸಿದ ಕೈ ದಿಗ್ಗಜರ ಭೇಟಿ        ಮತ್ತೆ ವಾಸ್ತು ಮೊರೆ ಮೋದ ರೇವಣ್ಣ - ಸರ್ಕಾರಿ ಬಂಗಲೆ ನವೀಕರಣಕ್ಕೆ 2 ಕೋಟಿ ಖರ್ಚು - ಇದೇನಾ ದುಂದುವೆಚ್ಚಕ್ಕೆ ಕಡಿವಾಣ ?        ದರ್ಶನ್ ಮ್ಯಾನೇಜರ್​​ ಮಲ್ಲಿಕಾರ್ಜುನ್​ನಿಂದ ಮತ್ತೊಂದು ದೋಖಾ - ನಟ ಅರ್ಜುನ್ ಸರ್ಜಾಗೂ ಮಹಾ ಮೋಸ        ಶೀರೂರು ಶ್ರೀ ಸಾವಿಗೆ ಟ್ವಿಸ್ಟ್ ಮೇಲೆ ಟ್ವಿಸ್ಟ್ - ಸ್ವಾಮೀಜಿ ಕೊನೆದಿನದ ಡಿವಿಆರ್ ನಾಪತ್ತೆ - ಪೊಲೀಸರಿಂದ ತೀವ್ರ ಶೋಧ       
Breaking News

ಇಸ್ಲಾಂನ ಧರ್ಮಸಮನ್ವಯ ಭಾವ

Friday, 13.07.2018, 3:03 AM       No Comments

ಇಸ್ಲಾಂ ಧರ್ಮದ ಸಂಸ್ಥಾಪಕರಾದ ಮುಹಮ್ಮದ್ (ಸ) ಪೈಗಂಬರ್ ಮತ್ತು ವೀರಶೈವಧರ್ಮದ ಉದ್ದೀಪನಾಚಾರ್ಯರಾದ ಶ್ರೀ ಬಸವೇಶ್ವರ – ಈ ಇಬ್ಬರೂ ಮೇರು ವ್ಯಕ್ತಿತ್ವದವರು. ‘ಮಹಾಪುರುಷರು ಕೂಡ ಮಾನವರಾಗಿ ಹುಟ್ಟಿ ಬೆಳೆದು ಅತಿಮಾನವರಾಗಿ ಮೆರೆಯುತ್ತಾರೆ’ ಎಂಬ ಮಾತು ಇವರಿಬ್ಬರಿಗೂ ಅನ್ವಯಿಸುತ್ತದೆ. ಪ್ರಪಂಚದ ಪ್ರಸ್ತುತ ಪರಿಸ್ಥಿತಿಯನ್ನು ನೋಡಿದರೆ, ಇವರಿಬ್ಬರ ಸಂದೇಶಗಳ ಪಾಲನೆಯು ಎಂತಹ ಸತ್ಪಲವನ್ನು ನೀಡಬಹುದೆಂಬುದರ ಬಗ್ಗೆ ಆಲೋಚಿಸಬಹುದಾಗಿದೆ. ಈ ದೃಷ್ಟಿಯಿಂದ ಇಸ್ಲಾಂ ಹಾಗೂ ವೀರಶೈವ ಧರ್ಮಗಳ ಕಥೆಯು ತ್ಯಾಗ-ಬಲಿದಾನಗಳ ಕಥೆಯೇ ಎಂದು ಅನಿಸುತ್ತದೆ.

‘ನಿನ್ನ ಶೀಲ ಸ್ವಭಾವಗಳು ದೇವರ ಗುಣಗಳನ್ನು ಹೋಲುವಂತೆ ಮಾಡಿಕೊ’ ಎಂಬುದು ಪೈಗಂಬರರ ವಾಣಿ. ದಿವ್ಯಧರ್ಮನಿಷ್ಠರಾದ (ಹ) ಬೀಬೀ ಖದೀಜಾ (ರ)

ಅವರು ಮಹಾಸಾಧಕರಾದ ಪ್ರವಾದಿ ಮುಹಮ್ಮದ್ (ಸ) ಅವರನ್ನು ಕುರಿತು ಹೇಳಿರುವ ವ್ಯಾಖ್ಯಾನರೂಪದ ವಚನವಿದು. ಈ ರೂಪಕದಲ್ಲಿ ಮುಹಮ್ಮದರ (ಸ) ಸಮಗ್ರ ವ್ಯಕ್ತಿತ್ವವೂ, ಸ್ವಚ್ಛಂದ ಲಹರಿಯ ವಚನರತ್ನಗಳ ಸ್ವರೂಪವೂ ಅಡಗಿದೆ. ಅದೇ ರೀತಿ ದಿವ್ಯ ಅನುಭಾವಿಗಳಾದ ಅಲ್ಲಮಪ್ರಭುದೇವರು ಶ್ರೀ ಬಸವೇಶ್ವರರನ್ನು ಕುರಿತು ಬರೆದಿರುವ ವ್ಯಾಖ್ಯಾನರೂಪದ ವಚನವನ್ನು ನೋಡಿ:

ಕಲ್ಯಾಣವೆಂಬ ಪ್ರಣತೆಯಲ್ಲಿ ಭಕ್ತಿರಸವೆಂಬ ತೈಲವನೆರೆದು,

ಆಚಾರವೆಂಬ ಬತ್ತಿಯಲ್ಲಿ ಬಸವಣ್ಣನೆಂಬ ಜ್ಯೋತಿಯ ಮುಟ್ಟಿಸಲು

ತೊಳಗಿ ಬೆಳಗುತ್ತಿದ್ದಿತ್ತಯ್ಯಾ ಶಿವನ ಪ್ರಕಾಶ!

ಆ ಬೆಳಗಿನೊಳಗೆ ಒಪ್ಪುತ್ತಿದ್ದರಯ್ಯಾ ಅಸಂಖ್ಯಾತ ಭಕ್ತಗಣಂಗಳು.

ಶಿವಭಕ್ತರಿರ್ದ ಕ್ಷೇತ್ರವೆ ಅವಿಮುಕ್ತಕ್ಷೇತ್ರವೆಂಬುದು ಹುಸಿಯೆ?

ಶಿವಭಕ್ತರಿರ್ದ ದೇಶ ಪಾವನವೆಂಬುದು ಹುಸಿಯೆ?

ಗುಹೇಶ್ವರಲಿಂಗದಲ್ಲಿ ಎನ್ನ ಪರಮಾರಾಧ್ಯ ಸಂಗನಬಸವಣ್ಣನ ಕಂಡು

ಬದುಕಿದೆನು ಕಾಣಾ ಸಿದ್ಧರಾಮಯ್ಯಾ. (ವಚನ ಸಾಹಿತ್ಯ ಸಂಪುಟ: ಪುಟ 591)

ಈ ರೂಪಕದಲ್ಲಿ ಬಸವೇಶ್ವರರ ಸಮಗ್ರ ವ್ಯಕ್ತಿಚಿತ್ರವೂ, ಸ್ವಚ್ಛಂದ ಲಹರಿಯ ವಚನರತ್ನಗಳ ಸ್ವರೂಪವೂ ಅಡಗಿದೆ.

Leave a Reply

Your email address will not be published. Required fields are marked *

Back To Top