Sunday, 23rd July 2017  

Vijayavani

1. ಕೊಪ್ಪಳದ ಖೋಟಾನೋಟು ಪ್ರಕರಣಕ್ಕೆ ಹೊಸ ಟ್ವಿಸ್ಟ್​- ಐವರಲ್ಲಿ ಮೂವರು ಆರೋಪಿಗಳು ಅರೆಸ್ಟ್- ವೈಯಕ್ತಿಕ ದ್ವೇಷಕ್ಕೆ ಬಲಿಯಾಗಿದ್ದ ಉಪನ್ಯಾಸಕ 2. ಮಳೆಗೆ ಹಾರಂಗಿ ಜಲಾಶಯ ಬಹುತೇಕ ಭರ್ತಿ- ಡ್ಯಾಂನಿಂದ 1,200 ಕ್ಯೂಸೆಕ್ ನೀರು ಬಿಡುಗಡೆ- ನದಿಪಾತ್ರದ ಜನರಿಗೆ ಎಚ್ಚರದಿಂದಿರಲು ಸೂಚನೆ 3. ಬೆಂಗಳೂರಿನ ಅರಮನೆ ಮೈದಾನದಲ್ಲಿ ವಿಶ್ವಕರ್ಮ ಸಮಾವೇಶ- ಸಮುದಾಯದಿಂದ ಬಿಎಸ್​ವೈಗೆ ಸನ್ಮಾನ- ಬಿಜೆಪಿ ಹಲವು ಮುಖಂಡರು ಹಾಜರ್‌ 4. ಕಾಂಗ್ರೆಸ್​ ಕದ ತಟ್ಟಿದ ಜೆಡಿಎಸ್​ ರೆಬೆಲ್ಸ್​- ಇನ್ನೆರಡು ತಿಂಗಳಲ್ಲಿ ಸೇರ್ಪಡೆ ಖಚಿತ- ಇನ್ನೂ ಏಳು ಜನ ಬರ್ತಾರೆಂದು ಜಮೀರ್​ ಬಾಂಬ್​ 5. ವನಿತೆಯರ ವಿಶ್ವಕಪ್‌ನಲ್ಲಿ ಇಂಡೋ- ಇಂಗ್ಲೆಂಡ್‌ ಫೈಟ್- ಟಾಸ್‌ ಗೆದ್ದ ಇಂಗ್ಲೆಂಡ್ ಬ್ಯಾಟಿಂಗ್ ಆಯ್ಕೆ- ಟೀಂ ಇಂಡಿಯಾಗೆ ದೇಶ ಜನರಿಂದ ಆಲ್​ ದ ಬೆಸ್ಟ್​
Breaking News :

ಅಮ್ಮನ ಸ್ಪೂರ್ತಿ ಕೀರ್ತಿಗೆ ಕಾರಣ

Tuesday, 21.03.2017, 9:15 AM       No Comments

ಆತನೊಬ್ಬ ಹುಟ್ಟಿನಿಂದಲೇ ಸಮರ್ಪಕವಾದ ಬೆಳವಣಿಗೆ ಇಲ್ಲದ ಬಾಲಕ. ತನ್ನ ನಾಲ್ಕನೆಯ ವರುಷದಲ್ಲಿ ಮಾತ್ರ ನಡೆಯಲಾರಂಭಿಸಿದವ. ಮುಂದೆ ಎರಡೂ ಕಿವಿಗಳಿಂದಲೂ ಕೇಳಿಸಿಕೊಳ್ಳದೆ ಕಿವುಡನಾದವ. ಆದರೆ ಆತನದು ವಿಪರೀತ ಬುದ್ಧಿ, ಕುತೂಹಲಕಾರೀ ಮನಸ್ಸು ಮತ್ತು ಎಲ್ಲವನ್ನೂ ಪ್ರಶ್ನಿಸಿ ಎಲ್ಲದಕ್ಕೂ ಉತ್ತರ ಕಂಡುಕೊಳ್ಳಬೇಕೆನ್ನುವ ಸ್ವಭಾವ. ಇಂತಹ ಹುಡುಗನನ್ನು ಸಂಭಾಳಿಸಲು ಸಾಧ್ಯವಾಗದೆ ಅವನ ಶಾಲೆಯ ಉಪಾಧ್ಯಾಯರು ಅವನ ಅಮ್ಮನಿಗೆ ಹೀಗೊಂದು ಪತ್ರ ಬರೆಯುತ್ತಾರೆ:

‘ನಿಮ್ಮ ಮಗ ವಿಚಿತ್ರವಾದ ವಿಪರೀತವಾದ ಬುದ್ಧಿಯುಳ್ಳವ. ಜೊತೆಗೆ ಕಿವುಡ ಬೇರೆ. ಅವನಿಗೆ ಪಾಠ ಹೇಳಲು ನಮ್ಮಿಂದ ಸಾಧ್ಯವಾಗದ ಕಾರಣ, ಅವನನ್ನು ಶಾಲೆಯಿಂದ ಹೊರಗೆ ಹಾಕುತ್ತಿದ್ದೇವೆ. ಇನ್ನು ಮುಂದೆ ಅವನಿಗೆ ನಿಮ್ಮ ಮನೆಯಲ್ಲಿ ನೀವೇ ಪಾಠ ಹೇಳಿಕೊಡಿ’.

ಮುಚ್ಚಿದ ಲಕೋಟೆಯೊಳಗಿದ್ದ ಈ ಪತ್ರವನ್ನು ಬಾಲಕ ತನ್ನ ತಾಯಿಗೆ ತಂದು ಕೊಡುತ್ತಾನೆ. ಪತ್ರವನ್ನು ಓದಿದ ಆ ತಾಯಿ ಕಣ್ಣೀರು ಹಾಕಲಾರಂಭಿಸಿದಳು. ಇದನ್ನು ಗಮನಿಸಿದ ಬಾಲಕ ‘ಪತ್ರದೊಳಗೆ ಏನಿದೆ?’ ಎಂದು ಕೇಳಿದಾಗ ಸತ್ಯಾಂಶ ಹೇಳಿದರೆ ಎಲ್ಲಿ ತನ್ನ ಮಗ ಬೇಸರ ಪಟ್ಟುಕೊಂಡು ಆತ್ಮಶಕ್ತಿಯನ್ನೇ ಕಳೆದುಕೊಂಡಾನೋ ಎಂಬ ಭಯದಿಂದ ‘ನಿಮ್ಮ ಮಗ ಬಹಳ ಬುದ್ಧಿವಂತ, ಬಲು ಜಾಣ, ನಮ್ಮದು ಚಿಕ್ಕ ಶಾಲೆ. ಅವನಿಗೆ ಪಾಠ ಹೇಳುವ ಸಾಮರ್ಥ್ಯವುಳ್ಳ ಶಿಕ್ಷಕರು ನಮ್ಮಲ್ಲಿ ಇಲ್ಲ. ಈ ಕಾರಣ, ಇನ್ನು ಮುಂದೆ ನೀವೇ ಅವನಿಗೆ ಪಾಠ ಹೇಳಿ’ ಎಂಬ ಸುಂದರ ಸುಳ್ಳನ್ನು ಹೇಳುತ್ತಾರೆ.

ವೃತ್ತಿಯಿಂದ ಶಿಕ್ಷಕಿಯಾಗಿದ್ದ ಆಕೆ ಮಗನಿಗೆ ತಾನೇ ಶಿಕ್ಷಣವನ್ನು ನೀಡಿ ಮಾರ್ಗದರ್ಶನ ಮಾಡಿ ಸಂಶೋಧನೆಗೆ ಪ್ರೇರೇಪಿಸಿ ಜಗತ್ತಿನ ಅತಿದೊಡ್ಡ ವಿಜ್ಞಾನಿಯಾಗಲು ಕಾರಣಳಾಗುತ್ತಾಳೆ. ಆ ವಿಜ್ಞಾನಿ ಇನ್ಯಾರೂ ಅಲ್ಲ, ತನ್ನ 84 ವರ್ಷದ ಜೀವನದಲ್ಲಿ ಟೆಲಿಫೋನ್, ಟೆಲಿಗ್ರಾಫ್, ಫೋನೋಗ್ರಾಫ್, ವಿದ್ಯುತ್ ಬಲ್ಬ್ ಮುಂತಾದ 1093 ಪೇಟೆಂಟ್​ಗಳನ್ನು ಪಡೆದ ಮಹಾವಿಜ್ಞಾನಿ ಥಾಮಸ್ ಆಲ್ವಾ ಎಡಿಸನ್.

ತನ್ನ ಜೀವನದಲ್ಲಿ ಸ್ಪೂರ್ತಿಯಾಗಿದ್ದ ಅವನ ತಾಯಿ ನ್ಯಾನ್ಸಿ ಮಾಥ್ಯೂ ತೀರಿಕೊಂಡ ಬಳಿಕ ಆಕೆಯ ಟ್ರಂಕ್​ಗಳನ್ನು ಹುಡುಕುತ್ತಿದ್ದಾಗ ಅಂದು ಅವನ ಶಾಲೆಯ ಉಪಾಧ್ಯಾಯರು ಬರೆದ ಪತ್ರ ಸಿಕ್ಕಿತು. ತನ್ನ ಏಳಿಗೆಗಾಗಿ ಅಮ್ಮ ಹೇಳಿದ್ದೇ ಬೇರೆ, ಆ ಪತ್ರದಲ್ಲಿ ಇದ್ದುದೇ ಬೇರೆ ಎಂಬ ನಿಜಾಂಶ ಮನವರಿಕೆಯಾದಾಗ ಅಮ್ಮನ ಹೃದಯವನ್ನು ನೆನೆದು ಅವನ ಕಣ್ಣುಗಳು ಒದ್ದೆಯಾಗದೆ ಇರಲಿಲ್ಲ. ಹೀಗೆ ಪೋಷಕರೂ ಶಿಕ್ಷಕರಾಗಿ ಮಕ್ಕಳಿಗೆ ಸ್ಪೂರ್ತಿಯನ್ನು ತುಂಬಿ ಅವರ ಕೀರ್ತಿಗೆ ಕಾರಣರಾಗಬಹುದಲ್ಲವೇ?

Leave a Reply

Your email address will not be published. Required fields are marked *

twelve − five =

Back To Top