Wednesday, 19th September 2018  

Vijayavani

ಆಸ್ಪತ್ರೆಯಿಂದ ಸಚಿವ ಡಿ.ಕೆ. ಶಿವಕುಮಾರ್​​ ಡಿಸ್ಚಾರ್ಜ್ - ಕೆಲವೇ ಕ್ಷಣಗಳಲ್ಲಿ ಸುದ್ದಿಗೋಷ್ಠಿ - ಎಟಿಎಂ ಆರೋಪಕ್ಕೆ ಉತ್ತರಿಸ್ತಾರಾ?        ಗಾಂಧಿ ಕುಟುಂಬಕ್ಕೆ ಎಟಿಎಂ ಅಂತೆ ಡಿಕೆಶಿ - ಎಐಸಿಸಿಗೆ 600 ಕೋಟಿ ಆಗಿದ್ಯಂತೆ ಡೆಪಾಸಿಟ್ - ಡಿಕೆಶಿ ವಿರುದ್ಧ ಆರೋಪಗಳ ಪಟ್ಟಿ        ಇಡಿ ಪ್ರಕರಣದಲ್ಲಿ ಡಿಕೆಶಿ ಬಂಧನ ಖಚಿತ - ಅರೆಸ್ಟ್‌ ಬೆನ್ನಲ್ಲೇ ಮೈತ್ರಿ ಸರ್ಕಾರ ಖತಂ - ಬಿಜೆಪಿ ರಾಜ್ಯಾಧ್ಯಕ್ಷ ಬಿಎಸ್‌ವೈ ಭವಿಷ್ಯ        ಬೆಂಗ್ಳೂರು ರಸ್ತೆ ಗುಂಡಿಗೆ ಹೈಕೋರ್ಟ್ ಗರಂ - ಬೆಳಗ್ಗೆಯೊಳಗೆ ಗುಂಡಿ ಮುಚ್ಚಿಸಿ - ಕೆಲ್ಸ ಮಾಡದಿದ್ರೆ ಬಿಬಿಎಂಪಿ ಬಂದ್ ಅಂದ್ರು ಸಿಜೆ        ನವಾಜ್​​ ಷರೀಫ್​ಗೆ ರಿಲೀಫ್ - ಜೈಲಿನಿಂದ ಪಾಕ್ ಮಾಜಿ ಪ್ರಧಾನಿ, ಪುತ್ರಿ ಬಿಡುಗಡೆ - ಇಸ್ಲಾಮಾಬಾದ್ ಹೈಕೋರ್ಟ್ ಆದೇಶ        ದುಬೈನಲ್ಲಿ ಏಷ್ಯಾಕಪ್ ಹಣಾಹಣಿ - ಹೈವೋಲ್ಟೇಜ್ ಮ್ಯಾಚ್​ಗೆ ಬದ್ಧ ವೈರಿಗಳು ಸಜ್ಜು - ಟಾಗ್‌ಗೆದ್ದ ಪಾಕ್‌ ಬ್ಯಾಟಿಂಗ್‌ ಆಯ್ಕೆ       
Breaking News

ಅಮೆರಿಕದಲ್ಲೂ ಗಣೇಶೋತ್ಸವ ರಂಗು

Friday, 11.08.2017, 3:00 AM       No Comments

ಗಣೇಶೋತ್ಸವಕ್ಕೆ ದಿನಗಣನೆ ಆರಂಭವಾಗಿದೆ. ದೇಶಾದ್ಯಂತ ವಿದ್ಯಾಧಿಪತಿಯ ಉತ್ಸವಕ್ಕೆ ಭರದ ಸಿದ್ಧತೆ ಶುರುವಾಗಿವೆ. ಅಂತೆಯೇ ಲಕ್ಷಾಂತರ ಮೈಲು ದೂರದ ಅಮೆರಿಕದಲ್ಲೂ ಗಣೇಷ ಚತುರ್ಥಿ ಆಚರಣೆಗೆ ತಯಾರಿ ಜೋರಾಗಿಯೇ ನಡೆದಿದೆ. ಈ ಕುರಿತು ನ್ಯೂಜೆರ್ಸಿ ಪ್ರವಾಸದಲ್ಲಿರುವ ವಿಜಯವಾಣಿ ಓದುಗ ನಿವೃತ್ತ ಬ್ಯಾಂಕ್ ಅಧಿಕಾರಿ, ಮಂಗಳೂರಿನ ಪಿ.ಕೆ.ರವೀಂದ್ರ ಪೈ ಕಳುಹಿಸಿರುವ ವರದಿ ಇಲ್ಲಿದೆ.

 ಗಣೇಶ ಚತುರ್ಥಿ(ಆ.25) ಸಮೀಪಿಸುತ್ತಿದ್ದಂತೆ ಅಮೆರಿಕದಲ್ಲೂ ಹಬ್ಬ ಆಚರಣೆಗೆ ಭರ್ಜರಿ ಸಿದ್ಧತೆಗಳು ಆರಂಭಗೊಂಡಿದ್ದು, ಬಣ್ಣ ಬಣ್ಣದ ಗಣಪ ಮೂರ್ತಿಗಳು ಮಳಿಗೆಗಳನ್ನು ಅಲಂಕರಿಸಿವೆ.

ಭಾರತೀಯರು ಅಧಿಕ ಪ್ರಮಾಣದಲ್ಲಿರುವ ಅಮೆರಿಕದ ಕೆಲ ಭಾಗಗಳಲ್ಲಿ ಈಗಾಗಲೇ ಹಬ್ಬದ ವಾತಾವರಣ ರಂಗೇರಿದೆ. ಭಾರತೀಯ ಮಳಿಗೆಗಳಾದ ಪಾಟಿಧಾರ್ ಸೂಪರ್ ಬಜಾರ್, ಪಟೇಲ್ ಬ್ರದರ್ಸ್, ಅಪ್ನಾ ಸ್ಟೋರ್​ಗಳಲ್ಲಿ ಅಲ್ಲಿನ ಜನರ ಅಭಿರುಚಿಗೆ ಸಾಟಿಯಾಗುವಂಥ ನೂರಾರು ಮೂರ್ತಿಗಳು ರಾರಾಜಿಸುತ್ತಿವೆ. ಜತಗೆ ಅಲಂಕಾರಕ್ಕೆ ಬೇಕಾಗುವ ಪರಿಕರಗಳು ಕೂಡ ಇಲ್ಲಿಯೇ ಲಭ್ಯ. ಭಾರತೀಯರ ಮನೆಗಳಲ್ಲಿ ಮಾತ್ರವಲ್ಲದೆ, ಸಾರ್ವಜನಿಕ ಗಣೇಶೋತ್ಸವ ಕಾರ್ಯಕ್ರಮಗಳೂ ಇಲ್ಲಿನ ಸ್ಥಳೀಯ ಜನರಿಗೆ ಆಕರ್ಷಣೆಯಾಗಿವೆ. ಮುಖ್ಯವಾಗಿ ಪ್ಲಾಸ್ಟರ್ ಆಫ್ ಪ್ಯಾರೀಸ್ (ಪಿಒಪಿ)ನಿಂದ ನಿರ್ವಿುತವಾದ ಮೂರ್ತಿಗಳನ್ನು ಭಾರತದಿಂದ ಅಮದು ಮಾಡಿಕೊಳ್ಳಲಾಗುತ್ತಿದೆ. ಆದರೆ, ಇತ್ತೀಚಿನ ದಿನಗಳಲ್ಲಿ ಅವುಗಳ ಬೇಡಿಕೆ ಕಡಿಮೆಯಾಗುತ್ತಿರುವುದು ಸ್ಪಷ್ಟ. ಜನರು ಅವೆ ಮಣ್ಣಿನ ಮೂರ್ತಿಗಳನ್ನು ಹೆಚ್ಚು ಇಷ್ಟಪಡುತ್ತಿದ್ದಾರೆ. ಇದಕ್ಕೆ ಮುಖ್ಯ ಕಾರಣ ಪಿಒಪಿ ಮೂರ್ತಿಗಳನ್ನು ವಿಸರ್ಜಿಸಲು ಸಮರ್ಪಕ ವ್ಯವಸ್ಥೆಗಳಿಲ್ಲದಿರುವುದು. ಸಾರ್ವಜನಿಕ ಕೆರೆಗಳಲ್ಲಿ ದೊಡ್ಡ ಪಿಒಪಿ ಮೂರ್ತಿಗಳನ್ನು ವಿಸರ್ಜಿಸಲು ಅನುಮತಿ ನೀಡಲಾಗುತ್ತದೆ. ಅದೇ ಹೊತ್ತಲ್ಲಿ ಸ್ಥಳೀಯಾಡಳಿತ ಸಂಸ್ಥೆಗಳು ಅವುಗಳನ್ನು ಹೊರತೆಗೆದು ಕೆರೆಗಳಿಗೆ ಹಾನಿಯಾಗದಂತೆ ಎಚ್ಚರಿಕೆ ಪ್ರಕ್ರಿಯೆಯನ್ನು ನಿರ್ವಹಿಸುತ್ತವೆ. ಈ ಹಂತದಲ್ಲಿ ಮೂರ್ತಿಗಳು ವಿಕಾರಗೊಳ್ಳುತ್ತವೆ. ಅಲ್ಲದೆ ವಿಸರ್ಜಿತ ವಿಗ್ರಹಗಳನ್ನು ಹೊರತೆಗೆಯುವುದು ಭಾವನಾತ್ಮಕವಾಗಿ ಸರಿಯಲ್ಲ ಎಂಬ ಕಾರಣ ಜನರು ಈಗ ಪರ್ಯಾಯ ಮಾರ್ಗಗಳತ್ತ ಮುಖ ಮಾಡಿದ್ದಾರೆ. ಬಹಳಷ್ಟು ಕಡೆ ಮನೆಗಳಲ್ಲೇ ಬಕೆಟ್​ಗಳಲ್ಲಿ ವಿಸರ್ಜನೆ ಮಾಡುತ್ತಾರೆ.

ಸುಮಾರು 21 ಡಾಲರ್​ನಿಂದ 250 ಡಾಲರ್​ವರೆಗೆ ತರಹೇವಾರಿ ಮೂರ್ತಿಗಳು ಇಲ್ಲಿ ಲಭ್ಯವಿದೆ. ವರ್ಷದಿಂದ ವರ್ಷಕ್ಕೆ ಬೇಡಿಕೆ ಹೆಚ್ಚುತ್ತಿರುವುದು ವಿದೇಶದಲ್ಲೂ ಭಾರತೀಯರು ತವರು ಸಂಸ್ಕೃತಿ ಮರೆತಿಲ್ಲ ಎನ್ನುವುದಕ್ಕೆ ಸಾಕ್ಷಿ.

Leave a Reply

Your email address will not be published. Required fields are marked *

Back To Top