Tuesday, 25th September 2018  

Vijayavani

ಬಗರ್​ಹುಕುಂ ಭೂಮಿ ಪರಭಾರೆ ಆರೋಪ- ಮಾಜಿ ಡಿಸಿಎಂ ಆರ್. ಅಶೋಕ್​​ ಅರ್ಜಿ ವಜಾ, ಎಸಿಬಿ ತನಿಖೆಗೆ ಹೈಕೋರ್ಟ್ ಅಸ್ತು        ಪುಟ್ಟರಂಗ ಶೆಟ್ಟಿ ನನ್ನನ್ನು ಮಂತ್ರಿ ಮಾಡಿಲ್ಲ- ಕಾಂಗ್ರೆಸ್ ಗುರಿಯಾಗಿಸಿ ನಾನು ಹೇಳಿಲ್ಲ- ಎನ್​​.ಮಹೇಶ್ ತಿರುಗೇಟು        ಶಸ್ತ್ರಚಿಕಿತ್ಸೆ ಬಳಿಕ ದರ್ಶನ್ ಮೊದಲ ದರ್ಶನ- ಆಕ್ಸಿಡೆಂಟ್​ ಕೇಸಲ್ಲಿ ಬಲಿಪಶುವಾದ್ರಾ ಆಂಥೋಣಿ..?- ಅಪಘಾತಕ್ಕೂ ಮುನ್ನ ಪಾರ್ಟಿ        ಹಾಸನದಲ್ಲಿ ಮುಸ್ಲಿಂ ಯುವತಿ ಪ್ರೇಮ - ನಿನಗಿಷ್ಟ ಬಂದವರ ಕಡೆ ಹೋಗುವಂತೆ ಕೋರ್ಟ್​ ತೀರ್ಪು- ಹುಡುಗನ ಬಳಿ ಕಳಿಸದೆ ಹೈಡ್ರಾಮಾ        ನವೆಂಬರ್​​ನಲ್ಲಿ ಮತ್ತೆ ಸನ್ನಿ ಶೋಗೆ ಸಿದ್ಧತೆ- ಕನ್ನಡಪರ ಸಂಘಟನೆಗಳಿಂದ ವಿರೋಧ- ಬೆಂಗಳೂರಿಗೆ ಬರದಂತೆ ಪ್ರತಿಭಟನೆಗೆ ನಿರ್ಧಾರ        ಹ್ಯಾರೀಸ್ ಪುತ್ರ ನಲಪಾಡ್ ಈಗ ಬಾಸ್- ಎರಡು ಮುಕ್ಕಾಲು ಲಕ್ಷ ಕೊಟ್ಟು 8055 ನಂಬರ್ ಖರೀದಿ-  ದಿಗ್ವಿಜಯ ನ್ಯೂಸ್ ಎಕ್ಸ್​ಕ್ಲೂಸಿವ್       
Breaking News

ಅಮಾನವೀಯ ಪದ್ಧತಿ ನಿಲ್ಲಲಿ

Monday, 08.01.2018, 3:03 AM       No Comments

ಒಂದೆಡೆ ಮಾಹಿತಿ-ತಂತ್ರಜ್ಞಾನದ ಭರಾಟೆ, ಮತ್ತೊಂದೆಡೆ ತ್ಯಾಜ್ಯ ಘಟಕ ಶುಚಿಗೊಳಿಸಲು ಮಾನವರನ್ನೇ ಗುಂಡಿಗೆ ಇಳಿಸುತ್ತಿರುವ ದುರಂತ. ರಾಜ್ಯದಲ್ಲಿ ಈ ಹಿಂದೆ ಹಲವು ಅವಘಡಗಳು ಸಂಭವಿಸಿದರೂ ಸರ್ಕಾರ ಎಚ್ಚೆತ್ತುಕೊಳ್ಳದ ಪರಿಣಾಮ ಭಾನುವಾರ ರಾಜಧಾನಿ ಬೆಂಗಳೂರು ಮತ್ತೊಂದು ಅಮಾನವೀಯ ಘಟನೆಗೆ ಸಾಕ್ಷಿಯಾಯಿತು. ತ್ಯಾಜ್ಯ ಸಂಸ್ಕರಣ ಘಟಕ ಶುಚಿಗೊಳಿಸಲು ಇಳಿದಿದ್ದ ಮೂವರು ಕಾರ್ವಿುಕರು ಉಸಿರುಗಟ್ಟಿ ದುರ್ಮರಣಕ್ಕೀಡಾದ ಘಟನೆ ಎಚ್​ಎಸ್​ಆರ್ ಲೇಔಟ್ ಸಮೀಪದ ಬಂಡೇಪಾಳ್ಯದ ಎನ್​ಡಿ ಸಫೆಲ್ ಅಪಾರ್ಟ್​ವೆುಂಟ್​ನಲ್ಲಿ ನಡೆದಿದೆ.

ಮಲಗುಂಡಿ ಸ್ವಚ್ಛತೆಗೆ ವಿಶೇಷ ಯಂತ್ರಗಳು ಬಂದಿರುವ ಈ ಯಾಂತ್ರಿಕ ಯುಗದಲ್ಲೂ ಸರ್ಕಾರದ ನಿರ್ಲಕ್ಷ್ಯ, ಕಠಿಣ ಕಾನೂನಿನ ಕೊರತೆಯಿಂದಾಗಿ ಕೇವಲ 250-400 ರೂ.ಗಳಿಗೆ ಮನುಷ್ಯ ಜೀವ ಮಲದ ಗುಂಡಿಗೆ ಬಲಿಯಾಗುತ್ತಿರುವುದು ನಿಜಕ್ಕೂ ದುರದೃಷ್ಟಕರ. ಮಲ ಹೊರುವ ಪದ್ಧತಿ ವಿರುದ್ಧ ಈ ಹಿಂದೆ ನ್ಯಾಯಾಲಯವೂ ಚಾಟಿಯೇಟು ಬೀಸಿದ್ದರೂ ಸರ್ಕಾರ ಮತ್ತು ಅಧಿಕಾರಿಗಳು ಎಚ್ಚೆತ್ತುಕೊಂಡಿಲ್ಲ ಎಂಬುದು ಕರಾಳ ವಾಸ್ತವ. ಎಲ್ಲ ಅಭಿವೃದ್ಧಿ ಕಾಮಗಾರಿಗಳು ಯಂತ್ರಗಳ ಸಹಾಯದಿಂದ ನಡೆಯುತ್ತಿರುವುದು ಗೊತ್ತೇ ಇದೆ. ಹೀಗಿರುವಾಗ ಮಲಗುಂಡಿ ಸ್ವಚ್ಛತೆ ವಿಷಯದಲ್ಲಿ ಯಂತ್ರಗಳ ಬಳಕೆಗೆ ಸರ್ಕಾರ ಹಿಂದೇಟು ಹಾಕಲು ಕಾರಣವೇನು? ಸ್ಥಳೀಯ ಸಂಸ್ಥೆಗಳಿಗೆ ಇಂಥ ಯಂತ್ರಗಳ ಖರೀದಿಗೆ ಸರ್ಕಾರವೇ ಸೂಕ್ತ ಅನುದಾನ ನೀಡಿದರೆ ಸಮಸ್ಯೆ ಇರುವುದಿಲ್ಲ. ಆದರೆ, ಇಚ್ಛಾಶಕ್ತಿಯ ಕೊರತೆಯಿಂದ ಕಾರ್ವಿುಕರ ಜೀವಗಳು ಬಲಿಯಾಗುತ್ತಿರುವುದು ಖಂಡನೀಯ.

ಸಮಸ್ಯೆಯ ವಾಸ್ತವ ಸ್ವರೂಪವನ್ನು ಅರಿತು ಅದರ ಪರಿಹಾರಕ್ಕೆ ಮುಂದಾಗುವುದನ್ನು ಬಿಟ್ಟು ‘ರಾಜ್ಯಾದ್ಯಂತ ಮಲಹೊರುವ ಪದ್ಧತಿ ಇಳಿಮುಖವಾಗುತ್ತಿದೆ’ ಎಂದು ಪಂಚಾಯತ್ ಅಭಿವೃದ್ಧಿ ಅಧಿಕಾರಿಗಳೇ ಸರ್ಕಾರಕ್ಕೆ ವರದಿ ನೀಡಿ, ದಿಕ್ಕು ತಪ್ಪಿಸುವ ಕೆಲಸ ಮಾಡಿರುವುದು ಇದೇ ಸಂದರ್ಭದಲ್ಲಿ ಬೆಳಕಿಗೆ ಬಂದಿದೆ. 2011ರ ಸಾಮಾಜಿಕ ಆರ್ಥಿಕ ಮತ್ತು ಜಾತಿ ಜನಗಣತಿ ಪ್ರಕಾರ ರಾಜ್ಯದಲ್ಲಿ 15,375 ರಷ್ಟಿದ್ದ ಮಲಹೊರುವ ಕಾರ್ವಿುಕರ ಸಂಖ್ಯೆ ಈಗ ಸರ್ಕಾರ ನಡೆಸಿದ ಸಮೀಕ್ಷಾ ವರದಿಯಲ್ಲಿ ದಿಢೀರನೆ 427ಕ್ಕೆ ಇಳಿದಿದೆ! ವಾಸ್ತವದಲ್ಲಿ ಮಲಹೊರುವ ಕಾರ್ವಿುಕರ ಸಂಖ್ಯೆ ಕಡಿಮೆಯಾಗಿದ್ದರೆ, ಈ ಅಮಾನವೀಯ ಪದ್ಧತಿ ಕೊನೆಗೊಳ್ಳುತ್ತಿದೆ ಎಂದು ಸಮಾಧಾನ ಪಟ್ಟುಕೊಳ್ಳಬಹುದಿತ್ತು. ಆದರೆ, ಸತ್ಯಾಂಶ ಬೇರೇಯೇ ಇದೆ. ರಾಜಧಾನಿ ಬೆಂಗಳೂರು ಸೇರಿದಂತೆ 12 ಜಿಲ್ಲೆ, ಹತ್ತಾರು ತಾಲೂಕುಗಳಲ್ಲಿ ಮಲಹೊರುವ ಪದ್ಧತಿ ಇಂದಿಗೂ ಜೀವಂತವಾಗಿದೆ.

ಗುಜರಾತ್, ಹರಿಯಾಣ್, ಮಹಾರಾಷ್ಟ್ರ ಸೇರಿದಂತೆ ಹಲವು ರಾಜ್ಯಗಳು ತ್ಯಾಜ್ಯ ಸಂಸ್ಕರಣಾ ಘಟಕಗಳ ಸ್ವಚ್ಛತೆಗೆ ಸಂಪೂರ್ಣವಾಗಿ ಯಂತ್ರಗಳನ್ನೇ ಅವಲಂಬಿಸಿವೆ ಎಂಬುದು ಗಮನಿಸಬೇಕಾದ ಸಂಗತಿ. ಮಾಹಿತಿ-ತಂತ್ರಜ್ಞಾನ ರಂಗದಲ್ಲಿ ಸಾಧನೆ ಮಾಡಿರುವ ಕರ್ನಾಟಕದಲ್ಲಿ ಇಂಥ ಯಂತ್ರಗಳ ಅಳವಡಿಕೆ ಕಷ್ಟವೇನಲ್ಲ. ಆದರೆ, ಸರ್ಕಾರ ಈ ವಿಷಯದಲ್ಲಿ ಏಕೆ ಕಣ್ತೆರೆಯುತ್ತಿಲ್ಲ ಎಂಬುದು ಅರ್ಥವಾಗದ ಸಂಗತಿ. ಇನ್ನೆಷ್ಟು ಕಾರ್ವಿುಕರು ಇಂಥ ದುರಂತಗಳಿಗೆ ಜೀವ ಬಲಿಕೊಡಬೇಕು? ಬೇರೆ ರಾಜ್ಯಗಳಿಂದ, ಊರುಗಳಿಂದ ಬಂದ ಕಾರ್ವಿುಕರು ಕೆಲವೇ ಗಂಟೆಗಳಲ್ಲಿ ಮ್ಯಾನ್​ಹೋಲ್ ಸ್ವಚ್ಛಗೊಳಿಸಿ ದಿನದ ಕೂಲಿ ಪಡೆಯಬಹುದು ಎಂಬ ಆಸೆಯಿಂದ ಇಂಥ ಕೆಲಸಕ್ಕೆ ಮುಂದಾಗುತ್ತಾರೆ. ಆದರೆ, ಯಾವುದೇ ಸುರಕ್ಷತಾ ಕ್ರಮಗಳು ಅಳವಡಿಸಿಕೊಳ್ಳುವುದಿಲ್ಲ. ಈ ಬಗ್ಗೆ ಜನರಲ್ಲೂ ಜಾಗೃತಿ ಮೂಡಿಸಬೇಕಿದೆ. ಕಾರ್ವಿುಕರ ಮೂಲಕ ಇಂಥ ಕೆಲಸ ಮಾಡಿಸುವುದು ತಪು್ಪ ಎಂಬ ಅರಿವು ಬಿತ್ತಬೇಕಿದೆ. ಒಟ್ಟಾರೆ, ಮಲಹೊರುವ ಪದ್ಧತಿ ಅಂತ್ಯಗೊಳಿಸಲು ಅಗತ್ಯವಿರುವ ಎಲ್ಲ ಕ್ರಮಗಳನ್ನು ಸರ್ಕಾರ ಸಮರೋಪಾದಿಯಲ್ಲಿ ಕೈಗೊಂಡು, ಮತ್ತೊಮ್ಮೆ ಬೆಂಗಳೂರಿನಂಥ ಪ್ರಕರಣಗಳು ಮರುಕಳಿಸದಂತೆ ಎಚ್ಚರ ವಹಿಸಬೇಕು.

Leave a Reply

Your email address will not be published. Required fields are marked *

Back To Top