Wednesday, 17th October 2018  

Vijayavani

ಕಾವೇರಿ ತೀರ್ಥೋದ್ಭವಕ್ಕೆ ಕ್ಷಣಗಣನೆ -  ಸಂಜೆ 6.15ರಿಂದ 6.45ರೊಳಗೆ ಉಕ್ಕಿಹರಿಯಲಿದೆ ಜೀವನದಿ ಕಾವೇರಿ        ಪವಿತ್ರ ತೀರ್ಥಕ್ಕಾಗಿ ಹರಿದು ಬಂದಿದೆ ಭಕ್ತರ ದಂಡು - ತಲಕಾವೇರಿಯಲ್ಲಿ ಬಿಗಿ ಬಂದೋಬಸ್ತ್​ - ಸಿಎಂ ಕುಮಾರಸ್ವಾಮಿ ಉಪಸ್ಥಿತಿ        ನಿಗದಿಯಂತೆ ಬಾಗಿಲು ತೆರೆದ ಅಯ್ಯಪ್ಪ ದೇಗುಲ - ಮಹಿಳಾ ಭಕ್ತರಿಗೆ ಸಿಗಲೇ ಇಲ್ಲ ಮಣಿಕಂಠನ ದರ್ಶನ        ಶಬರಿಮಲೆಯಲ್ಲಿ ಭಾರೀ ಹಿಂಸಾಚಾರ ಹಿನ್ನೆಲೆ - ಪಂಪಾ, ನೀಲಕ್ಕಲ್ ಸೇರಿ 4 ಕಡೆ ನಿಷೇಧಾಜ್ಞೆ ಜಾರಿ - 144 ಸೆಕ್ಷನ್ ಆದೇಶ        ಮೀಟೂ ಅಭಿಯಾನಕ್ಕೆ ಮೊದಲ ವಿಕೆಟ್‌ ಪತನ - ಕೇಂದ್ರ ಸಚಿವ ಸ್ಥಾನಕ್ಕೆ ಅಕ್ಬರ್‌ ರಾಜೀನಾಮೆ       
Breaking News

ಅಭಿಮಾನಿ ಹುಚ್ಚಾಟ

Wednesday, 15.11.2017, 3:01 AM       No Comments

ಸಿನಿಮಾದಲ್ಲಿ ನೋಡಿದ ಸಾಹಸವನ್ನು ರಿಯಲ್ ಲೈಫ್​ನಲ್ಲಿ ಮಾಡಲು ಹೋದರೆ ಏನಾಗಬಹುದು? ಅದರಲ್ಲೂ ‘ಬಾಹುಬಲಿ’ ರೀತಿಯ ಚಿತ್ರಗಳಲ್ಲಿನ ಭಾರಿ ಸಾಹಸವನ್ನು ಮಾಡಲು ಅಭಿಮಾನಿಗಳು ಮುಂದಾದರೆ ಮೂಳೆ ಮುರಿದುಕೊಳ್ಳುವುದು ಗ್ಯಾರಂಟಿ. ಕೇರಳದಲ್ಲಿ ಅಕ್ಷರಶಃ ಹಾಗೆಯೇ ಆಗಿದೆ.

‘ಬಾಹುಬಲಿ’ ಚಿತ್ರದಲ್ಲಿ ಮದಗಜವನ್ನು ನಾಯಕ ತನ್ನ ನಿಯಂತ್ರಣಕ್ಕೆ ತೆಗೆದುಕೊಳ್ಳುವ ದೃಶ್ಯದಲ್ಲಿ ಪ್ರಭಾಸ್ ಸಾಹಸ ಮೆರೆದಿದ್ದರು. ಅದರಿಂದ ಸ್ಪೂರ್ತಿಗೊಂಡ ಕೇರಳದ 25ರ ಹರೆಯದ ಯುವಕನೋರ್ವ ಅದೇ ದೃಶ್ಯವನ್ನು ಫೇಸ್​ಬುಕ್ ಲೈವ್​ನಲ್ಲಿ ಮಾಡುವ ಉತ್ಸಾಹ ತೋರಿದ್ದಾನೆ. ಪ್ರಾರಂಭದಲ್ಲಿ ಆನೆಗೆ ಕೆಲವು ಬಾಳೆ ಹಣ್ಣುಗಳನ್ನು ತಿನಿಸುವ ಮೂಲಕ ಸ್ನೇಹ ಬೆಳೆಸಿಕೊಂಡ ಆತ, ನಂತರ ಇನ್ನೂ ಸಮೀಪಕ್ಕೆ ಹೋಗಿ ಸೊಂಡಿಲಿಗೆ ಮುತ್ತಿಕ್ಕಿದ್ದಾನೆ. ಇನ್ನೇನು ಪ್ರಭಾಸ್ ರೀತಿಯೇ ಸೊಂಡಿಲ ಮೇಲೆ ಕಾಲಿಟ್ಟು ಹತ್ತಲು ಪ್ರಯತ್ನಿದಾಗ ಆನೆಗೆ ವಿಪರೀತ ಕೋಪ ಬಂದಿದೆ. ಕೂಡಲೇ ಆತನನ್ನು ಸೊಂಡಿಲಿನಿಂದ ನೂಕಿದೆ. ಪರಿಣಾಮ, ಹಲವು ಅಡಿಗಳಷ್ಟು ದೂರಕ್ಕೆ ಹೋಗಿ ಬಿದ್ದ ಯುವಕನಿಗೆ ಜ್ಞಾನ ತಪ್ಪಿದೆ. ಕುತ್ತಿಗೆಗೆ ಬಲವಾದ ಪೆಟ್ಟು ಕೂಡ ಬಿದ್ದಿದೆ. ಸದ್ಯ ಆತ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನಂತೆ. ಅವನ ಹುಚ್ಚು ಸಾಹಸದ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. -ಏಜೆನ್ಸೀಸ್

Leave a Reply

Your email address will not be published. Required fields are marked *

Back To Top