Sunday, 21st October 2018  

Vijayavani

ಅರ್ಜುನ್‌ ಸರ್ಜಾಕಡೆಯಿಂದ ಬೆದರಿಕೆ ಕರೆ - ಕಾನೂನು ಹೋರಾಟದ ಬಗ್ಗೆ ದಾಖಲೆ ಸಂಗ್ರಹ - ಸುದ್ದಿಗೋಷ್ಠಿಯಲ್ಲಿ ಶ್ರುತಿ ಗಂಭೀರ ಆರೋಪ        ಭಾವೈಕ್ಯತೆ ಶ್ರೀಗಳಿಗೆ ಕಣ್ಣೀರ ವಿದಾಯ - ಕ್ರಿಯಾಸಮಾಧಿಯಲ್ಲಿ ಸಿದ್ದಲಿಂಗ ಶ್ರೀ ಲೀನ - ಭಕ್ತಸಾಗರದಿಂದ ತೋಂಟದಾರ್ಯರಿಗೆ ಅಂತಿಮ ನಮನ        ಡಿಕೆಶಿ ಶೋ ಮಾಡೋದು ಬಿಡ್ಬೇಕು - ಪಕ್ಷದ ಪರ ಕೆಲಸ ಮಾಡ್ಬೇಕು - ಬಳ್ಳಾರಿ ಪ್ರಚಾರದಲ್ಲಿ ಬಯಲಾಯ್ತು ಜಾರಕಿಹೊಳಿ ಸಿಟ್ಟು        ಸಿಎಂ ಎಚ್‌ಡಿಕೆ ಮತ್ತೆ ಟೆಂಪಲ್‌ರನ್‌ - ಶಕ್ತಿ ದೇವತೆ ಸನ್ನಿಧಿಗೆ ಕುಮಾರಸ್ವಾಮಿ - ಮಹಾರಾಷ್ಟ್ರದ ತುಳಜಾ ಭವಾನಿ ದೇಗುಲಕ್ಕೆ ಭೇಟಿ        ಶಿರಡಿ ಸಾಯಿ ಸಮಾಧಿ ಶತಮಾನೋತ್ಸವ ಹಿನ್ನೆಲೆ - ಸಾಯಿ ಸನ್ನಿಧಿಗೆ ಭಕ್ತ ಸಾಗರ - ನಾಲ್ಕು ದಿನದಲ್ಲಿ 5 ಕೋಟಿ ರೂಪಾಯಿ ಕಾಣಿಕೆ        ರೋಡ್ ರೋಲರ್​ನ್ನೂ ಬಿಡದ ಕಳ್ಳರು - ವರ್ತೂರು ಬಳಿ ನಿಲ್ಲಿಸಿ ಎಸ್ಕೇಪ್ ಆದ ಚೋರರು - ಬ್ಯಾಟರಾಯನಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ       
Breaking News

ಅತೃಪ್ತ ಪ್ರಾಣಿಗಳ ಸಂಚಾರ

Sunday, 10.06.2018, 3:05 AM       No Comments

ಕಾಡುವ ಶಾಸಕರಿಗೆ ಕಾಡುಪ್ರಾಣಿಗಳೇ ದಾರಿ ತೋರುತ್ತಿವೆಯಂತೆ. ಹಳಿಯಾಳದಲ್ಲಿ ಆನೆಯೊಂದು ಬೀದಿಬೀದಿಯಲ್ಲಿ ತಿರುಗುತ್ತಿತ್ತು. ಏಕೆಂದು ಕೇಳಿದರೆ, ‘ಈ ಬಿಳಿಯಾನೆಗಳಿಗೆ ಬುದ್ಧಿಯೇ ಇಲ್ಲ. ಎತ್ತುಗಳಲ್ಲಿ ಎರಡು ವಿಧ ಇದೆ. ಒಂದು ನಗರದ ಎತ್ತು. ಇನ್ನೊಂದು ಗಾಣದ ಎತ್ತು. ಗಾಣದ ಎತ್ತಿನ ಹಗ್ಗ ಬಿಚ್ಚಿ ಓಡಾಡಿಕೊಂಡು ಇರಲು ಬಿಟ್ಟರೂ ಅದೂ ದಿನವೂ ಸುತ್ತೀ ಸುತ್ತೀ ಅಭ್ಯಾಸವಾದ ಗಾಣದ ಸುತ್ತಲೇ ಸುತ್ತುತ್ತಿರುತ್ತದೆ. ಆದರೆ ನಗರದ ಎತ್ತು ಹಗ್ಗ ಬಿಚ್ಚಿದರೆ ಸಾಕೆಂದು ಕಾಯುತ್ತಿದ್ದು ಊರೆಲ್ಲ ಸುತ್ತಿಕೊಂಡು ಬರುತ್ತದೆ. ನಗರದ ಎತ್ತಿಗೆ ಇರುವ ಬುದ್ದಿ ರೆಸಾರ್ಟ್​ನಿಂದ ಹೊರಬಂದ ಶಾಸಕರಿಗಿಲ್ಲ. ಇನ್ನೂ ಕುಳಿತಲ್ಲೇ ಕುಳಿತಿರುವ ಈ ಬಿಳಿಯಾನೆಗಳಿಗೆ ‘ಹೊರಡಿರೈ, ನಿಮ್ಮಾಸೆಯವಕಾಶ, ನಿಮ್ಮ ಕಬಳಿಕೆ ಬುದ್ದಿಗನುಗುಣವಾದುದನ್ನು ನೀಡಲು ಕಮಲದ ದಂಟಿನವರು ಕರೆಯುತ್ತಿದ್ದಾರೆ’ ಎಂದು ಹೇಳಲು ನಾನೇ ಕಾಡಿನಿಂದ ಹೊರಬಂದೆ’ ಎಂದಿತಂತೆ. ಇತ್ತ ಹಾಸನದಲ್ಲಿ ಚಿರತೆಯೊಂದು ಮನೆಗೆ ನುಗ್ಗಿಬಂದು ಬೋನಿಗೆ ಸೇರಿತು. ‘ಏಕಯ್ಯ ಚಿರತಣ್ಣ?’ ಎಂದರೆ ‘ನಾನು ಅತೃಪ್ತ ಶಾಸಕರ ಪ್ರತಿರೂಪ. ಮನೆಗೆ ಹೋದುದು ವಿಧಾನಸೌಧಕ್ಕೆ ಹೋದುದುರ ಸಂಕೇತ. ಅಲ್ಲಿ ಜಾಗ ನೀಡದೆ ಬೋನಿನಲ್ಲಿ ಯಾಕಿರುವುದು ಪಕ್ಷ ನಿಷ್ಠೆ, ತ್ಯಾಗ ಮುಂತಾದ ಯೂಸ್​ಲೆಸ್ ಪದಗಳ ಬೋನು’ ಎಂದಿತಂತೆ. ಆನೆ, ಚಿರತೆಗಳೇ ಬರಲು ಕಾರಣವೇನು? ಎಂದರೆ ‘ಸ್ಟುಪಿಡ್ ಮಂಗಗಳು ಬಂಡಿಪುರದ ಮಂಗಗಳಂತೆ ಅವರಿವರು ಕೊಡುವ ಆಹಾರಕ್ಕೆ ಕೈಚಾಚಿ ನಿಂತಿವೆ. ಟೊಂಗೆಯಿಂದ ಟೊಂಗೆಗೆ ಹಾರಿ ನಿಮ್ಮ ಹಸಿವನ್ನು ಇಂಗಿಸಿಕೊಳ್ಳಿ, ಮನದಿಚ್ಛೆಯನ್ನು ಪೂರೈಸಿಕೊಳ್ಳಿ. ಇದೇ ಎಡೆಯೂರುವುದಕ್ಕೆ ಮಾರ್ಗ ಎಂದು ತಿಳಿಸಲು ಬಂದೆವು’ ಎಂದಿತಂತೆ. ಮೃಗೀಯರಿಗೆ ಮೃಗಸಂಧಾನ ಫಲ ನೀಡಿದರೂ ನೀಡಬಹುದೇನೋ!

ಲಾಸ್ಟ್​ಲೈನ್: 8ನೇ ಕ್ಲಾಸ್ ಓದಿದವರಿಗೆ ಉನ್ನತ ಶಿಕ್ಷಣ ಖಾತೆ ನೀಡಿದರೆ ಆ ಇಲಾಖೆಯನ್ನು ಉನ್ಮುಕ್ತ ಶಿಕ್ಷಣ ಇಲಾಖೆ ಎನ್ನುವುದೇ ಸೂಕ್ತವಾದೀತೇನೋ!

Leave a Reply

Your email address will not be published. Required fields are marked *

Back To Top