Sunday, 15th July 2018  

Vijayavani

ಬಾಲಕನ ವಿಡಿಯೋ ಹಿಂದೆ ಬಿಜೆಪಿ ಕೈವಾಡ ಆರೋಪ - ವಿಡಿಯೋ ತನಿಖೆಗೆ ಸದಾನಂದಗೌಡ ಆಗ್ರಹ - ರಾಜಕಾರಣಿಗಳ ಆಟಕ್ಕೆ ಕೊಡವರ ಆಕ್ರೋಶ        26 ವರ್ಷ ಲಿಂಗಾಯತರೇ ರಾಜ್ಯ ಆಳಿದ್ದಾರೆ - ಕುಮಾರಸ್ವಾಮಿ ಸಿಎಂ ಆಗಿ 2 ತಿಂಗಳಾಗಿದೆ - ಉತ್ತರ ಕರ್ನಾಟಕ ನಿರ್ಲಕ್ಷ್ಯ ಆರೋಪಕ್ಕೆ ದೇವೇಗೌಡ ತಿರುಗೇಟು        ಕೊನೆಗೂ ಶಿರಾಡಿ ಘಾಟ್‌ ಲೋಕಾರ್ಪಣೆ - ವಾಸ್ತು ಪ್ರಕಾರ ರೇವಣ್ಣ ಉದ್ಘಾಟನೆ - ರಾಷ್ಟ್ರೀಯ ಹೆದ್ದಾರಿ ಸಂಚಾರಕ್ಕೆ ಮುಕ್ತ        ಮಟನ್ ಬಿರಿಯಾನಿ, ಚಿಕನ್ ಚಾಪ್ಸ್, ಬೋಟಿ ಗೊಜ್ಜು, ಮೊಟ್ಟೆ - 25 ಸಾವಿರ ಮಂದಿಗೆ ಭರ್ಜರಿ ಬಾಡೂಟ - ಚಾಮುಂಡೇಶ್ವರಿ ಕ್ಷೇತ್ರದ ಜನರಿಗೆ ಜಿಟಿಡಿ ಕೃತಜ್ಞತೆ        ಒಂದು ದೇಶ ಒಂದೇ ಚುನಾವಣೆ - ಮೋದಿ ಪರಿಕಲ್ಪನೆಗೆ ಸೂಪರ್‌ಸ್ಟಾರ್‌ ಬೆಂಬಲ - ಹಣ, ಸಮಯ ಉಳಿತಾಯ ಎಂದ ರಜನಿ        ಉಕ್ಕಿಹರಿಯುತ್ತಿರೋ ಕೃಷ್ಣೆ - ಬೆಳಗಾವಿ, ಚಿಕ್ಕೋಡಿ ಭಾಗದಲ್ಲಿ ಪ್ರವಾಹ ಪರಿಸ್ಥಿತಿ - ಇತ್ತ ತಮಿಳುನಾಡಿನಲ್ಲಿ ಕಾವೇರಿ ಭೋರ್ಗರೆತ       
Breaking News

ಅಡ್ಡಾದಿಡ್ಡಿ ಅಭಿವೃದ್ಧಿಗೆ ನಮ್ಮ ಮೆಟ್ರೋ ತಡೆ

Saturday, 23.06.2018, 3:02 AM       No Comments

ರಾಜ್ಯ ರಾಜಧಾನಿಯ ಅಡ್ಡಾದಿಡ್ಡಿ ಬೆಳವಣಿಗೆಗೆ ಕಡಿವಾಣ ಹಾಕುವ ರೀತಿಯಲ್ಲೇ ನಮ್ಮ ಮೆಟ್ರೋ 3ನೇ ಹಂತ ಸಿದ್ಧಗೊಂಡಿದ್ದು, ಮುಂಬರುವ ದಿನಗಳಲ್ಲಿ ವರ್ತಲಾಕಾರದಲ್ಲಿ ಇಡೀ ನಗರದ ಹೊರವಲಯವನ್ನು ಮೆಟ್ರೋ ಸಂರ್ಪಸಲಿದೆ.

| ಅಭಿಲಾಷ್ ಪಿಲಿಕೂಡ್ಲು

ಬೆಂಗಳೂರು: ಬೆಂಗಳೂರು ನಗರ ಸೂಕ್ತ ಸ್ವರೂಪವಿಲ್ಲದೆ ಮಿತಿಮೀರಿ ಬೆಳೆದುಬಿಟ್ಟಿದೆ. ಇದೇ ಕಾರಣದಿಂದಾಗಿ ಮೂಲಸೌಕರ್ಯ ಕೊರತೆ, ಟ್ರಾಫಿಕ್ ಸಮಸ್ಯೆ ದಿನನಿತ್ಯದ ಸಮಸ್ಯೆಯಾಗಿದೆ. ಒಮ್ಮೆ ತಪ್ಪಾಗಿ ಹೆಜ್ಜೆಯಿರಿಸಿಯಾಗಿದೆ. ಮುಂದೆ ಇಂತಹ ಮಾರಕ ಅಭಿವೃದ್ಧಿಗೆ ಕಡಿವಾಣ ಹಾಕುವ ದೃಷ್ಟಿಯಿಂದ ನಗರಾಭಿವೃದ್ಧಿ ಇಲಾಖೆ ನಮ್ಮ ಮೆಟ್ರೋ 3ನೇ ಹಂತವನ್ನು ಸಿದ್ಧಪಡಿಸಿದೆ.

2018-19ನೇ ಸಾಲಿನ ಬಜೆಟ್​ನಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ನಮ್ಮ ಮೆಟ್ರೋದ 3ನೇ ಹಂತದ ನೀಲಿನಕ್ಷೆ ಪ್ರಕಟಿಸಿದ್ದಾರೆ. ರಾಜಧಾನಿಯ ಟ್ರಾಫಿಕ್ ಸಮಸ್ಯೆ ಪರಿಹಾರಕ್ಕೆ ಶಾಶ್ವತ ಪರಿಹಾರ ಕಂಡುಹಿಡಿಯುವ ನಿಟ್ಟಿನಲ್ಲಿ ಮೆಟ್ರೋ ಜಾಲ ಮತ್ತಷ್ಟು ವಿಸ್ತರಣೆಯಾಗಲಿದ್ದು, ಬಹುತೇಕ ಪ್ರದೇಶಗಳಿಗೆ 3ನೇ ಹಂತದಲ್ಲಿ ಮೆಟ್ರೋ ಸಂಪರ್ಕ ಸಿಗಲಿದೆ. ಟ್ರಾಫಿಕ್ ಸಮಸ್ಯೆ ಮಾತ್ರವಲ್ಲದೆ ನಗರದ ಸುಸ್ಥಿರ ಹಾಗೂ ವ್ಯವಸ್ಥಿತ ಬೆಳವಣಿಗೆಗೂ ಸಹಕಾರಿಯಾಗುವಂತೆ ಮೆಟ್ರೋ ಸಾಗಲಿದೆ.

ಹೊರವಲಯದತ್ತ ದೃಷ್ಟಿ: ನಗರದ ಕೇಂದ್ರ ಪ್ರದೇಶದಲ್ಲಿ ಅಭಿವೃದ್ಧಿಗಿನ್ನು ಸ್ಥಳವೇ ಇಲ್ಲದಂತಾಗಿದೆ. ಜತೆಯಲ್ಲಿ ಲಭ್ಯವಿರುವ ಜಾಗದಲ್ಲಿ ನಿರ್ವಣವಾಗಿರುವ ಫ್ಲ್ಯಾಟ್ ಮತ್ತು ಪ್ರಾಪರ್ಟಿಗಳು ಕೋಟಿ ರೂಪಾಯಿ ಮೀರುತ್ತಿದ್ದು, ಕೈಗಟುಕದ ಸ್ಥಿತಿ ನಿರ್ವಣವಾಗಿದೆ. ಹೀಗಾಗಿ ನಗರದ ಹೊರವಲಯಗಳೇ ಪ್ರಸ್ತುತ ಹೆಚ್ಚಿನ ಬೇಡಿಕೆಯ ಸ್ಥಳವಾಗಿದೆ. ಕೈಗೆಟಕುವ ದರದಲ್ಲಿ ನಿವೇಶನ ಲಭ್ಯವಿದ್ದು, ಲ್ಯಾಂಡ್​ಬ್ಯಾಂಕ್(ಅಭಿವೃದ್ಧಿಗೆ ಲಭ್ಯವಿರುವ ಜಾಗ) ಕೂಡ ಅಧಿಕವಾಗಿದೆ.

ವರ್ತುಲ ಮೆಟ್ರೋ ಸಿದ್ಧ: ಮೆಟ್ರೋ 3ನೇ ಹಂತ ಪೂರ್ಣವಾದ ಬಳಿಕ ಪೂರ್ಣ ನಗರವನ್ನೇ ಸುತ್ತುವರಿಯುವಂತಹ ಮೆಟ್ರೋ ಮಾರ್ಗವಿರಲಿದೆ. ಜಯಪ್ರಕಾಶ(ಜೆ.ಪಿ.)ನಗರದಿಂದ ಹೊರವರ್ತಲ ರಸ್ತೆಯಲ್ಲೇ ನಾಯಂಡಹಳ್ಳಿ-ಪೀಣ್ಯ-ಹೆಬ್ಬಾಳ-ಕೆ.ಆರ್.ಪುರದವರೆಗೆ ಮೆಟ್ರೋ ಮಾರ್ಗ 3ನೇ ಹಂತದಲ್ಲಿ ನಿರ್ವಣವಾಗಲಿದೆ. 2ನೇ ಹಂತದಲ್ಲಿ ಸಿಲ್ಕ್ ಬೋರ್ಡ್​ನಿಂದ ಕೆ.ಆರ್.ಪುರದವರೆಗೆ ಮೆಟ್ರೋ ಮಾರ್ಗ ನಿರ್ವಣವಾಗಲಿದೆ. ಹೀಗೆ ಬಹುತೇಕ ವರ್ತಲ ಮೆಟ್ರೋ ನನಸಾಗಲಿದೆ. ಇದರಿಂದ ಪೀಣ್ಯ-ಹೆಬ್ಬಾಳ-ಕೆ.ಆರ್.ಪುರ ಹೊರವರ್ತಲ ರಸ್ತೆ ಪ್ರದೇಶದಲ್ಲಿ ಮತ್ತಷ್ಟು ಐಟಿ ಕಂಪನಿಗಳು ತಲೆಯೆತ್ತಲಿವೆ.

ನಿವೇಶನಗಳಿಗೂ ಮೆಟ್ರೋ ಭಾಗ್ಯ

ಪ್ರಸ್ತುತ ಮೆಟ್ರೋ ಮೊದಲನೇ ಹಂತ ನಗರದ 4 ದಿಕ್ಕುಗಳನ್ನಷ್ಟೇ ಸಂರ್ಪಸುತ್ತಿದೆ. ಮೆಟ್ರೋ 2ನೇ ಹಂತದಲ್ಲಿ ನಗರದ ಮತ್ತಷ್ಟು ಪ್ರಮುಖ ಪ್ರದೇಶಗಳಿಗೆ ಮೆಟ್ರೋ ಸಾಗಲಿದೆ. ಮಾಗಡಿ ಟೋಲ್​ಗೇಟ್​ನಿಂದ ಮಾಗಡಿ ಮುಖ್ಯ ರಸ್ತೆಯ ಮೂಲಕ ಕಡಬಗೆರೆ, ಗೊಟ್ಟಿಗೆರೆ ಮಾರ್ಗ ವಿಸ್ತರಣೆಯಾಗಿ ಬಸವಾಪುರದವರೆಗೆ, ಆರ್.ಕೆ.ಹೆಗಡೆ ನಗರದಿಂದ ಏರೋಸ್ಪೇಸ್ ಪಾರ್ಕ್, ಕೋಗಿಲು ಕ್ರಾಸ್​ನಿಂದ ರಾಜನಕುಂಟೆ, ಬೊಮ್ಮಸಂದ್ರದಿಂದ ಅತ್ತಿಬೆಲೆ, ಇಬಲೂರಿನಿಂದ ಕಾರ್ಮಲ್​ರಾಮ್ ಕಡೆಗೆ 3ನೇ ಹಂತದಲ್ಲಿ ಹೊಸ ಮಾರ್ಗ ನಿರ್ವಣವಾಗಿದೆ. ಈ ಪ್ರದೇಶ ಐಟಿಗಿಂತ ನಿವೇಶನಗಳಿಗೆ, ಫ್ಲ್ಯಾಟ್​ಗಳು ತಲೆ ಎತ್ತುವ ಪ್ರದೇಶಗಳಾಗಿವೆ. ಭವಿಷ್ಯದಲ್ಲಿ ಮೆಟ್ರೋ ಸಂಪರ್ಕವಿರಲಿದೆ ಎಂದು ತಿಳಿದಾಕ್ಷಣ ರಿಯಾಲ್ಟಿ ಕ್ಷೇತ್ರವೂ ಈ ಪ್ರದೇಶದತ್ತ ಆಕರ್ಷಿತವಾಗುತ್ತವೆ. ಒಟ್ಟಾರೆ 3ನೇ ಹಂತದ ಮೆಟ್ರೋ ಜಾಲ ನಗರದ 105.5 ಕಿ.ಮೀ.ಗೆ ವಿಸ್ತರಣೆಯಾಗಲಿದ್ದು, ಸುಸ್ಥಿರ ಅಭಿವೃದ್ಧಿಗೆ ಪೂರಕವಾಗಲಿದೆ ಎನ್ನುವುದು ತಜ್ಞರ ಅಭಿಪ್ರಾಯ.

Leave a Reply

Your email address will not be published. Required fields are marked *

Back To Top