Friday, 15th December 2017  

Vijayavani

1. ಸನ್ನಿ ನೈಟ್​ಗೆ ವ್ಯಾಪಕ ವಿರೋಧ ಹಿನ್ನೆಲೆ- ಕಾರ್ಯಕ್ರಮ ರದ್ದುಗೊಳಿಸಿದ ರಾಜ್ಯ ಸರ್ಕಾರ- ಸಾವಿರಾರು ಅಭಿಮಾನಿಗಳಿಗೆ ನಿರಾಸೆ 2. ಆಟೋ ಮತ್ತು ಕಾರಿನ ಮೇಲೆ ಟಿಪ್ಪರ್ ಪಲ್ಟಿ- ಸ್ಥಳದಲ್ಲೇ ಮೂವರ ದುರ್ಮರಣ – ಬೆಂಗಳೂರಿನಲ್ಲಿ ಭೀಕರ ರಸ್ತೆ ಅಪಘಾತ 3. ಶನಿಮುಖಿ ಸುನೀಲ್​ಗೆ ಸುಪಾರಿ ಕೇಡು- ವಾರದ ಅಚ್ಚರಿಯಲ್ಲಿ ಕ್ರೈಂ ವರದಿ ಕಿಂಗ್ ಲೇಖನ – ಇನ್ನೂ ಬರೆಯೋದು ಇದೆ ಎಂದ ಬೆಳಗೆರೆ 4. ಜಿಲ್ಲಾಧ್ಯಕ್ಷರ ಬದಲಾವಣೆಗೆ ಪಟ್ಟು- ಜೆಡಿಎಸ್ ಸಭೆಯಲ್ಲಿ ಮಾರಾಮಾರಿ- ಬಾಗಲಕೋಟೆಯಲ್ಲಿ ಕೈ ಕೈ ಮಿಲಾಯಿಸಿದ ಕಾರ್ಯಕರ್ತರು 5. ಗುಜರಾತ್ ವಿಧಾನಸಭೆಯಲ್ಲಿ ಯಾರು ಗೆಲ್ತಾರೆ- ನಾಯಿ ಬೊಗಳುತೈತೆ ಭವಿಷ್ಯ – ವೈರಲ್ ಆಯ್ತು ಬೌಬೌ ವಿಡಿಯೋ
Breaking News :

ಅಂತೂ ಸಿಕ್ಕಿತು ಪ್ರಸೂತಿ ಆರೈಕೆ ಭತ್ಯೆ

Wednesday, 05.07.2017, 3:00 AM       No Comments

ಚಾಮರಾಜನಗರ: 1300 ರೂ. ಪ್ರೋತ್ಸಾಹ ಧನ ಪಡೆಯಲು ಮೂರು ವರ್ಷಗಳಿಂದ ಅಲೆದಾಡುತ್ತಿದ್ದ ಫಲಾನುಭವಿಗೆ ಅಂತೂ ಹಣ ದೊರೆತಿದೆ. ‘ವಿಜಯವಾಣಿ’ ಮತ್ತು ‘ದಿಗ್ವಿಜಯ’ ನ್ಯೂಸ್​ನಲ್ಲಿ ಪ್ರಕಟವಾದ ವರದಿ ನಂತರ ಎಚ್ಚೆತ್ತುಕೊಂಡ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಅಧಿಕಾರಿಗಳು, ಫಲಾನುಭವಿಗೆ ಪ್ರೋತ್ಸಾಹ ಧನ ತಲುಪುವಂತೆ ಮಾಡಿದ್ದಾರೆ.

ಏನಾಗಿತ್ತು?: ಗುಂಡ್ಲುಪೇಟೆಯ ವೀರನಪುರದ ಭಾಗ್ಯ ಅವರಿಗೆ 2014ರ ಅಕ್ಟೋಬರ್​ನಲ್ಲಿ ಸರ್ಕಾರಿ ಆಸ್ಪತ್ರೆಯಲ್ಲಿ ಹೆರಿಗೆ ಆಗಿತ್ತು. ಇದಕ್ಕಾಗಿ ಸರ್ಕಾರದ ‘ಪ್ರಸೂತಿ ಆರೈಕೆ ಯೋಜನೆ’ಯಡಿ 1300 ರೂ. ಪ್ರೋತ್ಸಾಹ ಧನ ಬರಬೇಕಿತ್ತು. ಇದನ್ನು ಪಡೆಯಲು ಸಾಕಷ್ಟು ಅಲೆದಾಟ ನಡೆಸಿದ್ದರು. ಇತ್ತೀಚೆಗೆ ಪ್ರೋತ್ಸಾಹ ಧನದ ಚೆಕ್ ಪಡೆದಿದ್ದರಾದರೂ, ಅದನ್ನು ನಗದೀಕರಿಸಲು ಬ್ಯಾಂಕ್​ಗೆ ಹೋದಾಗ ಸರ್ಕಾರದ ಖಾತೆಯಲ್ಲಿ ಹಣವಿಲ್ಲ ಎಂದು ಬ್ಯಾಂಕ್ ಅಧಿಕಾರಿಗಳು ಹಿಂದಕ್ಕೆ ಕಳುಹಿಸಿದ್ದರು.

ಭಾಗ್ಯ ಪತಿ ಮಹೇಶ್ ಈ ಬಗ್ಗೆ ಸಂಬಂಧಪಟ್ಟ ಅಧಿಕಾರಿಗಳನ್ನು ಸಂರ್ಪಸಿದಾಗ ಬೆಂಗಳೂರಿಗೆ ಬರುವಂತೆ ಹೇಳಿದ್ದರು. ಕೇವಲ 1300 ರೂ. ಪಡೆದು ಕೊಳ್ಳಲು ಬೆಂಗಳೂರಿಗೆ ಕೆಲಸ ಬಿಟ್ಟು, ಸಾರಿಗೆ ವೆಚ್ಚ ಭರಿಸಿಕೊಂಡು ಹೋಗಬೇಕಿತ್ತು. ಈ ಕುರಿತು ‘ದಿಗ್ವಿಜಯ’ ನ್ಯೂಸ್ ಹಾಗೂ ‘ವಿಜಯವಾಣಿ’ ವರದಿ ಪ್ರಕಟಿಸಿ ಆರೋಗ್ಯ ಇಲಾಖೆಯ ಗಮನ ಸೆಳೆದಿದ್ದವು. ಕೂಡಲೇ ಕಾರ್ಯಪ್ರವೃತ್ತ ರಾದ ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಕೆ.ಎಚ್.ಪ್ರಸಾದ್, ಹಣ ತಲುಪುವಂತೆ ಮಾಡಿದ್ದಾರೆ.

 ‘ವಿಜಯವಾಣಿ’ ಹಾಗೂ ‘ದಿಗ್ವಿಜಯ’ ನ್ಯೂಸ್​ನಲ್ಲಿ ವರದಿ ಪ್ರಕಟವಾದ ಕೇವಲ ಎರಡ್ಮೂರು ದಿನಗಳಲ್ಲಿ ಹಣ ಕೈ ಸೇರಿದೆ. ಮಾಧ್ಯಮದ ಕಾಳಜಿಗೆ ಅಭಿನಂದನೆಗಳು.

| ಮಹೇಶ್, ಫಲಾನುಭವಿ ಭಾಗ್ಯ ಅವರ ಪತಿ

Leave a Reply

Your email address will not be published. Required fields are marked *

Back To Top