Friday, 22nd June 2018  

Vijayavani

ಬಜೆಟ್ ಪೂರ್ವಭಾವಿ ಸಭೆ ಆರಂಭ - ಸಮಾಜ ಕಲ್ಯಾಣ, ಹಿಂದುಳಿದ ವರ್ಗಗಳ ಇಲಾಖೆ ಸಭೆ -ಸಿಎಂ ನೇತೃತ್ವದಲ್ಲಿ ಮೀಟಿಂಗ್​​        ಟ್ರಾನ್ಸ್​​​ಫರ್​ಗೆ ನೋ ಬ್ರೋಕರ್ ಸಿಸ್ಟಂ - ಸಿಎಂ, ಡಿಸಿಎಂ ಹೆಸ್ರು ಬಳಸಿದ್ರೆ ದೂರವಿಡಿ - ಪೊಲೀಸ್​​​​ ಅಧಿಕಾರಿಗಳಿಗೆ ಸಿಎಂ ಆರ್ಡರ್​​​​        ಲಾರಿಗೆ ಸಿಲುಕಿ ಆತ್ಮಹತ್ಯೆಗೆ ಯುವಕನ ಯತ್ನ - ಚಕ್ರ ಹರಿದು ಎರಡೂ ಕಾಲು ಕಟ್​ - ಕೊಪ್ಪಳದ ಕುಕನೂರು ಪಟ್ಟಣದಲ್ಲಿ ಘಟನೆ        ಗಂಗಾಧರ ಚಡಚಣ ನಿಗೂಢ ಹತ್ಯ ಪ್ರಕರಣ - 6 ಮಂದಿ ಆರೋಪಿಗಳ ಸಿಐಡಿ ತನಿಖೆ ಪೂರ್ಣ        ಇಂದಿನಿಂದ ಮೆಟ್ರೋದ 6 ಬೋಗಿ ರೈಲು ಓಡಾಟ - ಬೈಯಪ್ಪನ ಹಳ್ಳಿಯಿಂದ ಮೈಸೂರು ರಸ್ತೆ ವರೆಗೆ ಸಂಚಾರ        ಹಜ್​ ಭವನಕ್ಕೆ ಟಿಪ್ಪು ಹೆಸರಿಡಲು ಪ್ರಸ್ತಾಪ- ವಕ್ಫ್​ ಸಚಿವ ಜಮೀರ್​ ವಿರುದ್ಧ ಆಕ್ರೋಶ- ಟಿಪ್ಪು ಹೆಸರಿಟ್ರೆ ಉಗ್ರ ಹೋರಾಟ ಎಂದ ಬಿಜೆಪಿ       
Breaking News

ಅಂಚೆ ಕಚೇರಿಗೆ ಜನರ ಲಗ್ಗೆ

Friday, 07.07.2017, 3:00 AM       No Comments

ಬೀದರ್: ಬೇಟಿ ಪಡಾವೋ- ಬೇಟಿ ಬಚಾವೋ ಯೋಜನೆಯಡಿ ಕೇಂದ್ರ ಸರ್ಕಾರ 8ರಿಂದ 32 ವರ್ಷದ ಹೆಣ್ಮಕ್ಕಳಿಗೆ 2 ಲಕ್ಷ ರೂ. ನೀಡಲಿದೆ ಎಂದು ಉತ್ತರ ಭಾರತದ ಹಲವು ರಾಜ್ಯಗಳಲ್ಲಿ ಎದ್ದಿರುವ ವದಂತಿ ಬಿಸಿ ಈಗ ಬೀದರ್ ಜಿಲ್ಲೆಗೂ ತಟ್ಟಿದೆ. ಈ ವದಂತಿಗೆ ಕಿವಿಗೊಟ್ಟ ನೂರಾರು ಜನ ಗುರುವಾರ ಜಿಲ್ಲೆಯ ವಿವಿಧ ಅಂಚೆ ಕಚೇರಿಗಳಿಗೆ ಲಗ್ಗೆಯಿಟ್ಟು ಅರ್ಜಿ ಸಲ್ಲಿಸಲು ಮುಂದಾಗಿದ್ದಾರೆ.

ಅಂಚೆ ಕಚೇರಿಗೆ ತೆರಳಿ ಮಗಳ ಹೆಸರಿನಲ್ಲಿ ಅರ್ಜಿ ತುಂಬಿ ಕೇಂದ್ರ ಸರ್ಕಾರಕ್ಕೆ ರವಾನಿಸಿದರೆ, ಸರ್ಕಾರ ಅವರ ಖಾತೆಗೆ ನೇರವಾಗಿ 2 ಲಕ್ಷ ರೂ. ಹಾಕಲಿದೆ ಎಂಬ ವದಂತಿ ಹಬ್ಬಿದೆ. ಇದನ್ನೇ ಸತ್ಯವೆಂದು ನಂಬಿದ ಅನೇಕರು ಬೀದರ್​ನ ಪ್ರಧಾನ ಅಂಚೆ ಕಚೇರಿ ಸೇರಿ ತಾಲೂಕು ಕೇಂದ್ರ ಹಾಗೂ ವಿವಿಧೆಡೆಯ ಅಂಚೆ ಕಚೇರಿಗಳಿಗೆ ಧಾವಿಸಿ ಅರ್ಜಿ ಸಲ್ಲಿಸಲು ನಾಮುಂದು ತಾಮುಂದು ಎಂದು ಮುಗಿಬಿದ್ದರು.

ಕೇಂದ್ರದಿಂದ ಇಂಥ ಯಾವುದೇ ಯೋಜನೆ ಇಲ್ಲ. ಇದಕ್ಕಾಗಿ ಅರ್ಜಿಯೂ ನಮ್ಮಲ್ಲಿ ಬಂದಿಲ್ಲ ಎಂದು ಅಂಚೆ ಅಧಿಕಾರಿಗಳು ಎಷ್ಟೇ ಸಮಜಾಯಿಷಿ ನೀಡಿದರೂ ಜನರು ಕೇಳುತ್ತಿಲ್ಲ. ಅರ್ಜಿಗಾಗಿ ಅತ್ತಿತ್ತ ಅಲೆದಾಟ ನಡೆಸಿದ್ದಾರೆ. ಯಾರೋ ಇಂಥ ಬೋಗಸ್ ಅರ್ಜಿ ಸಿದ್ಧಪಡಿಸಿದ್ದು, ಅದನ್ನೇ 10ರಿಂದ 200 ರೂ.ವರೆಗೆ ಕೊಟ್ಟು ಖರೀದಿಸಿ ತುಂಬಲು ಹವಣಿಸಿದ್ದಾರೆ. ಜನರ ಈ ಕ್ರಮ ಅಂಚೆ ಅಧಿಕಾರಿಗಳನ್ನೂ ಪೇಚಿಗೆ ಸಿಲುಕಿಸಿದೆ. ಇದೊಂದು ವದಂತಿ. ಜನ ಸತ್ಯ ಅರಿತುಕೊಳ್ಳ ಬೇಕೆಂದು ಅಂಚೆ ಇಲಾಖೆ ಅಧೀಕ್ಷಕ ಎಸ್.ಎಸ್. ಪಾಟೀಲ್ ಕೋರಿದ್ದಾರೆ. ಕೇಂದ್ರ ಮಹಿಳಾ ಮತ್ತು ಮಕ್ಕಳ ಸಚಿವೆ ಲೀನಾ ನಾಯರ್ ಸಹ ‘ಇದೊಂದು ಗಾಳಿ ಸುದ್ದಿ’ ಎಂದಿದ್ದಾರೆ.

Leave a Reply

Your email address will not be published. Required fields are marked *

Back To Top